Արա Նաջարյան
| Արա Նաջարյան | |
|---|---|
 | |
| Ծնվել է | սեպտեմբերի 11, 1960 (64 տարեկան) |
| Ծննդավայր | Քլիվլենդ, Օհայո, ԱՄՆ |
| Կրթություն | Հարավային Կալիֆոռնիայի համալսարան, Օքսիդենթալ քոլեջ և USC Gould School of Law? |
| Մասնագիտություն | փաստաբան և քաղաքական գործիչ |
| Կուսակցություն | ԱՄՆ Հանրապետական կուսակցություն |
 Ara Najarian Վիքիպահեստում | |
Արա Ջեյմս Նաջարյան (անգլ.՝ Ara James Najarian, սեպտեմբերի 11, 1960, Քլիվլենդ, Օհայո, ԱՄՆ), ամերիկահայ պետական և քաղաքական գործիչ, փաստաբան, քաղաքային խորհրդի նախկին անդամ։ 4 անգամ զբաղեցրել է Կալիֆոռնիա նահանգի Գլենդել քաղաքի քաղաքապետի պաշտոնը[1]։ Լինելով հայկական ծագմամբ ամերիկացի քաղաքական գործիչ՝ հանդես է եկել տարբեր առաջարկություններով և նախաձեռնություններով Գլենդելի քաղաքային կյանքին հայ համայնքի ինտեգրման և ներկայացվածության ապահովման համար[2]։ 2010 թվականին հրավիրվել է մասնակցելու ՀՀ նախագահ Սերժ Սարգսյանի հետ հանդիպմանը, որն այդ ժամանակ այցով գտնվում էր Միացյալ Նահանգներում[3]։ Մշտապես հանդես է գալիս հայ-ամերիկյան կապերի ամրապնդման օգտին՝ առաջարկելով սերտացնել ԱՄՆ-Հայաստան հարաբերությունները, հատկապես՝ 2018 թվականի գարնանը տեղի ունեցած Թավշյա հեղափոխությունից հետո[4]։
Կենսագրություն
[խմբագրել | խմբագրել կոդը]Նաջարյանը ծնվել և մեծացել է Օհայո նահանգում[5]։ Նրա ծնողները՝ Վարդգես և Մերի Նաջարյանները բժիշկներ էին ու զբաղվում նաև բարեգործությամբ[6]։ Մինչ Փենսիլվանիայի Բաքնելի համալսարան ընդունվելը, երկու տարի խաղացել է նույն համալսարանի ֆուտբոլային թիմում[7]։
1980 թվականին ծնողների հետ միասին տեղափոխվել է Գլենդել[8][9]՝ շարունակելով կրթությունը Արևմտյան քոլեջում (անգլ.՝ Occidental College), որտեղ հանդիպել է նաև ԱՄՆ ապագա նախագահ Բարաք Օբամային[9][10]։ 1982 թվականին Նաջարյանը ստացել է տնտեսագիտության բակալավրի աստիճան, իսկ 1985 թվականին ավարտել ասպիրանտուրան Լոս Անջելեսում տեղակայացված Հարավային Կալիֆոռնիայի համալսարանի Ջեյմս Գուլդի անվան իրավունքի դպրոցում[9]։
Փաստաբանական գործունեություն
[խմբագրել | խմբագրել կոդը]1983-1984 թվականներին որպես դատական գործավար աշխատել է Լոս Անջելեսի շրջանային փաստաբանական գրասենյակի Թմրանյութերի բաժնում և Գլենդելի մասնաճյուղում[11]։ 1988-1998 թվականներին էլ եղել է «Նաջարյան և Վիրջիլիո» իրավաբանական ընկերության գործընկեր փաստաբան, որը գործում էր Կալիֆոռնիա նահանգի Գլենդել քաղաքում[11]։ 1998 թվականից ունի սեփական փաստաբանական ընկերությունը, որը ևս տեղակայված է Գլենդելում[11]։ 1992 թվականից էլ աշխատում է Լոս Անջելեսի և Գլենդելի բարձր դատարաններում՝ որպես փոխարինող դատավոր[11]։ Երկու դատարաններում էլ պարբերաբար հանդես է գալիս որպես արբիտր և վեճերի լուծման մասնագետ[11]։
Հանրային ծառայություն
[խմբագրել | խմբագրել կոդը]Կարիերան մինչև քաղաքականություն մտնելը
[խմբագրել | խմբագրել կոդը]1996-2022 թվականներին աշխատել է Գլենդելի տրանսպորտի և ավտոկայանատեղիների հարցերով հանձնաժողովում[11]։ Ընդ որում, 2000-2001 և 2002-2003 թվականներին ղեկավարել է այդ հանձնաժողովը[11]։ 1998-2005 թվականներին աշխատել է նաև Գլենդելում կարճ հեռավորությունների տարանցիկ փոխադրումների պլանավորման և Սան Ֆերնանդոյի ճանապարհային միջանցքի գծանշման հանձնաժողովներում[11]։
Քաղաքական կարիերա
[խմբագրել | խմբագրել կոդը]2005 թվականի ապրիլից աշխատում է Գլենդելի քաղաքապետարանում։ 2007-2008, 2010-2011, 2015-2016 և 2019-2020 թվականներին զբաղեցրել է Գլենդելի քաղաքապետի պաշտոնը[12]։
2016 թվականին Նաջարյանը պարտվել է Շրջանային վերահսկողական մարմինների խորհրդի ընտրությունների ժամանակ, չնայած այն հանգամանքին, որ ուներ Ընտրողներ հանուն բնության պահպանության լիգայի աջակցությունը[13]։
Համայնքային ծառայություն
