Արամ Շահինյան

Վիքիպեդիայից՝ ազատ հանրագիտարանից
Jump to navigation Jump to search
Արամ Շահինյան
Ծնվել էհունիսի 26, 1938(1938-06-26) (81 տարեկան)
Երևան, Հայկական ԽՍՀ, ԽՍՀՄ
Ազգությունհայ
Մասնագիտությունֆիզիկոս
Ալմա մատերԵրևանի պետական համալսարան
Գիտական աստիճանքիմիական գիտությունների դոկտոր, ֆիզիկամաթեմատիկական գիտությունների դոկտոր, պրոֆեսոր և ակադեմիկոս
ՊարգևներՀայաստանի Հանրապետութեան գիտության վաստակավոր գործիչ
ՀայրԱրտաշես Շահինյան

Արամ Արտաշեսի Շահինյան (1938, հունիսի 26, Երևան), հայ ֆիզիկոս, ֆիզքիմիկոս։ Քիմիական (1982) և ֆիզիկամաթեմատիկական (1992) գիտությունների դոկտոր, պրոֆեսոր (1990), ՀՀ ԳԱԱ թղթակից անդամ (2000), ակադեմիկոս: Հայաստանի Հանրապետության գիտության վաստակավոր գործիչ (2009)[1]

Մաթեմատիկոս, ակադեմիկոս և մանկավարժ Արտաշես Շահինյանի որդին է։

Կենսագրություն[խմբագրել | խմբագրել կոդը]

1961 թվականին ավարտել է Երևանի պետական համալսարանը: 1972-1974 թվականներին՝ ՀԽՍՀ ԳԱ Գորիսի ֆիզիկատեխնիկական կենտրոնի, 1974-1986 թվականներին՝ Փորձարարական կենսաբանության, 1986 թվականից՝ Ֆիզիկայի կիրառական հիմնախնդիրների ինստիտուտի լաբորատորիաների վարիչ, 1992-1999 թվականներին՝ ՀՀ կրթության և գիտության փոխնախարար, 1999-2002 թվականներին՝ ՀՀ ԳԱԱ փոխնախագահ, 2000-2002 թվականներին, միաժամանակ՝ ՀՀ ԳԱԱ միջազգային գիտակրթական կենտրոնի տնօրեն, 2002-2004 թվականներին՝ բնական գիտությունների բաժանմունքի ակադեմիայի քարտուղար, 2004-2006 թվականներին՝ փոխնախագահի տեղակալ, 2006-2007 թվականներին՝ ՀՀ ԳԱԱ ակադեմիայի քարտուղարի պաշտոնակատար։ Ամերիկյան լուսակենսաբանական (1989) և քիմիական (2005) գիտությունների ընկերությունների անդամ է։ ՀՀ ԳԱԱ Քիմիական և Երկրի մասին գիտությունների բաժանմունքի ակադեմիկոս-քարտուղար (2007-2008), ՀՀ ԳԱԱ ակադեմիկոս-քարտուղար (2008-2011), ՀՀ ԳԱԱ նախագահության անդամ (2007-2011), 2011 թվականից՝ ՀՀ ԳԱԱ գիտակրթական միջազգային կենտրոնի գիտական ղեկավար։

Աշխատանքները վերաբերում են հեղուկ բյուրեղների, մակերևութաակտիվ նյութերի միցելների և կենսաբանական թաղանթների կառուցվածքային անցումների ու նրանց ֆունկցիոնալ հատկությունների փոխադարձ կապին։ Առաջարկել է նշված համակարգերում կառուցվածքային անցումների տեսություն, զարգացրել քիմիական և կենսաբանական տեղեկագիտական գիտությունների ուղղությունը[2]:

Ծանոթագրություններ[խմբագրել | խմբագրել կոդը]

  1. Հայաստանի Հանրապետության պատվավոր կոչումներ շնորհելու մասին
  2. Ով ով է. Հայեր. Կենսագրական հանրագիտարան, հատոր երկրորդ, Երևան, 2007 

Արտաքին հղումներ[խմբագրել | խմբագրել կոդը]