Արշակ Խաչատրյան

Վիքիպեդիայում կան հոդվածներ Խաչատրյան ազգանունով այլ մարդկանց մասին։

Արշակ Խաչատրյան
Ծնվել է	մայիսի 25, 1924(1924-05-25) (99 տարեկան)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Կրթություն	Երևանի Մխիթար Հերացու անվան Պետական Բժշկական Համալսարան
Մասնագիտություն	բժիշկ
Կուսակցություն	ԽՄԿԿ
Պարգևներ	և

Արշակ Ռուբենի Խաչատրյան (մայիսի 25, 1924(1924-05-25), Երևան, Հայկական ԽՍՀ, ԱԽՖՍՀ, ԽՍՀՄ), հայ բժիշկ, Նախիջևանի ԻԽՍՀ վաստակավոր բժիշկ, բժշկական ծառայության փոխգնդապետ։ ԽՄԿԿ անդամ՝ 1958 թվականից։

Կենսագրություն

Ծնվել է 1924 թվականի Երևանում։ 1940 թվականին ավարտել է Երևանի թիվ 3 միջնակարգ դպրոցը և ընդունվել Երևանի բժշկական ինստիտուտ։ 1944 թվականին, բուհն ավարտելուց հետո, զորակոչվել է բանակ։ Զինվորական ծառայությունը շարունակել է մինչև 1973 թվականը։ Մասնակցել է Հայրենական մեծ պատերազմին։ Երրորդ Ուկրաինական ռազմաճակատի զորամասերում որպես հրաձգային գնդի կրտսեր բժիշկ, վիրավորներին օգնություն է ցույց տվել Հարավսլավիայի ու Հունգարիայի ազատագրման և Ավստրիայի գրավման համար մղած մարտերում։ Երկու անգամ վիրավորվել է, սակայն շարունակել է աշխատանքը։ Պատերազմից հետո շարունակել է զինվորական ծառայությունը, մասնագիտական խորացում է ձեռք բերել մի քանի անգամ և որակավորվել ուրոլոգիայի, մաշկաբանության, թերապիայի ոլորտում։ 1973 թվականին զորացրվել է բանակից և նշանակվել Երևանի թիվ 10 պոլիկլինիկայի գլխավոր բժիշկ։

Արժանացել է կառավարական 20 պարգևի, «ԽՍՀՄ առողջապահության գերազանցիկի» կրծքանշանի և Նախիջևանի ԻԽՍՀ վաստակավոր բժշկի կոչման։