[խմբագրել | խմբագրել կոդը]Նաջարյանը Լոս Անջելեսի շրջանային տրանսպորտի դեպարտամենտի տնօրենների խորհրդի անդամ է։ 2009-2010 թվականներին գլխավորել է Լոս Անջելեսի շրջանային տրանսպորտային գործակալությունը։ 2006 թվականից նաև Հարավային Կալիֆոռնիայի տարածաշրջանային երկաթուղային վարչության (Metrolink) տնօրենների խորհրդի անդամ է[12]։ 2012-2013 թվականներին գլխավորել է Գլենդելի բնակարանային հարցերով վարչությունը[12], 2009-2010 թվականներին՝ Գլենդլի վերազարգացման գործակալությունը[12], ինչպես նաև Գլենդելի տրանսպորտի և ավտոկայանատեղների հարցերով հանձնաժողովը[12]։ Նա նաև Սան Ֆերնանդոյի հովտի վարչակազմերի խորհրդի անդամ է, խորհրդի գործող փոխնախագահ, իսկ նախկինում զբաղեցրել է նաև խորհրդի նախագահի պաշտոնը[12]։ Անդամակցում է նաև Լոս Անջելեսի ագլոմերացիայի տրանսպորտային վարչության տնօրենների խորհրդին, իսկ 2010-2011 թվականներին գլխավորել է այդ խորհուրդը[12]։
2003-2005 թվականներին եղել է Գլենդելի համայնքային քոլեջի հոգաբարձուների խորհրդի անդամ[12]։
1984 թվականից ի վեր «Բժշկական օգնություն հայերին» հասարակական կազմակերպության տնօրենն է[11]։
2003 թվականից սկսած նաև Գլենդելում գործող Սուրբ Ընտանիքի միջնակարգ դպրոցի հոգաբարձուների խորհրդի անդամ է[11]։
Անձնական կյանք
[խմբագրել | խմբագրել կոդը]Նաջարյանն ամուսնացած է լատինաամերիկացի հեռուստամեկնաբան և թղթակից Պալմիրա Պերեզի հետ[14]։ Զույգն ունի երկու երեխա[15]։
Ծանոթագրություններ
[խմբագրել | խմբագրել կոդը]- ↑ «Ara Najarian elected Mayor of Glendale». Armenpress. 2019 թ․ ապրիլի 3. Վերցված է 2024 թ․ հուլիսի 18-ին.
- ↑ Covarrubias, Amanda (2005 թ․ օգոստոսի 8). «Armenians Lead a Changing Glendale». Los Angeles Times. Վերցված է 2024 թ․ հուլիսի 18-ին.
- ↑ Hicken, Melanie (2010 թ․ հուլիսի 13). «Najarian gets presidential welcome in Armenia». Los Angeles Times. Վերցված է 2024 թ․ հուլիսի 13-ին.
- ↑ Paitjan, Ani (2019 թ․ հուլիսի 8). «Mayor of Glendale Says Diaspora is Inspired by "New Armenia"». CivilNet. Վերցված է 2024 թ․ հուլիսի 18-ին.
- ↑ «EXCLUSIVE: Councilmember Ara Najarian Suing City of Glendale, Alleging Violation of Constitutional Rights». The Armenian Report. Վերցված է 2024 թ․ հուլիսի 18-ին.
- ↑ «Prime Minister receives philanthropist Najarian family members». The Government of the Republic of Armenia. 2015 թ․ հուլիսի 1. Վերցված է 2024 թ․ հուլիսի 18-ին.
- ↑ «About Ara Najarian». Law Offices of Ara Najarian. Վերցված է 2024 թ․ հուլիսի 18-ին.
- ↑ Team, The Armenian Report (2024 թ․ ապրիլի 3). «EXCLUSIVE: Councilmember Ara Najarian Suing City of Glendale, Alleging Violation of Constitutional Rights». The Armenian Report (անգլերեն). Վերցված է 2025 թ․ հունվարի 1-ին.
- ↑ 9,0 9,1 9,2 «ABOUT». Aranajarian (անգլերեն). Վերցված է 2025 թ․ հունվարի 1-ին.
- ↑ «Ara Najarian – Barack Obama's Classmate». Armenpress. 2010 թ․ հուլիսի 8. Վերցված է 2024 թ․ հուլիսի 18-ին.
- ↑ 11,00 11,01 11,02 11,03 11,04 11,05 11,06 11,07 11,08 11,09 «Resume Bio» (PDF). Արխիվացված է օրիգինալից (PDF) 2019 թ․ դեկտեմբերի 10-ին.
- ↑ 12,0 12,1 12,2 12,3 12,4 12,5 12,6 12,7 «Mayor Ara Najarian | City of Glendale, CA». 2019 թ․ հոկտեմբերի 3. Արխիվացված է օրիգինալից 2019 թ․ հոկտեմբերի 3-ին.
- ↑ «Close LA County supervisor race a 'coin toss' in June 7 primary». www.dailynews.com/2016/05/27/close-la-county-supervisor-race-a-coin-toss-in-june-7-primary/. 2016 թ․ մայիսի 27.
- ↑ Seidman, Lila (2019 թ․ սեպտեմբերի 18). «Glendale mayor suggests HOA, already under fire, discriminated against his Latina wife». Glendale News-Press. Վերցված է 2024 թ․ հուլիսի 18-ին.
- ↑ «About Ara». web.archive.org. 2019 թ․ հոկտեմբերի 3. Վերցված է 2025 թ․ հունվարի 1-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Արա Նաջարյան» հոդվածին։ |
|
