Արամ Առաքելյան (մանկավարժ)

Վիքիպեդիայից՝ ազատ հանրագիտարանից
Jump to navigation Jump to search
Արամ Առաքելյան
Ծնվել է1924
ԾննդավայրԱրմավիր, Հայաստան
ՔաղաքացիությունFlag of the Soviet Union.svg ԽՍՀՄ
Մասնագիտությունմանկավարժ
ԿուսակցությունԽՄԿԿ

Արամ Արշակի Առաքելյան (1924, Արմավիր, Հայաստան), հայ մանկավարժ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։ ԽՄԿԿ անդամ (1946):

Կենսագրություն[խմբագրել | խմբագրել կոդը]

Արամ Առաքելյանը ծնվել է 1924 թվականին, Հոկտեմբերյանում։ 1941 թվականին ավարտել է Լենինականի մանկավարժական ուսումնարանը և Արագածի շրջանի Լեռնապար գյուղի 7-ամյա դպրոցում զբաղվել ուսուցչական գործունեությամբ։ 1942 թվականին զորակոչվել է բանակ, ուսանել Կրասնոդարի գնդացրաականանետային ուսումնարանում։ 1943 թվականին Առաքելյանը դասակի հրամանատար է նշանակվել Հարավ-արևմտյան ռազմաճակատում, 2-րդ գվարդիական դիվիզիայի 72-րդ գվարդիական հրաձգային գնդում։ 1943 թվականին Դոնեցկի մարզի ազատագրման համար մղված մարտերից մեկում Առաքելյանը ծանր վիրավորվել է, որպես պատերազմի երկրորդ կարգի հաշմանդամ, զորացրվել է բանակից[1]։

1944 թվականից կրկին զբաղվել է մանկավարժական գործունեությամբ։ Աշխատել է Ախուրյանի շրջանի Ղարիբջանյան գյուղի 8-ամյա դպրոցում, 1970 թվականից՝ Հոկտեմբերյան քաղաքի № 4 միջնակարգ դպրոցում՝ որպես զինղեկ։ ԽՄԿԿ անդամ է 1946 թվականից[1]։

Մարտական և աշխատանքային ծառայությունների համար Առաքելյանը պարգևատրվել է Կովկասի պաշտպանության համար, Կիևի 1500-ամյակի, ԽՍՀՄ զինված ուշերի 60-ամյակի, Հաղթանակի 30-ամյակի և այլ մեդալներով[1]։

Պարգևներ[խմբագրել | խմբագրել կոդը]

  • Կովկասի պաշտպանության համար մեդալ
  • ԽՍՀՄ զինված ուժերի 60-ամյակի մեդալ
  • Հաղթանակի 30-ամյակի մեդալ
  • Կիևի 1500-ամյակի մեդալ

Ծանոթագրություններ[խմբագրել | խմբագրել կոդը]