Արագուայա ազգային պարկ

Վիքիպեդիայից՝ ազատ հանրագիտարանից
Jump to navigation Jump to search
Picto infobox plant.png
Արագուայա ազգային պարկ
Parque Nacional do Araguaia
Garça no Rio Araguaia.png
Տեսակազգային պարկ
Կազմված էՍեռադո
ԵրկիրFlag of Brazil.svg Բրազիլիա
ՎարչատարածքՏոկանտինս
Հիմնվել է1959
Մակերես5555 կմ² և 555 478 հեկտար
ԲԾՄ174 մետր
ԿառավարումԲրազիլիայի դաշնային կառավարություն
Արագուայա ազգային պարկը գտնվում է Բրազիլիաում
Արագուայա ազգային պարկ

Արագուայա ազգային պարկ (իսպ.՝ Parque Nacional do Araguaia) ազգային պարկ, որը տեղակայված է Բրազիլիայի հյուսիսում, Տոկանտինս նահանգում։ Բանանալ կղզին, որի վրա գտնվում է պարկը, համարվում է աշխարհի ամենամեծ գետային կղզին[1]։

Պատմություն[խմբագրել | խմբագրել կոդը]

Արագուայա ազգային պարկը ստեղծվել է 1959 թվականի դեկտեմբերի 31-ին 45.570 դաշնային հրամանագրով[2]։ Ամբողջ կղզին բնական և մշակութային արգելոց է, որը գործում է 1973 թվականի դեկտեմբերի 19-ից։ Պարկը գտնվում է կղզու հյուսիսային ծայրում և ընդգրկում է 5577 քառ. կմ տարածք։ Կղզու կենտրոնը և հարավը համարվում են որպես մշակութային պահպանություն` բնիկ ժողովուրդների համար։ Այն ունի 13.584 քառ. կմ տարածք։

Աշխարհագրություն[խմբագրել | խմբագրել կոդը]

Պարկը ձևավորվել է Արագուայա գետում, Բանանալ գետային կղզում, Բրազիլիայի Տոկանտինս նահանգի հարավ-արևմուտքում։ Ազգային պարկը հիմնականում հարթավայրային է և գտնվում է ծովի մակարդակից 200-240 մետր բարձրության վրա։ Այն գտնվում է հյուսիսից՝ Ամազոն բիոմի, հարավից՝ արևադարձային և մերձարևադարձային խոտհարքների ու սավաննաների խաչմերուկում։ Պարկը պարբերական ողողվում է ջրհեղեղով՝ գետի մակարդակի մեծ տատանումների պատճառով[2]։ Բուսական աշխարհը բաղկացած է խոտհարքներից, մացառներից ու տերևաթափ անտառներից[2]։ Հորդառատ տեղումներ թափվում են նոյեմբեր-մարտ ամիսներին, իսկ տարվա ամենաշոգ եղանակը սեպտեմբերից մինչև հոկտեմբեր ընկած ժամանակահատվածն է[3]։

Բուսական աշխարհ[խմբագրել | խմբագրել կոդը]

Պարկի տարբեր հատվածներում կան արմավներ, որոնք հաճախակի հեղեղվում են։ Անտառածածկ տարածքներում սովորաբար հանդիպած տեսակներից են՝ Cabralea, Tabebuia, Genipa americana և այլն։ Պարկում` սավաննայի հատվածում կան բազմաթիվ տեսակի արոտներ՝ առանձին-առանձին ծառերով, ինչպիսին է՝ կոգընկուզի ծառը[3]։

Կենդանական աշխարհ[խմբագրել | խմբագրել կոդը]

Պարկում կան շատ կաթնասուններ, որոնցից են ճահճուտի եղնիկը, եղջերուի այլ տեսակներ, հնդկահավ, ջրախոզուկ, մեծ ջրասամույր, բաշավոր գայլ, յագուար ու զրահակիր։ Գետերի քաղցրահամ ջրերը ապաստան են շատ ձկնատեսակների, ինչպիսին են` Ամազոն գետի դելֆինը և սպիտակ դելֆինը։ Թռչունները չափազանց շատ են՝ կաքավ, տառեղներ, լոր, օձաթռչուն, ճերմակ կաչաղակ և այլն[3]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Bananal Island»։ Encyclopædia Britannica։ Encyclopædia Britannica Inc.։ 2015։ Վերցված է 2015-09-06 
  2. 2,0 2,1 2,2 Antônio Carlos Sant'Ana Diegues (1994)։ An Inventory of Brazilian Wetlands։ IUCN։ էջ 85։ ISBN 978-2-8317-0217-9 
  3. 3,0 3,1 3,2 «Araguaia National Park»։ Tocantins Parks։ Վերցված է 2015-09-08 

Աղբյուրներ[խմբագրել | խմբագրել կոդը]