Արմեն Խաչատրյան (ճարտարագետ-մեխանիկոս)

Անվան այլ կիրառումների համար տե՛ս՝ Արմեն Խաչատրյան (այլ կիրառումներ)

Վիքիպեդիայում կան հոդվածներ Խաչատրյան ազգանունով այլ մարդկանց մասին։

Արմեն Խաչատրյան
Ծնվել է	մարտի 25, 1953(1953-03-25) (71 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Հայաստանի ազգային ագրարային համալսարան
Գիտական աստիճան	տեխնիկական գիտությունների դոկտոր (1996)
Մասնագիտություն	ճարտարագետ
Աշխատավայր	Հայաստանի գյուղատնտեսության նախարարություն, Հայաստանի Կառավարություն և Հայաստանի ազգային ագրարային համալսարան

Արմեն Ցոլակի Խաչատրյան (մարտի 25, 1953(1953-03-25), Երևան, Հայկական ԽՍՀ, ԽՍՀՄ), հայ ճարտարագետ-մեխանիկոս։ Տեխնիկական գիտությունների դոկտոր (1996): ՀԳԳԱ ակադեմիկոս (1996):

Կենսագրություն

Արմեն Խաչատրյանը ծնվել է 1953 թվականի մարտի 25-ին, Երևանում։ 1975 թվականին ավարտել է Հայկական գյուղատնտեսական ինստիտուտը։ 1992-1993 թվականներին և 1998-2001 թվականներին եղել է ՀՀ գյուղատնտեսության փոխնախարար, 1993-1994 թվականներին՝ ՀՀ Կառավարության գործերի կառավարիչ, 1994-1998 թվականներին՝ Հայկական գյուղատնտեսական ակադեմիայի ռեկտոր, 2001-2002 թվականներին՝ «Մաքս Գրուպ» կոնցեռնի, 2002-2003 թվականներին՝ «Հայաստանի էլեկտրականբաշխիչ ցանցեր» ընկերության գլխավոր տնօրենի տեղակալ, 2003 թվականից՝ Պետական գյուղատնտեսական քոլեջի (Նոր Գեղի) տնօրեն։

Աշխատանքները վերաբերում են հողի մշակության գյուղատնտեսական մեքենաների, սրանց բանող ագրեգատների և լեռնային երկրագործության մեքենայացման խնդիրներին։ Համահեղինակ է «Երկրագործական մեխանիկա» (մաս 1, 1998) և «Մաթեմատիկական վիճակագրության տարրերը և գիտափորձերի պլանավորման տեսությունը (2001) ուսումնական ձեռնարկների։

Անդամակցություն

• ՌԴ ագրարային կրթության ակադեմիայի թղթակից անդամ (1995)։
• ՌԴ բնական ԳԱ անդամ (1999)։
• Խաղողագործության և գինեգործության միջազգային ակադեմիայի անդամ (1999)։

Երկեր

• Теория расчета почвообратывающиы опудуй для различных почв, Е., 1995 (համահեղինակ).
• Взаимодействие деформатора и почвы при ее обработке, Е., 1995 (համահեղինակ).