Արթուր Իսպիրյան
- Վիքիպեդիայում կան հոդվածներ Իսպիրյան ազգանունով այլ մարդկանց մասին։
Արթուր Իսպիրյան | |
---|---|
Ի ծնե անուն | Արթուր Դավիթի Իսպիրյան |
Ծնվել է | օգոստոսի 15, 1962 (61 տարեկան), Երևան, Հայկական ԽՍՀ, ԽՍՀՄ |
Ժանրեր | ջազ |
Մասնագիտություն | երգիչ, Երևանի ավագանու անդամ |
Գործիքներ | վոկալ |
Կրթություն | ՀԱՊՀ |
Arthur Ispiryan Վիքիպահեստում |
Արթուր Դավիթի Իսպիրյան (օգոստոսի 15, 1962, Երևան, Հայկական ԽՍՀ, ԽՍՀՄ), հայ երգիչ։ Երևանի ավագանու «Իմ քայլը» խմբակցության անդամ (2018-2023)։ Երևանի ավագանու «Քաղաքացիական պայմանագիր» խմբակցության անդամ։
Կենսագրություն[խմբագրել | խմբագրել կոդը]
Ավարտել է Երևանի պոլիտեխնիկական ինստիտուտի ինժեներական ֆակուլտետը։ Երգել սկսել է վաղ տարիքից։ Երաժշտական գործունեությունը սկսել է 1988 թվականին կոմպոզիտոր Արթուր Գրիգորյանի աջակցությամբ։ 1989 թվականին Տալլինում Վահագն Հայրապետյանի հետ հանդես է եկել մենահամերգով։ 1992 թվականին Արթուր Գրիգորյանի և Տաթևիկ Հովհաննիսյանի հետ Լոս Անջելեսում հանդես է եկել համերգային ծրագրով, 1996 թվականին համերգով ներկայացել է Էլվինա Մակարյանի հետ։
Արժանացել է տարբեր մրցանակների, այդ թվում՝ «Տարվա լավագույն երգիչ»[1]։
2018 թվականի սեպտեմբերի 23-ին կայացած Երևանի ավագանու արտահերթ ընտրությունների արդյունքում «Իմ քայլը» կուսակցությունների դաշինքի համամասնական ցուցակով ընտրվել է Երևանի ավագանու անդամ։
2023 թվականի սեպտեմբերի 17-ին կայացած Երևանի ավագանու ընտրություններում Քաղաքացիական պայմանագիր կուսակցության համամասնական ցուցակով ընտրվել է Երևանի ավագանու անդամ։
Կուսակցական պատկանելությունը
Քաղաքացիական պայմանագիր կուսակցություն
Ձայնասկավառակներ[խմբագրել | խմբագրել կոդը]
- «Colors of StevieLand», 1999
- «Երեք մոմեր», 2001
- «Ասում են, թե», 2003
- «Art & Ispace», 2005
- «Ջազավանս», 2005
- «Ռադիո Երևան», 2008
- «Inspiration», 2009[2], ալբոմը նվիրված է որդիներին՝ Դավիթին ու Շահենին և կնոջը՝ Մադլեն Մինասյանին
- «Once Upon a Time in Yerevan», 2012[3]
Ծանոթագրություններ[խմբագրել | խմբագրել կոդը]
- ↑ «Արթուր Իսպիրյանի կենսագրությունը AV Production կայքում». Արխիվացված է օրիգինալից 2021 թ․ սեպտեմբերի 22-ին. Վերցված է 2018 թ․ փետրվարի 18-ին.
- ↑ Inspiration by Arthur Ispirian
- ↑ «Ամենակարևորը քաղաքացու գիտակցությունն է». Արթուր Իսպիրյան