Արամ Մարգարյան
Արամ Հենրիկի Մարգարյան | |
---|---|
Ընդհանուր տեղեկություններ | |
Իրական քաշ | 60 կգ |
Իրական հասակ | 164 սմ |
Ծննդյան թվական | 27 մարտի, 1974 |
Ծննդավայր | Երևան, Հայկական ԽՍՀ |
Ապրելավայր | Հայաստան |
Մարզիչ | Անդրանիկ Արոյան, Նորայր Սերոբյան |
Կարիերայի ավարտ | 2003 |
Մեդալները | ||
---|---|---|
Տղամարդկանց ազատ ոճի ըմբշամարտ | ||
Ներկայացնում էր՝ Հայաստան | ||
Աշխարհի առաջնություն | ||
Ոսկի | Թեհրան 2002 | 60 կգ |
Արամ Հենրիկի Մարգարյան (ծն. 27 մարտի, 1974, Երևան, Հայկական ԽՍՀ), հայ ազատ ոճի ըմբշամարտիկ, աշխարհի չեմպիոն (2002), Հայաստանի սպորտի վաստակավոր վարպետ (2009)։
Կենսագրություն[խմբագրել | խմբագրել կոդը]
Արամ Մարգարյանը ծնվել է 1974 թվականի մարտի 27-ին Երևանում։ Ազատ ոճի ըմբշամարտով զբաղվել է Անդրանիկ Արոյանի և Նորայր Սերոբյանի ղեկավարությամբ։ 1991 թվականին ընդգրկված էր ԽՍՀՄ պատանեկան հավաքականում և Եվրոպայի պատանեկան առաջնությունում դարձավ հաղթող։ ԽՍՀՄ փլուզումից հետո հանդես է եկել Հայաստանի դրոշի ներքո։ 1994 թվականին դարձել է Եվրոպայի երիտասարդական առաջնության չեմպիոն։ 2002 թվականին Արամ Մարգարյանն իր մարզական կարիերայի ընթացքում հասել է առավելագույն հաջողությունների։ Թեհրանում անցկացված աշխարհի առաջնությունում նա կարողացավ հասնել եզրափակիչ փուլ։ Եզրափակչում նա պարտվեց թուրք ըմբիշ Հարուն Դոգանին, սակայն Դոգանը որակազրկվեց խթանիչ օգտագործելու պատճառով[1], և ոսկե մեդալն ստացավ Մարգարյանը։
2003 թվականին Արամ Մարգարյանն ավարտեց իր մարզական կարիերան և սկսեց աշխատել որպես մարզիչ։ Մի քանի տարի գլխավորել է Հայաստանի ազատ ոճի ըմբշամարտի երիտասարդական հավաքականի մարզչական շտաբը[2]։
Պարգևներ[խմբագրել | խմբագրել կոդը]
- 2010 թվականին պարգևատրվել է Հայաստանի օլիմպիական կոմիտեի «Հրանտ Շահինյան» մեդալով[3]։
- 2019 թվականին պարգևատրվել է Երախտագիտության մեդալով[4]։
Ծանոթագրություններ[խմբագրել | խմբագրել կոդը]
- ↑ Ազատ ոճի ըմբշամարտ
- ↑ Նոր գլխավոր մարզիչ(չաշխատող հղում)
- ↑ «Գագիկ Ծառուկյանն այցելեց Երևանի օլիմպիական մարզական քոլեջ». Արխիվացված է օրիգինալից 2012 թ․ մարտի 29-ին. Վերցված է 2012 թ․ մարտի 29-ին.
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2019 թ․ մայիսի 29-ին.