Արկադի Ռայկին

Արկադի Ռայկին; լատիշ․՝ Arkādijs Raikins; ռուս.՝ Аркадий Исаакович Райкин
Ծնվել է	հոկտեմբերի 11 (24), 1911
Ծննդավայր	Ռիգա, Լիֆլանդիայի նահանգ, Ռուսական կայսրություն
Մահացել է	դեկտեմբերի 17, 1987 (76 տարեկան)
Մահվան վայր	Մոսկվա, ԽՍՀՄ
Գերեզման	Նովոդեվիչյան գերեզմանոց
Կրթություն	Սանկտ Պետերբուրգի պետական թատերական արվեստի ակադեմիա (1935)
Քաղաքացիություն	Ռուսական կայսրություն և ԽՍՀՄ
Ազգություն	հրեա
Մասնագիտություն	կինոռեժիսոր, դերասան, կոնֆերանսիե, թատերական ռեժիսոր, կատակերգու, երգիծաբան, թատրոնի տնօրեն և Մնջախաղ
Ժանրեր	ռեպրիզա
Ամուսին(ներ)	Ruth Raykina-Ioffe?
Երեխա(ներ)	Կոնստանտին Ռայկին և Եկատերինա Ռայկինա
Պարգևներ և մրցանակներ	; ; և

Արկադի Իսաակովիչ Ռայկին (հոկտեմբերի 11 (24), 1911, Ռիգա, Լիֆլանդիայի նահանգ, Ռուսական կայսրություն^[1] - դեկտեմբերի 17, 1987(1987-12-17)^[2]^[3], Մոսկվա, ԽՍՀՄ), էստրադայի խորհրդային արտիստ։ ԽՍՀՄ ժողովրդական արտիստ (1968)։ Սոցիալիստական աշխատանքի հերոս (1981)։

1935 թվականին ավարտել է Լենինգրադի թատերական տեխնիկումը։ Աշխատել է Լենինգրադի Բանվոր երիտասարդության, Լենինյան կոմերիտմիության անվան թատրոններում, միաժամանակ ելույթներ ունեցել էստրադայում (էստրադայի արտիստների համամիութենական 1-ին մրցույթի դափնեկիր, Մոսկվա, 1939 թվական)։ Լենինգրադի էստրադայի և մանրապատումների թատրոնի (հիմնադիր 1939 թվականին) արտիստ, ապա գեղարվեստական ղեկավար Ռայկինը ընդլայնել է իր արվեստի արտահայտչամիջոցները, խորացրել սոցիալական սրությունը, երգիծանքը, կրքոտ մերկացնելով այն, ինչ խանգարում է նոր կյանքին։ Ներքին և արտաքին ակնթարթային վերամարմնավորման վարպետ Ռայկինը մեկ ներկայացման, բեմական մեկ մանրապատումի մեջ, որպես կանոն, կատարում է մի քանի դեր։ Նա հավասարապես տիրապետում է կոնֆերանսիեի, քնարական մենախոսության, մնջախաղի արվեստին։ Ռայկինի թատրոնի ներկայացումներից են՝ «Երկրի շուրջը 80 օրում» (1951), «Ծիծաղելը հանցանք չէ» (1953), «Տարվա եղանակները» (1956), «Սեր և երեք նարինջ» (1959), «Երկուսից մինչև հիսուն» (1961), «Լուսացույց» (1969), «Հատընտիր 73» (1973)։ 1957 թվականից հաճախ հանդես է գալիս արտասահմանում։ 1968 թվականին հյուրախաղերով եղել է Երևանում։ Ստացել է Լենինյան մրցանակ (1980)։ Պարգևատրվել է 3 շքանշանով։

Ծանոթագրություններ

1 2 Райкин Аркадий Исаакович // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.
1 2 Encyclopædia Britannica
1 2 Կերպարվեստի արխիվ — 2003.

Վիքիպահեստն ունի նյութեր, որոնք վերաբերում են «Արկադի Ռայկին» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 596)։

[_6693f8d3b2987b7b-1] 1 2 Райкин Аркадий Исаакович // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.

[_74d4c218666e775e-2] 1 2 Encyclopædia Britannica

[_81bacb922bdd29bd-3] 1 2 Կերպարվեստի արխիվ — 2003.

[1]

[2]

[3]