Արշամ Շահինյան

Արշամ Շահինյան;
Ծնվել է	նոյեմբերի 1, 1918
Ծննդավայր	Երևան, Հայաստան
Մահացել է	դեկտեմբերի 13, 2004 (86 տարեկան)
Վախճանի վայրը	Երևան, Հայաստան
Քաղաքացիություն	ԽՍՀՄ և Հայաստան
Ազգություն	հայ
Կրթություն	Երևանի պետական գեղարվեստա-թատերական ինստիտուտ (1951)
Ստեղծագործություն(ներ)	Վահան Տերյանի կիսանդրի, Թորոս Ռոսլինի հուշարձան, Սարդարապատի հերոսամարտի հուշահամալիր և Րաֆֆու կիսանդրի
Մասնագիտություն	քանդակագործ և դասախոս
Աշխատավայր	Փանոս Թերլեմեզյանի անվան գեղարվեստական ուսումնարան և Երևանի պետական գեղարվեստա-թատերական ինստիտուտ
Քաղաքական կուսակցություն	ԽՄԿԿ
Պարգևներ և ; մրցանակներ
	Arsham Shahinyan Վիքիպահեստում

Վիքիպեդիայում կան հոդվածներ Շահինյան ազգանունով այլ մարդկանց մասին։

Արշամ Արտաշեսի Շահինյան (նոյեմբերի 1, 1918(1918-11-01)^[1], Երևան, Հայաստան^[1] - դեկտեմբերի 13, 2004(2004-12-13), Երևան, Հայաստան), հայ քանդակագործ, ԽՍՀՄ վաստակավոր նկարիչ (1972)։

Կենսագրություն

1951 թվականին ավարտել է Երևանի գեղարվեստական ինստիտուտը։ 1951-1980 թվականներին դասավանդել է Երևանի Փանոս Թերլեմեզյանի անվան գեղարվեստի ուսումնարանում, 1978-1980 թվականներին եղել է ուսումնարանի տնօրեն։ 1969 թվականից, միաժամանակ դասավանդել է Երևանի գեղարվեստա-թատերական ինստիտուտում։ Եղել է նկարիչների միության անդամ։ 1972 թվականից՝ ԽՍՀՄ վաստակավոր նկարիչ: 1985 թվականին Արշամ Շահինյանին շնորհվել է քանդակի ամբիոնի դոցենտի գիտական կոչում։ Երևանի գեղարվեստի պետական ակադեմիայի գիտական խորհրդի որոշմամբ, 2004 թվականին շնորհվել է պրոֆեսորի գիտական կոչում կերպարվեստի մասնագիտությամբ։ Արշամ Շահինյանը Սարդարապատի ճակատամարտին նվիրված հուշահամալիրի հեղինակներից է։ 1949 թվականից մասնակցել է հանրապետական և համամիութենական ցուցահանդեսներին^[2]։

Ստեղծագործություններ

Ստեղծագործել է հաստոցային և մոնումենտալ քանդակագործության բնագավառում։ Մոնումենտալ քանդակներից են՝

Թորոս Ռոսլինի հուշարձանը, (1967, բազալտ, Մատենադարանի առջև)
Տիգրան Չուխաճյանի կիսանդրին (1971, մարմար, Երևանի օպերայի և բալետի թատրոնի ճեմասրահում)
Վահան Տերյանի հուշարձանները (1965, մարմար, Երևան, 1974, բազալտ, Օրենբուրգ, ճարտարապետ Ս․ Լազարյան)
Սարդարապատի ճակատամարտին նվիրված համալիրի համահեղինակ, 1968
Մեսրոպ Մաշտոցի, Խաչատուր Աբովյանի արձանները (1974, բազալտ, Դիլիջան)
Րաֆֆու կիսանդրին, (1987, գրանիտ, բրոնզ, Երևանի Րաֆֆու անվան դպրոցի առջև)
Կոնակովո քաղաքի սպորտի պալատի դրվագված բարձրաքանդակները (պղինձ, 1978)
Հայրենական պատերազմում զոհված մեղրաձորցի մարտիկներին նվիրված հուշարձանը (բազալտ, 1981, ճարտարապետ Ա․ Գաբրիելյան, գ․ Մեղրաձոր)

Հաստոցային քանդակներից են՝

«Մտորումներ» (1957, մարմար, Հայաստանի ազգային պատկերասրահ)
«Ծովակալ Իսակով» (1970, մարմար)
«Մայր Հայաստան» (զինվորական թանգարան)

Պատկերասրահ

Թորոս Ռոսլինի հուշարձանը Երևանում
Րաֆֆու կիսանդրին, (1987, գրանիտ, բրոնզ, Երևանի Րաֆֆու անվան դպրոցի առջև)
Վահան Տերյանի կիսանդրի (Երևան)

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Հայկական սովետական հանրագիտարան, հատոր 8 (հայ.) — հատոր 8. — էջ 423.
↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

Վիքիպահեստն ունի նյութեր, որոնք վերաբերում են «Արշամ Շահինյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 423)։

[_59e7909023ba693c-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Հայկական սովետական հանրագիտարան, հատոր 8 (հայ.) — հատոր 8. — էջ 423.

[2] Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[1]

[2]