Արշավիր Տաթևյան

Վիքիպեդիայից՝ ազատ հանրագիտարանից
Jump to navigation Jump to search
Արշավիր Տաթևյան
Ծնվել էփետրվարի 1, 1909(1909-02-01)
Մահացել էապրիլի 8, 1971(1971-04-08) (62 տարեկանում)
Ազգությունհայ
Մասնագիտությունաստղագետ
Գիտական աստիճանտեխնիկական գիտությունների դոկտոր

Արշավիր Շավարշի Տաթևյան (1 փետրվարի, 1909, գյուղ Տեկոր (Կարսի նահանգում)- 8 ապրիլի, 1971, Մոսկվա), հայ խորհրդային աստղագետ-գեոդեզիստ։ Տեխնիկական գիտությունների դոկտոր (1968Գրիգոր Տաթևյանի եղբայրը։ ԽՄԿԿ անդամ 1939 թվականից։

Ավարտել է Մոսկվայի գեոդեզիական ինստիտուտը (19341933 թվականից աշխատել է Մոսկվայի մետրոպոլիտենի շինարարությունում։ 1940-1969 թվականներին եղել է Գեոդեզիայի, աերոհանույթի և քարտեզագրության կենտրոնական ԳՀԻ-ի տնօրեն, 1969 թվականից՝ նույն ինստիտուտի բարձրագույն գեոդեզիայի և կիրառական աստղագիտության լաբորատորիայի վարիչ։ 1937 թվականից դասախոսել է Մոսկվայի գեոդեզիական ինստիտուտում։ Աշխատությունները վերաբերում են բարձրագույն գեոդեզիայի աստղագիտական-գեոդեզիական ցանցի գնահատման հարցերին։ Տաթևյանի գեոդեզիական հենարանային ցանցի կառուցման մասին հետազոտությունները կարևոր դեր են խաղացել ԽՍՀՄ-ում գեոդեզիական հիմնական աշխատանքների կազմավորման համար գիտական հետազոտությունների զարգացման գործում։ Պարգևատրվել է Աշխատանքային կարմիր դրոշի շքանշանով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 543 CC-BY-SA-icon-80x15.png