Արիանա (երգչուհի)
Արիանա | |
---|---|
Բնօրինակ անուն | ռուս.՝ Ариана Роуз և անգլ.՝ Ariana Rose Greenblatt |
Ի ծնե անուն | ռուս.՝ Ариана Гринблат և անգլ.՝ Ariana Greenblatt |
Նաև հայտնի է որպես | Ариана |
Ծնվել է | օգոստոսի 16, 1985 (38 տարեկան) Հյուստոն |
Երկիր | ԱՄՆ և Ռուսաստան |
Ժանրեր | ժամանակակից R&B և փոփ |
Մասնագիտություն | երգչուհի |
Գործիքներ | վոկալ |
Լեյբլ | Sony Music և Sony Music Entertainment |
Արիանա Ռոուզ (իրական ազգանունը՝ Գրինբլաթ, օգոստոսի 16, 1985, Հյուստոն), ամերիկյան և ռուսական R&B երգչուհի։
Կենսագրություն[խմբագրել | խմբագրել կոդը]
Արիանան ծնվել է Տեխասի Հյուսթոն քաղաքում 1985 թվականի օգոստոսի 16-ին։ Յոթ տարեկանում ընտանիքի հետ տեղափոխվել է Մոսկվա և ընդունվել անգլո-ամերիկյան դպրոց։ Մանկուց սովորել է դաշնամուր նվագել, 12 տարեկանում սկսել է զբաղվել վոկալով և խորեոգրաֆիայով։ Շուտով Գրեգորի Գրինբլաթը՝ Արիանայի հայրը և նրա անձնական մենեջերը, դստերը ծանոթացրել է իր վաղեմի ընկերոջ՝ խորհրդային և ռուս երաժիշտ և պրոդյուսեր Մատվեյ Անիչկինի հետ։ Ձայնագրելով իր առաջին դեմո ձայնագրությունը՝ Արիանան այն ցույց է տվել Անիչկինին, և շուտով սկսվել է նրանց համագործակցությունը[1]։
Անիչկինի հետ Արիանայի առաջին համատեղ աշխատանքը՝ «The Fire Was Dead», 2000 թվականի աշնանը հայտնվել է հանրահայտ MTV երաժշտական հեռուստաալիքի էկրանին, և շուտով երգչուհին պայմանագիր է կնքել Sony Music ընկերության հետ[2]։ 2000 թվականի դեկտեմբերի 25-ին թողարկվել է սուրբծննդյան «Happy New Year» սինգլը, որում տեղ են գտել «Новый год» («Նոր Տարի») և «Под испанским небом» («Իսպանական երկնքի տակ») երգերը, ինչպես նաև նրանց անգլերեն տարբերակները։ Երգերի ռուսերեն տեքստերի հեղինակը Մատվեյ Անիչկինն է, իսկ անգլերեն տեքստերը գրել է ինքը՝ երգչուհին[3]։ 2001 թվականի սկզբին Կիպրոսում տեղի են ունեցել «Не пожалеешь» («Չես զղջա») երգի տեսահոլովակի նկարահանումները, որի ռեժիսորը Յուրի Գրիմովն է[4]։ Նույն թվականին Արիանան արժանացել է «Ոսկե գրամոֆոն» մրցանակի «Под испанским небом» կոմպոզիցիայի համար և անցել «Տարվա երգ» մրցույթի եզրափակիչ»[5]։
2002 թվականի սեպտեմբերի 24-ին համացանցում ներկայացվել է երգչուհու «Первая любовь» («Առաջին սեր») դեբյուտային ստուդիական ալբոմը[6], իսկ 2002 թվականի հոկտեմբերի 4-ին ալբոմը պաշտոնապես թողարկվել է։ Նույն օրը Կիևում տեղի է ունեցել ալբոմի շնորհանդեսը[7]։ Այն ներառում է 17 երգեր, որոնք կատարվել են ինչպես ռուսերեն, այնպես էլ անգլերեն։ Ալբոմի բոլոր երգերի հեղինակն ու պրոդյուսերը եղել է Անիչկինը։ Նույն թվականին ալբոմի համանուն