Արամ Ավետիս

Ստեղծել հղումը
Վիքիպեդիայից՝ ազատ հանրագիտարանից
Արամ Ավետիս
Ծննդյան անունԱրամ Դերենիկի Ավետիսյան
Ծնվել էմայիսի 25, 1990(1990-05-25)[1] (33 տարեկան)
ԾննդավայրԵրևան, Հայկական ԽՍՀ, ԽՍՀՄ[2]
Մասնագիտությունգրող, արձակագիր և կինոգետ
Քաղաքացիություն ԽՍՀՄ և  Հայաստան
ԿրթությունԵրևանի թատրոնի և կինոյի պետական ինստիտուտ (2016)
Ժանրերարձակ, արձակ բանաստեղծություն, վեպ և էսսե

Արամ Ավետիս (մայիսի 25, 1990(1990-05-25)[1], Երևան, Հայկական ԽՍՀ, ԽՍՀՄ[2]), գրող, արձակագիր։ Որպես գրող տպագրվել է գրական մամուլում[3]։ Հիմնականում գրում է պատմվածքներ, արձակ-պոեզիա, էսսեներ։ Առաջին գիրքը՝ «Կույր կետադրություն»-ը (2017), և «Ճարտարապետական մուտացիա»-ն (2019) մի քանի անգամ եղել են բեսթսելլերների շարքում։

Կենսագրություն[խմբագրել | խմբագրել կոդը]

Արամ Ավետիսը (Արամ Ավետիսյան) ծնվել է 1990 թվականի մայիսի 25-ին Երևանում։ Ծնողներն են Ավետիսյան Դերենիկը և Սեդրակյան Լուսինեն։ Ունի մեկ քույր՝ Աննա Ավետիսյանը, վերջինս դերասանուհի է։

«Կույր կետադրություն», Լուսաբաց հրատարակչության, 2017

1997 թվականին Արամն ընդունվել է Ավանի թիվ 171 միջնակարգ դպրոց։ 2008-2010 թվականներին ծառայել է Հայաստանի ռուսական սահմանապահ զորքերում։ 2010 թվականին Արամն ընդունվել է Երևանի թատրոնի և կինոյի պետական ինստիտուտի կինոգիտական բաժինը։ Բակալավրն ավարտելուց հետո՝ 2014-2016 թվականներին, սովորել է Երևանի թատրոնի և կինոյի պետական ինստիտուտի մագիստրատուրայի կինոգիտության բաժնում։

Արամը սկսել է գրել 17 տարեկանից։ Առաջին քայլերն սկսել է բանաստեղծություններ գրելով։ Առաջին ստեղծագործությունը տպագրվել է «Անդին» ամսագրում, կոչվում է «Նիցշեի տանը»։

2016 թվականին «Անդին» ամսագրի մրցանակաբաշխությանը Արամը՝ որպես գրող նախորդ տարիներին ամսագրում հրապարակած իր էսսեների և մասնավորապես «Գրականությունից հրաժարվելու մանիֆեստ №0-ի» համար ստացել է Սլավիկ Չիլոյանի անվան տարվա հայտնություն մրցանակը։

Որպես գրող՝ տպագրվել է տարբեր ամսագրերում։

«Կույր կետադրություն», Ակտուալ արվեստ հրատարակչության «ջեբգիր» մատենաշար, 2022


«Կույր կետադրություն»-ը գրողի առաջին գիրքն է, որում էսսեներն ամփոփված են երեք խորագրերի ներքո՝ «Տեսունակ կուրություն», «Անհետացող քաղաքի քարտեզը» և «Կետադրության համընդհանուր պատմություն»։ Գիրքը վերատպվել է չորս անգամ․ առաջին անգամ տպագրվել է «Լուսաբաց» հրատարակչությունում, երկրորդ անգամ՝ «Անտարես» հրատարակչության կողմից, երրորդ անգամ՝ «Էդիթ Պրինտ» հրատակչությունը, չորրորդ անգամ՝ «Ակտուալ Արվեստ» հրատարակչության «ՋեբԳիր» մատենաշարով։ 2018 թվականին «Կույր կետադրություն»-ը հայտնվեց «Արմենպրես» լրատվական գործակալության «Երևանյան բեսթսելլեր» հեղինակային նախագծի վարկանիշային աղյուսակում[4]։ «Կույր կետադրություն»-ը եղել է 2018 թվականի «Անտարեսի» «XXI» մատենաշարի տարվա ամենաշատ վաճառված գիրքը[5]։ Գրող, գրաքննադատ Ալեքսանդր Թոփչյանն անդրադարձել է գրքին իր «Նախապատրաստում թռիչքից առաջ, կամ գրական խուլիգանությունը որպես նորի հաստատման անհրաժեշտ միջոց» հոդվածում[6]։ Ռուսական «Նովայա լիտերատուրա» ամսագրում տպագրվել է Արամ Ավետիսի «Футуристические сны циклопа» (հայերեն՝ «Կիկլոպի ֆուտուրիստական երազները») հավաքածուն[7]։

