Ավիանուս (լատին․՝ Avianus), IV-V դդ. հռոմեացի առակագիր։ Նրա անունով է մեզ հասել թվով 42 առակներ, որոնք գրված են էլեգիական դիստիքոս չափով։ Ենթադրաբար Ավիանուսի համար որպես աղբյուր է ծառայել հունական առակագիր Բաբրիոսի առակների լատիներեն թարգմանություները։ IX առ XVI դդ Ավիանուսը Արևմուտքին հայտնի միակ առակագիրն էր։ Նրան ընթերցում էին մենաստաններում, քանի որ նրա առակները զուրկ էին Ֆեդրոսին հատուկ գռեհկությունից։
