Արժանապատվության և ազատության օր (Ուկրաինա)
| Արժանապատվության և ազատության օր | |
|---|---|
 | |
| Տեսակ | տոն |
| Ամսաթիվ | Նոյեմբերի 21 |
| Տոնվում է |  Ուկրաինա |
| Հաստատված | նոյեմբերի 13, 2014 |
| Ի հիշատակ | Ուկրաինական հեղափոխություն (2014) և Նարնջագույն հեղափոխություն |
Արժանապատվության և ազատության օր (ուկրաիներեն՝ День Гідності та Свободи), պետական տոն Ուկրաինայում։ Հռչակվել է 2014 թվականին, նշվում է նոյեմբերի 21-ին՝ «Նարնջագույն հեղափոխության» (2004) և «Արժանապատվության հեղափոխության» (2013-2014) մեկնարկի տարեդարձի օրը։ Այն 2005-2010 թվականներին տեղի ունեցած «Նարնջագույն հեղափոխության» տարեդարձի օրը նշվող և Ուկրաինայի նախագահ Վիկտոր Յանուկովիչի հրամանագրով չեղարկված «Ազատության օր» պետական տոնի իրավահաջորդն է[1][2]։
Պատմություն[խմբագրել | խմբագրել կոդը]
«Արժանապատվության և ազատության օրն» «Արժանապատվության և ազատության օրվա մասին» թիվ 872/2014 հրամանագրով 2014 թվականի նոյեմբերի 13-ին սահմանել է Ուկրաինայի նախագահ Պետրո Պորոշենկոն։
Համաձայն այդ հրամանագրի` տոնը սահմանվել է
«Ուկրաինայում ազատության և ժողովրդավարության իդեալները հաստատելու, երկրում 21-րդ դարասկզբի ճակատագրական իրադարձությունների մասին օբյեկտիվ տեղեկատվության պահպանման և ժամանակակից ու ապագա սերունդներին հասցնելու նպատակով, ինչպես նաև ի նշան հարգանքի քաղաքացիների հայրենասիրության ու խիզախության, որոնք 2004 թվականի աշնանը և 2013 թվականի նոյեմբերից մինչև 2014 թվականի փետրվարը պաշտպանել են ժողովրդավարական արժեքները, մարդու և քաղաքացու իրավունքներն ու ազատությունները, մեր պետության ազգային շահերը և նրա եվրոպական ընտրությունը»[3]։
Բնօրինակ տեքստ (ուկր.)" з метою утвердження в Україні ідеалів свободи і демократії, збереження та донесення до сучасного і майбутніх поколінь об’єктивної інформації про доленосні події в Україні початку XXI століття, а також віддання належної шани патріотизму й мужності громадян, які восени 2004 року та у листопаді 2013 року - лютому 2014 року постали на захист демократичних цінностей, прав і свобод людини і громадянина, національних інтересів нашої держави та її європейського вибору "
Նույն հրամանագրով չեղյալ է հայտարարվել «Ուկրաինայի միասնության և ազատության օրը» տոնը, և Ուկրաինայի նախագահ Վիկտոր Յանուկովիչի կողմից 2011 թվականին վերականգնվել է չեղյալ հայտարարված «Ուկրաինայի միասնության օր» տոնը[4]։
Ծանոթագրություններ[խմբագրել | խմբագրել կոդը]
- ↑ Указ Президента України від 19 листопада 2005 року № 1619 «Про День Свободи»
- ↑ Указ президента Украины № 1209/2011
- ↑ Указ Президента Украины № 872/2014 от 13 ноября 2014 «О дне достоинства и свободы»
- ↑ Указ Президента Украины № 872/2014 от 13 ноября 2014 года