«Կույր կետադրություն», Էդիտ Պրինտ հրատարակչության, 2020
«Կույր կետադրություն», Անտարես հրատարակչության 2018

2019 թվականի մայիսի 25-ին տեղի է ունեցել գրողի երկրորդ գրքի՝ «Ճարտարապետական մուտացիա»-յի շնորհանդեսը»[8]։ Գիրքը հայտնվել է բեսթսելլերների շարքում մի քանի անգամ[9]։ 2020 թվականի փետրվարի 20-ին Փանոս Թերլեմեզյանի անվան գեղարվեստի պետական քոլեջում ցուցահանդես է բացվել՝ նվիրված «Ճարտարապետական մուտացիա» գրքին[10]։

2020 թվականին տպագրվել է գրողի երրորդ գիրքը՝ «Երբ առնետները կարդալ գիտեին» վերնագրով, որը 2021 թվականին նոմինացվել է Եվրոպական միության գրական մրցանակին[11]։

2024 թվականին տպագրվել է գրողի չորրորդ գիրքը՝ «Ամպուտացված ամպեր» վերնագրով։

Գրքեր[խմբագրել | խմբագրել կոդը]

«Ճարտարապետական մուտացիա», Ակտուալ արվեստ հրատարակչության «ջեբգիր» մատենաշար, 2019
  • Կույր կետադրություն, 2017, 2018, 2020
  • Ճարտարապետական մուտացիա, 2019
  • Երբ առնետները կարդալ գիտեին, 2020
  • Ամպուտացված ամպեր, 2024
«Ամպուտացված ամպեր», Ակտուալ արվեստ հրատարակչության «ջեբգիր» մատենաշար, 2024

Հարցազրույցներ[խմբագրել | խմբագրել կոդը]

«Երբ առնետները կարդալ գիտեին», Ակտուալ արվեստ հրատարակչության «ջեբգիր» մատենաշար, 2020

Ծանոթագրություններ[խմբագրել | խմբագրել կոդը]

  1. ↑ 1,0 1,1 https://www.course.am/en/courses/terlemezyan-gallery/tchartarapetakan-mutatcia-tcowtcahandes/az08pU52/
  2. ↑ 2,0 2,1 2,2 Միստիկ գրողը, կույր կետադրությունն ու Արամ Ավետիսի «Նորամուտը»
  3. ↑ «Չակերտներ-Արամ-Ավետիս». 1tv. Արխիվացված է օրիգինալից 2019 թ․ հունվարի 29-ին.
  4. ↑ «Երևանյան բեսթսելեր 4/93. «Խատուտիկի գինի», «Կույր կետադրություն», «Գիշերային լողորդը» գրքերը ամենավաճառվածների ցանկում են». armenpress.am. Վերցված է 2020 թ․ հուլիսի 30-ին.
  5. ↑ «Antares Media Holding». www.facebook.com. Վերցված է 2021 թ․ մայիսի 23-ին.
  6. ↑ «Նախապատրաստում թռիչքից առաջ, կամ գրական խուլիգանությունը որպես նորի հաստատման անհրաժեշտ միջոց». www.irates.am (անգլերեն). Վերցված է 2021 թ․ մայիսի 22-ին.
  7. ↑ «Новая Литература | Арам Аветис». newlit.ru. Վերցված է 2020 թ․ հուլիսի 30-ին.
  8. ↑ «Արամ Ավետիսի«Ճարտարապետական մուտացիա» գրքի շնորհանդես».
  9. ↑ «Երևանյան բեսթսելեր». «Կախվածություն»-ն առաջին տեղում է. հայ գրականություն. հոկտեմբեր, 2019, Վերցված է 2021-05-22-ին
  10. ↑ «Facebook». www.facebook.com. Վերցված է 2021 թ․ մայիսի 22-ին.
  11. ↑ «ԵՄ Գրական մրցանակին ներկայացված Արամ Ավետիսն անլուրջ է վերաբերվում այդ մրցույթին. գրողն անգամ վաղվա հանդիպմանը չի գնալու». Armtimes.com. Վերցված է 2021 թ․ մայիսի 22-ին.

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Արամ_Ավետիս&oldid=9489548» էջից