Ավստրալիայի ժամանակակից արվեստի թանգարան

Վիքիպեդիայից՝ ազատ հանրագիտարանից
Jump to navigation Jump to search
Ավստրալիայի ժամանակակից արվեստի թանգարան
SydneyMuseumContemporaryArt gobeirne.jpg
Տեսակպատկերասրահ
ԵրկիրFlag of Australia (converted).svg Ավստրալիա
ՏեղագրությունՆոր Հարավային Ուելս
ՎայրCircular Quay?
Հիմնադրված է1991
Կայքmca.com.au

Ավստրալիայի ժամանակակից արվեստի թանգարան[1] (անգլ.՝ Museum of Contemporary Art Australia, անգլերենում օգտագործվում է MCA հապավումը), Սիդնեյում՝ Ավստրալիայում գտնվող գեղարվեստի թանգարան։ Այն նվիրված է բացառապես ինչպես Ավստրալիայից, այնպես էլ ամբողջ աշխարհից ժամանակակից արվեստի գործերի ցուցադրմանը, մեկնաբանմանը և հավաքագրմանը։ Թանգարանի շենքը կառուցվել է ար-դեկո ոճով[2] և ավելի վաղ ծառայել է որպես Ծվային ուժերի խորհրդի շտաբ-բնակարան։

Թնագարանը Սիդնեյի ժամանակակից արվեստի թանգարան անվամբ բացվել է 1991 թվականին։ 2010 թվականին սկսվել է թանգարանի վերանորոգման և ընդարձակման աշխատանքները, որն արժեցել է 58 մլն ավստրալական դոլար[3]։ Վերանորոգումից հետո 2012 թվականի մարտի 29-ին կայացել է թանգարանի վերաբացումը արդեն ներկայիս անվամբ[4][5]։ Թանգարանի հավաքածուում է գտնվում ավստրալացի նկարիչների ավելի քան 4000 աշխատանք, որոնք ձեռք են բերվել 1989 թվականին։ Թանագարանի հավաքածուն իր մեջ ներառում է արվեստի բոլոր տեսակները, բայց ցուցանմուշների գերակշռող մասը վերաբերում են գեղանկարչությանը, լուսանկարչությանը, քանդակագործությանը, թղթի վրա աշխատանքին և շարժվող պատկերներին։ Հավաքածուի զգալի մասն են կազմում ավստրալիայի աբորիգենների նկարիչների աշխատանքները։

Պատմություն[խմբագրել | խմբագրել կոդը]

Թանգարանը ստեղծվել է ավստրալացի նկարիչ-տարաբնիկ Ջոն Պաուերի (1881-1943), որն իր անձնական ունեցվածքը կտակել էր Սիդնեյի համալսարանին ավստրալացիներին ժամանակակից կերպարվեստի ոլորտի լուսավորության և ուսուցման համար, ցանկության համաձայն։

1989 թվականին Ծովային ծառայության խորհրդի նոր շենք տեղափոխվելուց հետո Նոր Հարավային Ուելսի կառավարությունը թանգարանին նվիրաբերվել է ծովափնյա Սեկուլար Կուեյի ծովախորշի նախկին շենքը։ 1990 թվականին Սիդնեյի համալսարանի միջոցներով և Ջոն Պաուերի կտակով շինությունը վերանորոգվել է։ Շինարարական աշխատանքները ղեկավարում էր Peddle Thorpe / John Holland Interiors-ից Էնդրյու Անդերսոնը։ 1991 թվականի նոյեմբերին Ավստրալիայի ժամանակակից արվեստի թանգարանը պաշտոնապես բացվել է։

2010-2012 թվականին Սիդնեյի ճարտարապետ Սեմ Մարշալի նախագծով կառուցվել է թանգարանի լրացուցիչ շենքը, որը ստացել է Մորդանթի թև անվանումը՝ ի պատիվ նախագծին աջակցություն ցուցաբերած բարեգործների ընտանիքի։ Այն բացվել է 2012 թվականի մարտին[6][7] և ընդարձակել է թանգարանին հասանելի մակերեսը մոտ մեկ ու կես անգամ[8]։ Շենքը կառուցվել է 1960 թվականին ավանգարդ մոդուլյար ոճով և հակադրվում է ավելի դասական հիմնական կորպուսին[8]։

Ավաստրալիայի ժամանակակից արվեստի թանգարանը ոչ առևտրական բարեգործական կազմակերպություն է։ Այն մշտական ֆինանսավորում և օժանդակություն է ստանում Նոր Հարավային Ուելս նահանգի կառավարությանից՝ Arts NSW գործակալության միջոցով, նաև Ավստրալիայի կառավարությունից՝ Ավստրալիայի մշակույթի խորհրդի միջոցով։ Բյուջեի մոտ 70 %-ը ձևավորվում է նրա սեփական գործունեությունից՝ ցուցահանդեսներից, միջոցառումներից և վարձույթից, նաև հովանավորություններից և նվիրատվություններից[9]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. The Art Newspaper Russia No03-04 / июль-август 2012. — Litres, 2018-12-20. — 72 с. — ISBN 9785457839496
  2. «Museum of Contemporary Art»։ Sydney Architecture։ Վերցված է 2019-02-01 
  3. «Sydney Museum of Contemporary Art to reopen in 2012»։ World Interior Design Network (Australia)։ 2012-05-26։ Արխիվացված է օրիգինալից 2013-02-10-ին։ Վերցված է 2012-06-04 
  4. Dale; Kneen Starchitects In Our Eyes (und) // High Life. — British Airways, 2012. — С. 16—17.
  5. Brownell Ginanne (2012-03-20)։ «A Makeover for Contemporary Art in Sydney»։ The New York Times։ Վերցված է 2012-10-14 
  6. Craswell, Penny (2012-04-12)։ «The reimagined Museum of Contemporary Art»։ ArchitectureAU։ Architecture Media Pty Ltd։ Վերցված է 2019-02-01 
  7. «The MCA's new Mordant Wing»։ Artist Profile (անգլերեն)։ 2012-04-29։ Վերցված է 2019-04-17 
  8. 8,0 8,1 «The MCA's new Mordant Wing» (անգլերեն)։ Artist Profile։ 2012-04-29։ Վերցված է 2019-09-16 
  9. «About the MCA»։ Museum of Contemporary Art Australia