գլխավոր կոմպոզիցիայի հիման վրա ռեժիսոր Օլեգ Գուսևը նկարահանել է տեսահոլովակ, որի նկարահանումները տեղի են ունեցել Սանկտ Պետերբուրգում[8][9]։ Շուտով Արիանան առաջադրվել է MTV Europe Music Awards մրցանակաբաշխությանը որպես լավագույն ռուս կատարող[10]։ 2002 թվականի վերջին Արիանան կրկին դարձել է «Ոսկե Գրամոֆոն»[11] և «Տարվա երգ»[5] մրցանակների դափնեկիր։
2003 թվականի սկզբին Արիանան Ալեքսանդր Մարշալի հետ միասին ձայնագրել է «Յունոնա և Ավոս» ռոք օպերայից ռոմանսի նոր տարբերակ՝ «Я тебя никогда не забуду» («Ես քեզ երբեք չեմ մոռանա»)[12][13]։ Տարվա վերջին Արիանան և Մարշալն արժանացել են «Ոսկե Գրամոֆոն»[14], «Տարվա երգ»[15], ինչպես նաև «Հարյուրտոկոսանոց հիթ» մրցանակների։ Նույն տարում Արիանան գերազանցությամբ ավարտել է Մոսկվայի անգլո-ամերիկյան դպրոցը։ 2003 թվականի վերջին Լոս Անջելեսում Արիանան սկսել է ձայնագրել անգլալեզու ալբոմ։ Բացի այդ, նա դերասանական վարպետության դասեր է ստացել Հոլիվուդի հայտնի մանկավարժներից և վոկալի դասեր Սեթ Ռիգզից, որի մոտ նախկինում սովորել են այնպիսի արտիստներ, ինչպիսիք են Մայքլ Ջեքսոնը, Բարբարա Սթրեյզանդը և Սթիվի Ուանդերը[16]։
2004 թվականի կեսերին Արիանան վերադարձել է Մոսկվա՝ աշխատելու երկրորդ ռուսալեզու ալբոմի վրա։ Ձայնասկավառակը ստացել է «Без компромиссов» («Առանց փոխզիջումների») անվանումը և պարունակում է 12 ստեղծագործություն[17]։ Ալբոմում հատուկ տեղ է զբաղեցրել իտալացի կոմպոզիտոր Տոմազո Ալբինոնիի երաժշտությամբ և Մատվեյ Անիչկինի տեքստով «Ադաջիո» երգը[18]։
2010 թվականին Արիանան ամուսնացել է գործարար Լև Գրաչյով-Շնեուրի հետ, որը հայտնի է նաև որպես «Тет-А-Тет» խմբի մենակատար։
2014 թվականին Արիանան զբաղվել է ռեստորանային բիզնեսով և Նյու Յորքում բացել ռուսական խոհանոցի «Արիանա» ռեստորանը՝ երաժշտական գործունեությունը մղելով երկրորդ պլան[19]։ 2015 թվականին ռեստորանը փակվել է։
Սկավառակագրություն[խմբագրել | խմբագրել կոդը]
- «Happy New Year» (սինգլ) (2000)[20]
- «Под испанским небом» (սինգլ) (2001)
- «Первая любовь» (2002)[21][22]
- «I’ll Do It All Again» (2002)
- «Я тебя никогда не забуду» (սինգլ) (2003)
- «Без компромиссов» (2005)
Ծանոթագրություններ[խմբագրել | խմբագրել կոդը]
- ↑ «Новый проект Матвея Аничкина». InterMedia. 2000 թ․ օգոստոսի 17. Վերցված է 2017 թ․ սեպտեմբերի 23-ին.
- ↑ «В каталоге Sony Music Russia ожидается пополнение». InterMedia. 2000 թ․ դեկտեմբերի 8. Վերցված է 2017 թ․ սեպտեմբերի 23-ին.
- ↑ «Первый сингл Арианы». InterMedia. 2000 թ․ դեկտեմբերի 27. Վերցված է 2017 թ․ սեպտեմբերի 23-ին.
