Արմատային գարեջուր

Փրփուրով արմատային գարեջրի գավաթ

Արմատային գարեջուր կամ ռութբիր (անգլ.՝ Root beer), սարսապարիլլա, գազավորված ըմպելիք, սովորաբար պատրաստվում է սասաֆրասի ծառի կեղևից։ Տարածված է Հյուսիսային Ամերիկայում, արտադրվում է երկու տեսակով՝ ալկոհոլային և ոչ ալկոհոլային։

Ռութբերի ոչ ալկոհոլային տարբերակը պատրաստվում է հյութաքամվածքներից կամ օշարակներից՝ գազավորված ջրի հավելումով, և այնքան սիրված չէ, որքան մյուս զովացուցիչ ըմպելիքները, ինչպես, օրինակ, կոկա-կոլան, բայց զբաղեցնում է ԱՄՆ-ի շուկայի 3 %-ը։

Ալկոհոլային տարբերակը պատրաստում են հյութաքամվածքի և շաքարի խառնուրդի՝ խմորիչի միջոցով խմորման եղանակով։ Սովորաբար խմորումից հետո ստացվում է 0,5% ալկոհոլ պարունակող ըմպելիք (համեմատության համար՝ գարեջրի տեսակների մեծ մասը պարունակում է 3 և ավելի % ալկոհոլ, իսկ կվասը՝ 1-2):

Բաղադրությունը

Բաղադրիչների մեծ քանակի և դրանց համադրությունների շնորհիվ արմատային գարեջուրը կարող է պարունակել շատ տարբեր համային տեսակներ։ Սասաֆրաս ծառի արմատաների կեղևը պատմականորեն ապահովել է արմատային գարեջրի հիմնական համը, և որոշ մարդիկ այս ըմպելիքի համը համադրում են ջրից տարբեր ըմպելիքի հետ։ Այս կեղևը խմիչքին մի փոքր կարմրավուն երանգ է հաղորդում։

Սասաֆրասի կեղևը 1960 թվականին արգելվեց FDA- ի կողմից՝ դրա մեջ պարունակվող սաֆրոլ նյութի քաղցկեղածին հատկությունների պատճառով։ Ռութբիրն այժմ արտադրվում է առանց սաֆրոլի, և ոմանք դրա համը համարում են ավելի աղքատիկ։ Օգտագործվում է նաև ակացիա։

ԱՄՆ-ում կան ռութբիրի հարյուրավոր ապրանքատեսակներ, որոնք արտադրվում են յուրաքանչյուր նահանգում, և դրանց պատրաստման եղանակները ոչ մի դեպքում չեն միօրինակացվում։ Հիմնական բաղադրիչը՝ սասաֆրասը, կարող է համակցվել այնպիսի այլ բաղադրիչների հետ, ինչպիսիք են վանիլը, բալի կեդղևը, քաղցրարմատը, սասսապարիլի արմատը, մշկընկույզը, անիսոնը, մեղրախոտը, դարչինը և մեխակը։

Տնական պայմաններում արմատային գարեջուրը սովորաբար պատրաստվում է խտանյութից։ Սակայն այն կարող է պատրաստվել նաև բնական խոտաբույսերից և արմատներից։ Ինչպես ալկոհոլային, այնպես էլ ոչ ալկոհոլային արմատային գարեջուրը բաժակի մեջ լցնելուց հետո առաջանում է հաստ շերտով փրփուր, որը խտանում է հիմնականում արմավաշուշանի հյութաքամվածքի շնորհիվ։

Արմատային գարեջրի ապրանքանիշերից մեկը՝ Barq's-ը, պարունակում է կոֆեին։

Ապրանքանիշերի ցանկ

• 1919
• A-Treat
• Abita — լուիզիանյան տարածաշրջանային ապրանքատեսակ՝ պատրաստված տեղի եղեգնաշաքարի կիրառմամբ
• A&W Root Beer — Cadbury-Schweppes
• Barq’s — Кока-кола
• Barrelhead — Cadbury-Schweppes
• Baumeister
• Bawls G33k B33r
• Berghoff
• Bickfords Sarsaparilla (Ավստրալիա)
• Joseph Huber Brewing Company
• Boylan Bottling Company
• Bundaberg Brewed Drinks - ավստրալիական գարեջրային ապրանքատեսակ
• Carter’s
• Dad’s Root Beer — Hedinger Brands, LLC
• Dog n Suds
• Faygo
• Fitz’s
• Francis Hartridge’s Celebrated Root Beer
• Frostie Root Beer
• Frostop
• Frozen Run
• Goose Island Brewery
• Grandpa Graf’s
• Hank’s Root Beer
• Henry Weinhard
• Hires Root Beer — Cadbury-Schweppes
• IBC Root Beer — Cadbury-Schweppes
• Jones Soda Root Beer
• Lion Brewery Root Beer
• Mug Root Beer — PepsiCo
• Nemiroff Vodka
• Old Dominion Brewing Company
• Old Town Root Beer
• Stevens Point Brewery|Point Root Beer
• Ripsaw Root Beer — Bottled in Alpena, MI — պատրաստվում է եղեգնաշաքարի կիրառմամբ
• Route 66 Route (Root) Beer, Route 66 Sodas, LLC
• Saranac
• Natural Brew Hand Crafted Draft Root Beer
• Saint Arnold Brewing Company — տեխասյան տարածաշրջանային ապրանքատեսակ, պատրաստվում է եղեգնաշաքարի կիրառմամբ
• Sarsi — Coca-Cola Bottlers Philippines Inc.
• Shasta
• Sioux City Sarsaparilla
• Snapple
• Sprecher Brewery
• Stewart’s Fountain Classics — Cadbury-Schweppes («World Cup of Root Beer»-ի հաղթող 2006)
• Jackson Hole Brewing Company
• Thomas Kemper
• Tommyknockers
• Triple XXX
• Vess
• Virgil’s Root Beer — Reed’s, Inc.
• Wild Bills
• Zuberfizz

Տեսեք նաև

• Կվաս