Արթուր Շահնազարյան

Արթուր Շահնազարյան
Արթուր Շահնազարյանն ու Վիգեն Ղազարյանը ՀԱՊ-ում
Հիմնական տվյալներ
Ծնվել է	հուլիսի 16, 1958 (61 տարեկան)
Մասնագիտություն	երգահան կոմիտասագետ խազագետ

Արթուր Միհրդատի Շահնազարյան (1958, հուլիսի 16, Հայկական ԽՍՀ), հայ երգահան, կոմիտասագետ, խազագետ, Հայաստանի Երգահանների միության վարչության անդամ։

Կենսագրություն

Ծնվել 1958 թվականին Լոռիում։

• 1981 թվականին ընդունվել է Երևանի Կոմիտասի անվան պետական կոնսերվատորիայի երգահանական և խմբավարական բաժինները։
• 1986 թվականին ավարտել է երեք ֆակուլտետ՝ կոմպոզիտորական, դիրիժորական, երաժշտագիտական։ Սովորելուն զուգընթաց դասավանդել է երաժշտական դպրոցում, աշխատել է ՀՀ մշակույթի նախարարության Ժողովրդական ստեղծագործության մեթոդ կենտրոնում, որպես ավագ գիտաշխատող, ապա աշխատել է պետական կոնսերվատորիայում, որպես ֆոլկլորի կաբինետի վարիչ։ Ապա դասավանդել է Մխիթար Սեբաստիացի կրթահամալիրում, հետո ղեկավարել տեղի երաժշտական դպրոցը։
• 1992 -1994 թվականներին գտնվել է ԱՄՆ-ում, հայկական համայնքի հետ իրականացնելով զանազան մշակութային ծրագրեր։
• 1995 թվականին աշխատել է ՀՀ կրթության նախարարությունում, որպես ծրագրամեթոդական վարչության պետ։
• 1998 թվականին աշխատել է ՀՀ մշակույթի նախարարությունում, որպես «Ազգային մշակույթի պահպանման, զարգացման և տարածման» վարչության պետ։
• 2000 թվականից ընդհատումներով աշխատել է դպրոցում երաժշտական ծրագրերի ղեկավար, հետո դարձել է «Դար» հիմնադրամի հոգաբարձուների խորհրդի անդամ։

Արթուր Շահնազարյանը Հայաստանի Երգահանների միության վարչության անդամ է. տարեկան երկու անգամ՝ աշնանը և գարնանը կազմակերպում է համերգաշարեր, որոնցում հնչում են ժամանակակից հայկոմպոզիտորների, նաև երիտասարդների ստեղծագործությունները։

• 2007-2010 թթ. հիմնականում աշխատել է հայկական էպոսի վրա։ «Սասունցի Դավիթ» երաժշտական մոնումենտալ այդ ստեղծագործությունը բաղկացած է 110 համարից, օգտագործված են ազգային հին նվագարաններ։ Դրանց մեծ մասը վերականգնվել՝ պատրաստվել է առաջին անգամ ըստ միջնադարյան ձեռագրերի և այլ աղբյուրների։

Գրականություն

• "Ով ով է. Հայեր", կենսագրական հանրագիտարան, հատոր Ա., Երևան, 2005