Արմեն Բայբուրդյան
| Արմեն Բայբուրդյան | |
|---|---|
| Ծնվել է | ապրիլի 2, 1964 (60 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի պետական համալսարան |
| Գիտական աստիճան | պատմական գիտությունների թեկնածու |
| Մասնագիտություն | պատմաբան և դիվանագետ |
| Աշխատավայր | Երևանի պետական համալսարան |
| Ծնողներ | հայր՝ Վահան Բայբուրդյան |
Արմեն Վահանի Բայբուրդյան (ապրիլի 2, 1964, Երևան, Հայկական ԽՍՀ, ԽՍՀՄ), հայ դիվանագետ, արտակարգ և լիազոր դեսպան, միջազգային հարաբերությունների դոկտոր, պրոֆեսոր։
Կրթություն[խմբագրել | խմբագրել կոդը]
- 1981-1986 թթ. սովորել և ավարտել է ԵՊՀ պատմության ֆակուլտետը։
- 1986-1989 թթ. սովորել և ավարտել է ԵՊՀ պատմության ֆակուլտետի ընդհանուր պատմության ամբիոնի ասպիրանտուրան։ Պատմության և միջազգային հարաբերությունների թեմաներով մենագրության ու մի շարք հոդվածների հեղինակ։
- 1990թ դեկտեմբեր - շնորհվել է պատմական գիտությունների թեկնածուի գիտական աստիճան՝ ընդհանուր պատմություն մասնագիտացմամբ։
- 2002-2004թթ., 2008-2009թթ. սովորել է Նյու Դելիի Ջավահարլալ Ներուի անվան համալսարանի դոկտորանտուրայում՝ միջազգային հարաբերությունների գծով[1]։
- 2008թ. սեպտեմբերից դեկտեմբեր ամիսներին սովորել և ավարտել է Հարվարդի համալսարանի և Մասաչուսեթսի տեխնոլոգիական ինստիտուտի խորացված բանակցային դասընթացը։
- 2010թ. հուլիս - Ջավահարլալ Ներուի անվան համալսարանում ստացել է միջազգային հարաբերությունների դոկտորի գիտական աստիճան։
Աշխատանքային գործունեություն[խմբագրել | խմբագրել կոդը]
- 1989-1991 թթ. - ԵՊՀ պատմության ֆակուլտետի ընդհանուր պատմության և դիվանագիտության պատմության դասախոս
- 1991-1992 թթ. - ՀՀ Գերագույն խորհրդի նախագահի առաջին տեղակալի օգնական, այնուհետև՝ ՀՀ Գերագույն խորհրդի նախագահի արտաքին կապերի գծով խորհրդական
- 1992 թ. - ՀՀ արտաքին գործերի նախարարության միջազգային կազմակերպությունների բաժնի խորհրդական
- 1993-1995 թթ. - ՄԱԿ-ում ՀՀ մշտական ներկայացուցչի տեղակալ
- 1995-1997 թթ. - Լոս Անջելեսում ՀՀ առաջին գլխավոր հյուպատոս
- 1997-2000 թթ. - Հայաստանի արտաքին գործերի փոխնախարար, ԱՄՆ-ի հետ «Անվտանգության երկխոսության» հայաստանյան կողմի համանախագահ։
- 1999 թվականից - համատեղությամբ Վ. Բրյուսովի անվան Երևանի պետական լեզվահասարակագիտական համալսարանի դոցենտ
- 2000-2004 թթ. - Հնդկաստանի Հանրապետությունում ՀՀ առաջին արտակարգ և լիազոր դեսպան։ Համատեղության կարգով նշանակվել է նաև Ինդոնեզիայում, Շրի Լանկայի Ժողովրդավարական Սոցիալիստական Հանրապետությունում և Նեպալում ՀՀ արտակարգ և լիազոր դեսպան
- 2004-2008թթ. - ՀՀ արտաքին գործերի փոխնախարար, Եվրոպական միության հետ գլխավոր բանակցող՝ Եվրոպական հարևանության գծով։ Միևնույն ժամանակ՝ հայ-չինական և հայ-հնդկական միջկառավարական հանձնաժողովների հայաստանյան կողմի համանախագահ։
- 2008 թ. փետրվարի 23-ին ՀՀ Նախագահ Ռ. Քոչարյանի հրամանագրով ազատվել է զբաղեցրած պաշտոնից՝ «Դեսպանների ուղերձը» ստորագրելու համար
- 2008-2013թթ. - ՀՀ-ում ՄԱԿ-ի մշտական համակարգողի, ՄԱԿ-ի Զարգացման ծրագրի մշտական ներկայացուցչի ավագ խորհրդական
- 2009-2013թթ․ - համատեղությամբ ԵՊՀ Եվրոպական ուսումնասիրությունների կենտրոնի ավագ փորձագետ
- 2014-2018թթ. - Մասաչուսեթսի համալսարանի քաղաքագիտության և միջազգային հարաբերությունների պրոֆեսոր
- 2016-2017թթ. - համատեղության կարգով Հայ առաքելական եկեղեցու ԱՄՆ Արևելյան թեմի առաջնորդարանի վարչական տնօրեն, Նյու Յորք
- 2018-2022թթ․ - Լոս Անջելեսում ՀՀ գլխավոր հյուպատոս[2]։
- 2022թ․-ից - Մասաչուսեթսի համալսարանի քաղաքագիտության և միջազգային հարաբերությունների պրոֆեսոր
Տիրապետում է հայերեն, ռուսերեն, անգլերեն և մասամբ ֆրանսերեն լեզուներին։
Ընտանիք[խմբագրել | խմբագրել կոդը]
Ամուսնացած է, ունի երեք զավակ։ Արմեն Բայբուրդյանը հայտնի դիվանագետ Վահան Բայբուրդյանի որդին է։
Դիվանագիտական աստիճան[խմբագրել | խմբագրել կոդը]
- Հայաստանի Հանրապետության արտակարգ դեսպանորդ և լիազոր նախարար (1996)։
- Հայաստանի Հանրապետության արտակարգ և լիազոր դեսպան (1999)։
- Հայաստանի Հանրապետության արտակարգ և լիազոր դեսպան (2019)։
Ծանոթագրություններ[խմբագրել | խմբագրել կոդը]
| Նախորդող պաշտոնը հիմնադրվել է |
Հնդկաստանում Հայաստանի Հանրապետության արտակարգ և լիազոր դեսպան Արմեն Բայբուրդյան 2000-2004 թթ. |
Հաջորդող Աշոտ Քոչարյան |
| ||||||