Արարատ Ալեքսանյան
Այս հոդվածը կամ բաժինը կարող է չհամապատասխանել հանրագիտական ոճի վերաբերյալ Վիքիպեդիայի չափանիշներին: Ներկայացված մտահոգությունների համար այցելեք քննարկման էջը: Տե՛ս Վիքիպեդիայի ոճական ուղեցույցը հոդվածը բարելավելու ցուցումների համար: |
- Վիքիպեդիայում կան հոդվածներ Ալեքսանյան ազգանունով այլ մարդկանց մասին։
Արարատ Ալեքսանյան | |
---|---|
Ծնվել է | փետրվար 26, 1991 |
Ծննդավայր | Հայաստան, Վանաձոր |
Վախճանվել է | հուլիս 24, 2021 |
Մահվան վայր | Հայաստան, Վանաձոր |
Ազգություն | Հայ |
Կրթություն | Վանաձորի պետական համալսարան |
Մասնագիտություն | Գեղանկարիչ |
Ոճ | Աբստրակտ |
Ժանր | Բնանկար, դիմանկար, նատյուրմորտ |
Կայք | araratart.com |
ստորագրություն |
Արարատ Գագիկի Ալեքսանյան (փետրվար 26, 1991, Հայաստան, ք․ Վանաձոր-հուլիս 24, 2021 Հայաստան, ք․ Վանաձոր) հայ գեղանկարիչ։ Ստեղծագործել է Էքսպերիմենտալ, աբստրակտ և էքսպրեսիոնիստական ոճերով, որոնք օգնել են երիտասարդ արտիստին արտահայտել իր զգացմունքները, մտքերը և երկխոսել իր հանդիսատեսի հետ։
Կյանք և ստեղծագործական ուղի[խմբագրել | խմբագրել կոդը]
Արարատ Ալեքսանյանը ծնվել է 1991 թվականի փետրվարի 26-ին Վանաձորում։ Նրան անվանեցին Արարատ՝ ինչպես աստվածաշնչյան լեռը։
Նկատելով արվեստի հանդեպ նման սեր՝ ծնողները որոշեցին օգնել նրան համապատասխան կրթություն ստանալու համար։
2003 թվականին ընդունվել է Վանաձորի Ստեփան Աղաջանյանի անվան գեղարվեստի դպրոց, որը գերազանցությամբ ավարտել է 2007 թվականին։
2008-2012 թթ․ սովորել է Վանաձորի պետական համալսարանի կերպարվեստի ֆակուլտետում։ Նկարչությանը զուգընթաց սովորել է երաժշտություն և բաս կիթառ նվագել քաղաքի ռոք խմբերից մեկում։
Այնուհետև ծառայել է Հայաստանի զինված ուժերում։
Զորացրվելուց հետո վերադառնում է իր սիրելի զբաղմունքին։ Չունենալով սեփական արվեստանոց՝ նա սկսում է նկարել Վանաձորի Միքայել Թավրիզյանի անվան արվեստի պետական քոլեջի արվեստաբանության դասախոս Տիգրան Հարությունյանի արվեստանոցում։
2016 թվականին «Ընտրությունը» մշակութային ժառանգության պաշտպանության և վերաիմաստավորման ծրագրի շրջանակներում այցելել է Մոլդովայի Քիշնև քաղաք։
2017 թվականին որոշ ժամանակ ապրել է Ռուսաստանի Դաշնության մշակութային կենտրոն Սանկտ Պետերբուրգում։
2021 թվականին ՀՀ ԿԳՄՍՆ կողմից ֆինանսավորվող «Մանկության ներկապնակ» նախագծի շրջանակներում 9-14 տարեկան երեխաների համար նկարչության դասընթաց է անցկացրել Հայաստանի Ալավերդի քաղաքում։
Արարատ Ալեքսանյանը Հայաստանի Վանաձորի Կրեոպիա համայնքի անդամ է։
Ընդհատված թռիչք[խմբագրել | խմբագրել կոդը]
2021 թվականի հուլիսի 24-ի գիշերը՝ ժամը 03:00-ին, Արարատը դուրս եկավ իր արվեստանոցից որպեսզի տուն գնա։ Նա կանգնած է եղել մոտոցիկլետի մոտ, երբ հարբած վարորդը վրաերթի է ենթարկել։ Մահվան ելքով վրաերթի հեղինակը փախել է հանցագործության վայրից։
Ցուցահանդեսներ[խմբագրել | խմբագրել կոդը]