- ↑ «Ариана «не пожалеет», если за дело берётся Юрий Грымов». InterMedia. 2001 թ․ մայիսի 4. Վերցված է 2017 թ․ սեպտեմբերի 23-ին.
- ↑ 5,0 5,1 «ПЕСНЯ ГОДА. 1999-2002» (ռուսերեն). pesnyagoda.my1.ru. Արխիվացված է օրիգինալից 2012 թ․ մարտի 23-ին. Վերցված է 2011 թ․ օգոստոսի 19-ին.
- ↑ «АРИАНА — Первый альбом про первую любовь». Звуки.ру. Վերցված է 2017 թ․ հոկտեմբերի 9-ին.
- ↑ «О своей "первой любови" Ариана расскажет в Киеве». InterMedia. 2002 թ․ սեպտեմբերի 18. Վերցված է 2017 թ․ սեպտեմբերի 23-ին.
- ↑ «Свою «первую любовь» Ариана экранизирует». InterMedia. 2002 թ․ փետրվարի 14. Վերցված է 2017 թ․ սեպտեմբերի 23-ին.
- ↑ «В VII веке Ариана чувствовала себя неудобно». InterMedia. 2002 թ․ մարտի 15. Վերցված է 2017 թ․ սեպտեմբերի 23-ին.
- ↑ Robert Mancini. (30 сентября 2002). «Eminem, Pink, Shakira Nab Most Noms For MTV Europe Music Awards» (անգլերեն). MTV.com. Արխիվացված է օրիգինալից 2012 թ․ մարտի 23-ին. Վերցված է 2011 թ․ օգոստոսի 19-ին.
- ↑ «Золотой Граммофон 2002» (ռուսերեն). goldengramophone.ru. Արխիվացված է օրիգինալից 2012 թ․ մարտի 23-ին. Վերցված է 2011 թ․ օգոստոսի 19-ին.
- ↑ «Маршал и Ариана взялись за "Юнона и Авось"». InterMedia. 2002 թ․ դեկտեմբերի 22. Վերցված է 2017 թ․ սեպտեմբերի 23-ին.
- ↑ «Александр Маршал никогда не забудет Ариану». InterMedia. 2003 թ․ փետրվարի 12. Վերցված է 2017 թ․ սեպտեմբերի 23-ին.
- ↑ «Золотой Граммофон 2003» (ռուսերեն). goldengramophone.ru. Արխիվացված է օրիգինալից 2012 թ․ մարտի 23-ին. Վերցված է 2011 թ․ օգոստոսի 19-ին.
- ↑ «ПЕСНЯ ГОДА. 2003-2006» (ռուսերեն). pesnyagoda.my1.ru. Արխիվացված է օրիգինալից 2012 թ․ մարտի 23-ին. Վերցված է 2011 թ․ օգոստոսի 19-ին.
- ↑ «Ариана учится вокалу у педагога Майкла Джексона». InterMedia. 2003 թ․ դեկտեմբերի 24. Վերցված է 2017 թ․ սեպտեմբերի 23-ին.
- ↑ «"Бескомпромиссный" альбом Арианы записан по-русски». InterMedia. 2005 թ․ մարտի 24. Վերցված է 2017 թ․ սեպտեմբերի 23-ին.
- ↑ «Ариана запела под музыку Томазо Альбинони». InterMedia. 20054-11-23. Վերցված է 2017 թ․ սեպտեմբերի 23-ին.
- ↑ Ариана в Сохо. Русская еда и музыка для души на Манхэттене
- ↑ Ариана — Happy New Year // Play : журнал. — 2001. — В. 2. — С. 32.
- ↑ Алексей Мажаев (2002 թ․ հոկտեմբերի 10). «Ариана — "Первая любовь"». InterMedia. Վերցված է 2017 թ․ մարտի 13-ին.
- ↑ Алексей Мажаев. Ариана — «Первая любовь» // Play : журнал. — 2002. — В. 22. — № 10. — С. 68.
Արտաքին հղումներ[խմբագրել | խմբագրել կոդը]
- Rose LadyRose – Յութուբ
- Արիանան Discogs կայքում (անգլ.)
|