Ավշարյան համալիր

Վիքիպեդիայից՝ ազատ հանրագիտարանից
Jump to navigation Jump to search
Ավշարյան համալիր
Տեսակթանգարան
ԵրկիրFlag of Bulgaria.svg Բուլղարիա
ՏեղագրությունՇումեն
Մասն էShumen History museum?
Հիմնադրված էմարտի 31, 2017
Կոորդինատներ: 43°16′20.0″ հս․ լ. 26°54′34.4″ ավ. ե. / 43.272222° հս․. լ. 26.909556° ավ. ե. / 43.272222; 26.909556

Ավշարյան համալիր, Բուլղարիայի Շումեն քաղաքի ազգագրական թանգարանի մի մասն է։ Գտնվում է Շումենի Ստարա Պլանինա 2 հասցեում։ Շինությունը տեղական նշանակության մշակութային հուշարձան է[1]։

Պատմություն[խմբագրել | խմբագրել կոդը]

2016 թվականի ապրիլին Շումենի քաղաքային խորհուրդը որոշում է կայացրել շենք տրամադրել ազգագրական թանգարանի վարչությանը։ 2017 թվականի մարտի 31-ին ն համալիրը պաշտոնապես բացվել է այցելուների համար[2]։ 2018 թվականին բուլղարիայի թանգարանների միավորումը թանգարանը հայտարարել է 2017 թվականի թանգարան[3]։

Շինարարություն[խմբագրել | խմբագրել կոդը]

Տունը կառուցվել էր Շումենի հայկական թաղամասում, երկու փողոցների խաչմերուկում և պատկանել էր գորգերի արտադրող և վաճառական Հովհաննես Ավշարյանին[4]։ Շինությունը եռահարկ է, ընդարձակ բակով։ Կառուցապատված է մոտ 100 մ²։ Սենյակները այնպես են կառուցված, որ նրանց ետևի պատը ամբողջովին պատված է փայտյա պահարաններով, որոնց համակցված է անկյունային դուռը։ Առաստաղները փայտից են։ Շենքը վերականգնվել է 1985 թվականին։

Ցուցադրություն[խմբագրել | խմբագրել կոդը]

Ավշարյան համալիրը վերարտադրում է 19-րդ դարի վերջից մինչև 1930-ական թվականների Շումենի հարուստ տան մթնոլորտը։ Ցուցադրանմուշները վերաբերում են ազգագրությանը և նոր պատմությանը։ Ննջասենյակի կահույքը պատրաստված է Շումենի գործարանում։ Լուսամփոփները նախատեսված են եղել գազի համար, էլեկտրաֆիկացիայից հետո հարմարեցվել են էլեկտրական հոսանքով աշխատելու համար։ Յուրահատուկ է աշխատանքային սեղան-բուֆետը ճաշասենյակում, որին ներկառուցված է սկուտեղ՝ ճաշ մատուցելու համար։ Ցուցահանդեսը կազմակերպված է հինգ սենյակներում։ Շինության առաջին հարկում հյուրասենյակն ու ճաշասենյակն են, երկրորդ հարկում՝ ննջարանը, աշխատանքային սենյակն ու Հովհաննես Ավշարյանի գոբելեններով զարդարված առանձնասենյակը; Շինությանը կից կրպակներ կան[3]։

Ծանոթագրություններ[խմբագրել | խմբագրել կոդը]

  1. «Комплекс „Авшарян“»։ museum-shumen.eu 
  2. «Отвориха за посетители къща „Авшарян“, първата експозиция е „Градски бит“»։ shum.bg։ Վերցված է 27 Դեկտեմբեր 2018 
  3. 3,0 3,1 «Музей на годината»։ shmoko.bg։ Վերցված է 27 Դեկտեմբեր 2018 
  4. Даниела Стоянова։ «Отвориха нов музей в Шумен»։ kmeta.bg։ Վերցված է 27 Դեկտեմբեր 2018