Արշալույս Աղայան
Արշալույս Աղայան | |
|---|---|
| Ծնվել է | նոյեմբերի 15, 1945 (78 տարեկան) |
| Ծննդավայր | Իրան |
| Կրթություն | Երևանի պետական գեղարվեստա-թատերական ինստիտուտ (1978) |
| Մասնագիտություն | նկարիչ |
Արշալույս Աղայան (նոյեմբերի 15, 1945, Իրան), իրանահայ նկարիչ։
Կենսագրություն[խմբագրել | խմբագրել կոդը]
Արշալույս Աղայանը ծնվել է 1945 թվականին Իրանի Ալիգուդարզ նահանգի Ֆարջաբադ գյուղում։ Սովորել է Թեհրանի «Արարատ» հայկական դպրոցում, 1970 թվականին ավարտել է Քյամալոլմոլք արվեստի ուսումնարանը։ Այնուհետև նկարչություն է դասավանդել Թեհրանի մի քանի դպրոցներում։ 1973 թվականին ընտանիքով տեղափոխվել են Հայաստան։ 1978 թվականին ավարտել է Երևանի գեղարվեստա-թատերական ինստիտուտի գեղանկարչության բաժինը[1]։
Հայաստանում համագործակցում է Հայաստանի նկարիչների միության հետ։ Աղայանի գործերի հիմնական թեմաներն են պատմական կարևոր իրադարձությունները, հայ ժողովրդի բարքերը, ավանդույթները, կենցաղը[1]։
Ցուցահանդեսներ[խմբագրել | խմբագրել կոդը]
Աղայանի առաջին ցուցահանդեսը տեղի է ունեցել Թեհրանի «Աբովյան» հայկական միությունում, որի հիմնադիրներից է եղել նաև Աղայանը։ 1968-1972 թվականներին Իրանում մասնակցել է մի շարք ցուցահանդեսների, Թեհրանում բացել իր անհատական ցուցահանդեսը։ 1980 թվականին իր անհատական գործերը ներկայացրել է Հայաստանի ժուռնալիստների տանը։
1992 թվականին Լոս Անջելեսում, Իրանահայ միության նախաձեռնությամբ, կազմակերվել է Աղայանի գործերի ցուցահանդես-վաճառք[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Իրանահայոց հանրագիտարան։ Կազմող` Ժանետ Տ. Լազարյան։ Երևան, «ՎՄՎ-Պրինտ, 2012։
Գրականություն[խմբագրել | խմբագրել կոդը]
- Արմինե (Արմինե Մելիք-Իսրայելյան), Գեղանկարիչ Արշալույս Աղայան. 400-ամյա վկան, Երևան ։ Ասողիկ, 2008, 978-9939-50-061-4[1][2]։
- ↑ Արմինե (2008). Գեղանկարիչ Արշալույս Աղայան. 400-ամյա վկան. Երևան: Ասողիկ. ISBN 9789939500614.
- ↑ «Լույս է տեսել «Գեղանկարիչ Արշալույս Աղայան. 400-ամյա վկանե աշխատությունը». Արմենպրես. Վերցված է 2018 թ․ հունվարի 4-ին.