Արմաիս Կամալով

Արմաիս Կամալով
Ծնվել է	հունիսի 3, 1961(1961-06-03) (62 տարեկան)
Քաղաքացիություն	ԽՍՀՄ և  Ռուսաստան
Մասնագիտություն	ուրոլոգ
Հաստատություն(ներ)	Մոսկվայի պետական համալսարան
Ալմա մատեր	Ռուսաստանի ազգային հետազոտական բժշկական համալսարան
Գիտական աստիճան	բժշկական գիտությունների դոկտոր
Տիրապետում է լեզուներին	ռուսերեն
Պարգևներ	և «Պրիզվանիե» մրցանակ
Armais Albertovich Kamalov Վիքիպահեստում

Արմաիս Ալբերտի Կամալով (հունիսի 3, 1961(1961-06-03)), բժշկական գիտությունների դոկտոր, պրոֆեսոր, Ռուսաստանի գիտությունների ակադեմիայի ակադեմիկոս, ՌԴ գիտության վաստակավոր գործիչ, Հայաստանի գիտությունների ազգային ակադեմիայի արտասահմանյան անդամ, Երևանի Մխիթար Հերացու անվան Պետական Բժշկական Համալսարանի պատվավոր դոկտոր։

Կենսագրություն

Արմաիս Կամալովը ծնվել է 1961 թվականի հունիսի 3-ին, Թբիլիսի քաղաքում։ Գերազանց առաջադիմությամբ ավարտել է միջնակարգ դպրոցը և 1978 թվականին ընդունվել Նիկոլայ Պիրոգովի անվան Մոսկվայի պետական բժշկական ինստիտուտ և 1984 թվականին գերազանց առաջադիմությամբ ավարտել այն։ 1985-1987 թվականներին Արմաիս Կամալովը կրթությունը շարունակել է նույն ինստիտուտի կլինիկական օրդինատուրայում։ Օրդինատուրան ավարտելուց հետո, 1987 թվականից մինչև 2010 թվականը աշխատաել է ՌԴ առողջապահության նախարարության ուրոլոգիական գիտահետազոտական ինստիտուտում։

էնդոսկոպիկ մեթոդով բուժման ուսումնասիրությունների արդյունքում Արմաիս Կամալովը 1992 թվականին պաշտպանել է իր թեկնածուական թեզը՝ «Трансуретральная эндоскопическая уретеролитотрипсия и уретеролитоэкстракция» թեմայով։ Նրա պաշտպանած դոկտորական թեման եղել է «Эндоскопические методы диагностики и лечения доброкачественной гиперплазии простаты, стриктур и облитераций уретры, рака мочевого пузыря»։

2001 թվականին Կամալովը նշանակվել է Մոսկվայի Մ. Վ. Լոմոնոսովի անվան պետական համալսարանի պրոֆեսոր և դասավանդել ուրոլոգիային վերաբերող դասընթացներ։ 2010 թվականից նա Մոսկվայի պետական համալսարանի Հիմնարար բժշկության, ուրոլոգիայի և անդրոլոգիայի ամբիոնի ղեկավարն է, իսկ 2014 թվականից՝ նույն համալսարանի բժշկական գիտակրթական կենտրոնի ղեկավարը։ Կամալովի ղեկավարությամբ պաշտպանել են գիտությունների դոկտորներ և գիտությունների թեկնածուներ։

2021 թվականին Արմաիս Կամալովին շնորհվել է Երևանի Մխիթար Հերացու անվան պետական բժշկական համալսարանի պատվավոր դոկտորի կոչում

Կամալովի հեղինակությամբ և համահեղինակությամբ հրատարակել է 300-ից ավելի գիտական հոդվածներ, մեթոդաբանական երաշխավորագրեր, երեք մենագրություն, 6, դասագիրք, ուրոլոգիայի վերաբերյալ 8 գիրք, ուրոլոգիական բուժմանն ու դրանց գործիքների վերաբերյալ ունի երեք արտոնագիր։

2014 թվականից Արմաիս Կամալովը հանդիսանում է Հայաստանի գիտությունների ազգային ակադեմիայի արտասահմանյան անդամ, իսկ 2016 թվականից՝ Ռուսաստանի Դաշնության Գիտությունների ակադեմիայի անդամ։

Պարգևներ

• Ալեքսանդր Նևսկու շքանշան՝ կորոնավիրուսային վարակի դեմ պայքարում մեծ ավանդի և մասնագիտական պարտականությունների կատարման գործում ցուցաբերած նվիրումի համար (2020 թվականի սեպտեմբերի 21)
• Մոսկվայի 850-ամյակին նվիրված «Աշխատանքային գործունեության համար» մեդալ (1997 թ.)
• Ռուսաստանի լավագույն բժիշկ՝ «Բժշկության մեջ նոր ուղղություն ստեղծելու համար» (2006 թ․)
• Նիկոլայ Լոպատկինայի մրցանակի դափնեկիր՝ «Ռուսական ուրոլոգիայի զարգացման գործում ներդրման համար» (2009 թ․)

Արտաքին հղումներ

• «Камалов Армаис Альбертович». Летопись Московского университета. Վերցված է 2017 թ․ հոկտեմբերի 31-ին.
• «Камалов Армаис Альбертович — научные работы». ИСТИНА МГУ. Վերցված է 2017 թ․ ապրիլի 19-ին.
• «Камалов Армаис Альбертович». Университетская клиника МГУ. Վերցված է 2017 թ․ ապրիլի 19-ին.
• «Кафедра урологии и андрологии». Факультет фундаментальной медицины МГУ. Արխիվացված է օրիգինալից 2017 թ․ օգոստոսի 4-ին. Վերցված է 2017 թ․ ապրիլի 19-ին.
• Григорий Анисонян. «АРМАИС КАМАЛОВ: ПРЕСТИЖНО БЫТЬ ЗДОРОВЫМ!». Ноев ковчег. Վերցված է 2017 թ․ ապրիլի 19-ին.

Վիքիպահեստն ունի նյութեր, որոնք վերաբերում են «Արմաիս Կամալով» հոդվածին։