Արթուր Բատց

Վիքիպեդիայից՝ ազատ հանրագիտարանից
Jump to navigation Jump to search
Արթուր Բատց
Ծնվել էնոյեմբերի 10, 1933(1933-11-10) (85 տարեկան)
Նյու Յորք, Նյու Յորք
ՔաղաքացիությունFlag of the United States.svg ԱՄՆ
Մասնագիտությունճարտարագետ, համալսարանի պրոֆեսոր և գրող
Հաստատություն(ներ)Հյուսիսարևմտյան համալսարան
Գործունեության ոլորտէլեկտրատեխնիկա
Ալմա մատերՄինեսոտայի համալսարան և Մասաչուսեթսի տեխնոլոգիական ինստիտուտ

Արթուր Բատց (անգլ.՝ Arthur Butz, նոյեմբերի 10, 1933(1933-11-10), Նյու Յորք, Նյու Յորք), էլեկտրատեխնիկայի ամերիկացի պրոֆեսոր Հյուսիսարևմտյան համալսարանում (Էվանստոն, Իլինոյս), դասավանդում է կառավարման համակարգի տեսություն և ազդանշանի թվային մշակում: Հեղինակել է «20-րդ դարի հերյուրանքը» գիրքը, 1980 թվականից Journal of Historical Review ամսագրի խմբագրական խորհրդի անդամ է:

Կրթություն[խմբագրել | խմբագրել կոդը]

Արթուր Բատցը սովորել է Մասաչուսեթսի տեխնոլոգիական ինստիտուտում, ստացել է բակալավրի աստիճան, իսկ 1956 թվականին՝ մագիստրոսի աստիճան:1965 թվականին ստացել է Մինեսոտայի համալսարանում ստացել է դոկտորի գիտական աստիճան. նրա դոկտորական ատենախոսության թեման եղել է տեխնիկայի վերահսկողությունը:

Հրապարակումներ[խմբագրել | խմբագրել կոդը]

Արթուր Բատցն ստեղծել է մի ալգորիթմ, որը կրում է նրա անունը և հրապարակվել է 1969 թվականին[1]: Այն նկարագրում է կորի կառուցումը, որ լրացնում է բազմաչափ տարածությունը՝ Գիլբերտի կորի ընդհանրացումը: Այդ ալգորիթմն ունեցել է գործնական կիրառում, մասնավորապես որոնման ալգորիթմներում: Պրոֆեսոր Բատցը բազմաթիվ այլ գիտական աշխատանքների հեղինակ է[2]:

Հոլոքստի ժխտում[խմբագրել | խմբագրել կոդը]

1975 թվականին Արթուր Բատցը հրատարակել է «20-րդ դարի հերյուրանքը: Ընդդեմ եվրոպական հրեաների երևակայական ոչնչացման» (անգլ.՝ The Hoax of the Twentieth Century: The Case Against the Presumed Extermination of European Jewry) գիրքը[3], որում պնդում է, թե Հոլոքոստն իրականում տեղի չի ունեցել, այլ միտումնավոր կերպով հորինվել է, որ արդարացվի Իսրայել պետության ստեղծումը:

Արթուր Բատցն ուշադրոթյուն է գրավել նաև այն ժամանակ, երբ հայտարարել է, թե համաձայն է Իրանի նախագահ Մահմուդ Ահմադինեժադի հետ այն հարցում, թե Հոլոքոստը «միֆ է»: 2005 թվականի դեկտեմբերի 18-ի մամուլի հաղորդագրության մեջ Բատցը գրում է.

Ես շնորհավորում եմ նրան (Ահմադինեժադին), որ դարձել է առաջին պետության ղեկավարը, որ հստակ կարծիք է հայտնել այդ հարցերի վերաբերյալ (Հոլոքոստի երևակայական իրականացման), միայն ափսոս, որ դա չի բարձրաձայնել մի արևմտյան պետության ղեկավար[4]:

Մամուլի հաղորդագրությունը տարածվել է ի պատասխան Իրանի նախագահ Մահմուդ Ահմադինեժադի ելույթի, որում նա հիշատակել է Իմամ Հոմեյնիի հետևյալ արտահայտությունը. «Ռեժիմը, որ օկուպացրել է Երուսաղեմը, պիտի ջնջվի պատմության էջերից»[5]:

Հյուսիսարևմտյան համալսարանի նախագահ Հենրի Բինենն ասել է, թե Բատցի հայտարարություններն այն մասին, որ Հոլոքոստը երբեք չի եղել, վիրավորական են ազնիվ մարդու համար և վնաս են հասցնում համալսարանի համբավին: Բինենն ընդգծել է, որ այդ հայտարարությունները Բատցի անձնական կարծիքն են և չեն արտահայտում համալսարանի դիրքորոշումը: Բինենը Հոլոքոստը համարում է փաստաթղթերով ապացուցված պատմական փաստ և նշում է, որ Հյուսիսարևմտյան համալսարանը նույնպես զբաղվում է Հոլոքոստի ուսումնասիրությամբ և անցկացնում է համապատասխան կրթական դասընթացներ: Իսկ էլեկտրատեխնիկայի մասնագետին արգելել արտահայտել իր մասնավոր կարծիքը համալսարանն իրավունք չունի[6]:

Մատենագրություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. A. R. Butz, Convergence with Hilbert’s space filling curve, J. Comput. Sys. Sci., Vol. 3, May 1969, pp. 128—146. doi:10.1016/S0022-0000(69)80010-3
  2. Butz, Arthur R. — Scopus
  3. The Hoax of the Twentieth Century
  4. Arthur Butz։ «Revisionists only deny one aspect of Holocaust story: Butz»։ Mehr News Agency։ Արխիվացված է օրիգինալից 2013-06-18-ին։ Վերցված է 2013-06-17 
  5. Does Iran’s President Want Israel Wiped Off The Map — Does He Deny The Holocaust? (անգլ.)
  6. «Statement by Northwestern University President Henry S. Bienen Regarding Associate Professor Arthur Butz» (անգլերեն)։ Northwestern University Newscenter։ Արխիվացված է օրիգինալից 2012-08-28-ին։ Վերցված է 2012-8-7 

Արտաքին հղումներ[խմբագրել | խմբագրել կոդը]