- 2023 թ․"Արարատ Ալեքսանյան" Լոֆթ-Վանաձոր - Հայաստան, Վանաձոր
- 2022 թ․ "Դե հաջող չեմ անըմ[1]" / Վանաձորի կերպարվեստի թանգարան - Հայաստան, Վանաձոր
- 2016 թ․ "Անկոչ երազներ[2]" Լոֆթ-Երևան - Հայաստան, Երևան
- 2016 թ․ "Զրույց ստվերի հետ'[3]' / բաց երկնքի տակ - Հայաստան, Վանաձոր
Խմբակային ցուցահանդեսներ[խմբագրել | խմբագրել կոդը]
- 2023 թ․ SWISSARTEXPO 2023 / SBB Eventhalle Zürich Hauptbahnhof - Ցյուրիխ, Շվեցարիա
- 2023 թ․ Artbox New York 2.0 / NYC Artexpo Manhattan - Նյու Յորք, ԱՄՆ
- 2022 թ․ Miami 3.0 / Art Basel Week / Miami - Մայամի, ԱՄՆ
- 2022 թ․ Palma 1.0 by ArtBox Projects / Casa del Arte in Palma de Mallorca - Պալմա դե Մայորկա, Իսպանիա
- 2022 թ․ Artbox.Project Venezia 1.0, Biennale Artbox Expo / Tana Art Space, Fodamenta de la Tana 2109A - Վենեցիա, Իտալիա
- 2022 թ․ ARTBOX.PROJECT WORLD 2.0 / URBANSIDE Gallery Zurich; also online at ARTSY.COM - Ցյուրիխ, Շվեցարիա
- 2021 թ․ SWISSARTEXPO 2021 / SWISSARTEXPO Exhibition, SBB Event Hall, Zurich Main Station - Ցյուրիխ, Շվեցարիա
- 2017 թ․ ''Բազմաշավիղ'' / Վանաձորի կերպարվեստի թանգարան - Հայաստան, Վանաձոր
- 2016 թ․ ''Բազմաշավիղ[4]'' / Վանաձորի կերպարվեստի թանգարան - Հայաստան, Վանաձոր
- 2016 թ․ "Մինասի գույներով" միջազգային պլենեռ - Հայաստան, Գյումրի
- 2015 թ․ "Մինասի գույներով" միջազգային պլենեռ - Հայաստան, Գյումրի
- 2009 թ․ ''Ցեղասպանություն'' / սուրբ Գրիքոր Նարեկացի ցուցասրահ - Հայաստան, Վանաձոր
Կարծիքներ[խմբագրել | խմբագրել կոդը]
Նկարիչ, քանդակագործ Սարգիս Ղարիբյանը (Սևո) նշում է.
«Շատ հետաքրքիր նկարներ կան։ Կարծում եմ, որ ես կարող էի դրանք ավելի ճշգրիտ գնահատել ցերեկային լույսի ներքո, թեև նկարները լուսնի լույսի ներքո ցուցադրելը հիանալի գաղափար է։ Ողջունելի է, որ մեր օրերում երիտասարդները չեն սպասում, որ ինչ-որ մեկը նախաձեռնող լինի։ Նրանք ներկայանում են իրենց հետաքրքիր գաղափարներով»։
«Զրույց ստվերի հետ[3]» ցուցահանդես, 2016 թ. Արմինե Վարդանյանն իր սերնդի արվեստագետների մոտ նման մտքեր չի հիշում.
«Ֆանտաստիկ գաղափար։ Ինձ շատ է ոգեշնչում այսօրվա երիտասարդ արվեստագետների ոգևորությունը, ինչպես նաև այս նկարչի տաղանդն ու անհատականությունը։ Վանաձորի պատկերարվեստն ապագա ունի».
«Զրույց ստվերի հետ[3]» ցուցահանդես, 2016թ.
Ստեղծագործություններ[խմբագրել | խմբագրել կոդը]
Արվեստանոց[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Արարատ Ալեքսանյան ՛՛Դե հաջող չեմ անըմ ՛՛, Վերցված է 2023-11-05-ին
- ↑ «Արարատ Ալեքսանյան․ «Անկոչ երազներ»». Tomsarkgh.am (անգլերեն). Վերցված է 2023 թ․ նոյեմբերի 5-ին.
- ↑ 3,0 3,1 3,2 Լոռու մարզը՝ նկարիչների արվեստանոց. Հերթական ոճային ցուցահանդեսը..., Վերցված է 2023-11-05-ին
- ↑ Բազմաշավիղ. վանաձորյան ներկապնակ։ Հերթական ցուցահանդեսը Վանաձորի կերպարվեստի թանգարանում, Վերցված է 2023-11-05-ին