Արմավաշուշան ծխագույն

Վիքիպեդիայից՝ ազատ հանրագիտարանից
Jump to navigation Jump to search
Արմավաշուշան ծխագույն
Արմավաշուշան ծխագույն
Արմավաշուշան ծխագույն
Դասակարգում
Թագավորություն  Բույսեր (Plantae)
Տիպ/Բաժին Անոթավոր բույսեր (Tracheophyta)
Ենթատիպ Սերմնավոր բույսեր (Spermatophytina)
Կարգ Ծնեբեկածաղկավորներ (Asparagales)
Ընտանիք Ծնեբեկազգիներ (Asparagaceae)
Ենթաընտանիք Ագավայիններ (Agavoideae)
Ցեղ Արմավաշուշան (Yucca)
Տեսակ Արմավաշուշան ծխագույն (Y. glauca)
Միջազգային անվանում
Yucca glauca
Կարգավիճակ
Հատուկ պահպանության կարգավիճակ՝ Status iucn3.1 LC hy.svg
Քիչ մտահոգող տեսակ

Արմավաշուշան ծխագույն (լատ.՝ Yucca glauca), շուշանազգիներ ընտանիքի, արմավաշուշան ցեղի բույս։

Նկարագրություն[խմբագրել | խմբագրել կոդը]

Թուփ է՝ բազմագլուխ կոճղարմատներով կամ սողացող ցողուններով։ Տերևները նեղ գծանման են, մոտ 50 սմ երկարությամբ և 0,6-1,2 լայնությամբ, երիտասարդները ուղղաձիգ, մյուսները՝ դեպի ցած խոնարհված, կապտականաչավուն, եզրերին նեղ սպիտակավուն երիզով, որն ունի ոլորված թելիկներ։ Հուրանները հասնում են 1-2 մետր բարձրության։ Ծաղիկները կլոր կամ երկարավուն զանգականման են, կանաչասպիտակ, 6-7 սմ երկարությամբ։ Ծաղկում է մայիսի վերջին կամ հունիսին։ Տուփիկը երկարավուն է, դարչնագույն, կնճռոտ։ Սերմերը տափակ կլորավուն են, սև, փայլուն։ Մեր պայմաններում չի պտղաբերում փոշոտիչի բացակայության պատճառով։ Էկոլոգիական խումբը՝ II: Մշակության հավանական շրջանները՝ 9, 20ա, 32[1]։

Տարածվածություն[խմբագրել | խմբագրել կոդը]

Տարածված է ԱՄՆ-ի հարավարևմտյան շրջաններում, Արիզոնայում, Մեքսիկայում։ Հայաստանում մշակվում է միայն Իջևանիում։ Հեռանկարային է միայն մեր հանրապետության մերձարևադարձային շրջանների համար։

Ծանոթագրություններ[խմբագրել | խմբագրել կոդը]

  1. Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 2, Երևան, «Լույս հրատարակչություն», 1985, էջ 328։