Արշակ Հարությունյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox film.png
Արշակ Հարությունյան
Արշակ Հարությունյան.jpg
Ծնվել է 1869 ապրիլի 5
Ծննդավայր Թիֆլիս
Մահացել է հուլիսի 27, 1936(1936-07-27) (տարիքը 67)
Մահվան վայր Երևան
Կրթություն Ներսիսեան դպրոց
Ազգություն հայ
Մասնագիտություն Դերասան
Ընտրանի «Պեպո»

Արշակ Հարությունյան (1869, ապրիլի 5, Թիֆլիս-1936, հուլիսի 27, Երևան), հայ դերասան, ՀԽՍՀ վաստակավոր արտիստ (1934

Կենսագրություն[խմբագրել | խմբագրել կոդը]

Արշակ Հարությունյանը ծնվել է 1869 թվականին, Թիֆլիսում։ Եղել է հայ թատրոնի ամենահին դերասաններից մեկը։ Ավարտել է Ներսիսյան դպրոցը։ Դերասանական գործունեությունն սկսել է 1887 թվականից։ Աշխատել է Թիֆլիսի և Բաքվի թատրոններում, խաղացել է Գևորգ Չմշկյանի և Գ. Տեր-Դավթյանի խմբերում, Դ. Պետրոսյանի, Հովհաննես Աբելյանի, Մայսուրյան-Զարիֆյան և այլ խմբերի հետ հանդես է եկել Կովկասում, Միջին Ասիայում, Պարսկաստանում, Թուրքիայում։ Հիմնականում խաղացել է ուժեղ խառնվածքի դրամատիկական դերեր, հարազատությամբ վերարտադրել հատկապես սունդուկյանական կերպարները։ 1922 թ. հունվարի 25-ին, Երևանի Առաջին Պետթատրոնի բացման օրը խաղացել է «Պեպո» ներկայացման մեջ, որտեղ հանդես է եկել գլխավոր դերում։[1]

Խաղացած դերերը թատրոնում[խմբագրել | խմբագրել կոդը]

  • Պեպո՝ «Պեպո»
  • Սաղաթել՝ «Պատվի համար»
  • Սուլեյման՝ «Դավաճանություն»
  • Զամբախով՝ «Խաթաբալա»
  • Սարգիս՝ «էլի մեկ գոհ»
  • Օսեփ՝ «Քանդած օջախ»
  • Գրիգոր աղա՝ «Ժայռ»
  • Սուլեյման՝ «Դավաճանություն»
  • Յագո՝ «Օթելլո»
  • Կլավդիոս՝ «Համլետ»

Հոդվածներով և բանաստեղծություններով հանդես է եկել «Արաքս», «Թատրոն», «Մշակ», «Տարազ» և այլ պարբերականներում։

1897 թվականին Թիֆլիսում լույս է տեսել նրա «Բանաստեղծություններ» խորագրով ժողովածուն։ 1926 թվականից նկարահանվել է կինոյում՝ «Շորն ու Շորշորը», «Զամալլու», «Գիքոր», «Մեր կոլխոզի մարդիկ»։

Աղբյուրներ[խմբագրել | խմբագրել կոդը]

  1. Հայ սովետական թատրոնի պատմություն։ Երևան: ՀՍՍՀ Գիտությունների Ակադեմիայի Հրատարակչություն։ 1967 

Արտաքին հղումներ[խմբագրել | խմբագրել կոդը]