Ավտոդրոմ (Ատրակցիոն)

Ավտոդրոմ մեքենաներ

Ավտոդրոմ (Բախարգելով մեքենաներ, անգլ.՝ Bumper car), ատրակցիոն, որտեղ այցելուներին հնարավորություն է տրվում հատուկ տարածքում վարել երկտեղանի էլեկտրական ավտոմեքենաներ և հանգիստ բախվել իրար։

Պատմություն[խմբագրել | խմբագրել կոդը]

Առաջին նմանատիպ ատրակցիոն ստեղծվել է 1919 թվականին, Մաքս և Հարոլդ Սթոերների (Max & Harold Stoehrer) կողմից, որոնք ԱՄՆ-ի, Մասաչուսեթս նահանգի, Մեսուեն քաղաքից էին։ Նրանք հիմնադրել են «Dodgem» կազմակերպությունը, որը զբաղվում էր բախարգելով մեքենաների արտադրությամբ։ Շուտով շուկայում հայտնվել են այլ կազմակերպություններ ևս՝ «Auto Skooters»^[1]^[2]։

Ըստ այլ տեղեկությունների, այդ մեքենաները ստեղծել է Վիկտոր Լևանդը (Victor Levand), որը Ջեներալ էլեկտրիկ ընկերության աշխատակից էր^[3]։

«Ավտոդրոմ» ատրակցիոնները տարածվել են ԽՍՀՄ-ում, նրանցից մեկը, որը գտնվում էր Մինսկում, կարելի է տեսնել 1976 թվականի արտադրության սովետական «Գաղտնի ամբողջ աշխարհին» ֆիլմի մեջ^[4]։

碰碰车 բառը, որը նշանակում է «Ավտոդրոմ» մեքենա, պաշտոնապես մտել է չինարեն^[5]։

Սարք[խմբագրել | խմբագրել կոդը]

Ավելի տարածված ավտոդրոմները կազմված են երկաթե ցանկապատներով շրջափակված մետաղյա հատակից և վերևում ձգվող մետաղական ցանցից։ Մետաղական հատակի և ցանցի մեջ կիրառվում է կայուն լարում։

Մեքենաները հիմնականում եռանիվ են լինում։ Էլեկտրական շարժիչը գտնվում է դիմացի անիվում, որը կարող է պտտվել 360°^[6], ինչը ազատում է շարժիչը հակադարձելու անհրաժեշտությունից․ մեքենան ունի միայն մեկ ոտնակ։ Էլեկտրասնուցումը իրականացվում է երկու լարերի միջոցով․ մեկը գտնվում է մեքենայի տակ և հպվում է հատակին, իսկ մյուսը ամրացվում է մեքենայի հետևի մասին և միացվում մետաղական ցանցին։ Գոյություն ունեն ավտոմեքենաներ, որոնց կոնտակտները գտնվում են միայն հատակին (մի քանի մեկուսացված մետաղական շերտեր բևեռային փոփոխությամբ, այս դեպում սնուցման լարումը 48V-ից ոչ ավել է)։ Կան նաև մարտկոցի ինքնավար սնուցմամբ ավտոմեքենաներ, ցանկացած վայրում ավտոդրոմը սարքավորելու համար^[7]։ Հարվածները մեղմացնելու համար ավտոմեքենաների վրա տեղադրված է ռեզինե բախարգելներ։ Մեքենաների արագությունը կազմում է 6-10կմ/ժ^[8]։