Ավետում (նկար, Ֆիլիպինո Լիպպի)
 | |
|---|---|
.jpg) | |
| տեսակ | գեղանկար |
| նկարիչ | Ֆիլիպինո Լիպպի |
| տարի | 1490[1] |
| բարձրություն | 35 սանտիմետր[1] |
| լայնություն | 50,5 սանտիմետր[1] |
| ստեղծման վայր | Իտալիա[1] |
| ժանր | հոգևոր արվեստ |
| նյութ | տեմպերա[1] և փայտե տախտակ[1] |
| գտնվում է | Պետական Էրմիտաժ[1] |
| հավաքածու | Պետական Էրմիտաժ[1] |
| հիմնական թեմա | Ավետում |
Ծանոթագրություններ | |
«Ավետում» (իտալ.՝ Annunciazione), Վերածննդի դարաշրջանի իտալացի նկարիչ Ֆիլիպինո Լիպպիի կտավը` Պետական Էրմիտաժի հավաքածուից։
Նկարագրություն
[խմբագրել | խմբագրել կոդը]Նկարի կենտրոնում պատկերված է Մարիամ Աստվածածինը, ով նստած է գրքերով լցված սեղանի կողքի կարմիր բազկաթոռին։ Նրա մեջքի ետևում կարմիր վարագույր է։ Նրանից ձախ ծնկի իջած Գաբրիել հրեշտակապետն է։ Վերևի ձախ անկյունից դեպի Մարիամն է թռչում աղավնի, որը մարմնավորում է Սուրբ Հոգուն։ Կտավը պատկերում է Ավետարանի կարևորագույն դրվագը. Գաբրիել հրեշտակապետի հայտնությունը Կույս Մարիամի առջև` այն լուրով, որ նա ծննդաբերելու է Հիսուսին։
Պատմություն
[խմբագրել | խմբագրել կոդը]Կտավի վաղ պատմությունը հայտնի չէ։ 19-րդ դարում այն պատկանել է Պուչչինիին Պիստոյում, այնուհետև այն հայտնվել է Ստրոգանովներ կոմսերի հավաքածուում, պահվել է Սանկտ Պետերբուրգի Ստրոգանովյան պալատում[2]
Առաջին անգամ նկարը նկարագրվել է 1870 թվականին, Դ. Ա. Կրոուի և Դ. Բ. Կավալկազելլեի գրականություններում, նրանք Ֆիլիպինո Լիպպիին անմիջապես անվանել են որպես հնարավոր հեղինակ[3]։ Սակայն Լ. Վենտուրին նկարի հեղինակ էր համարում Ռաֆֆաելինո դել Գարբոյին։ Հետազոտողների մեծամասնությունը համարում է, որ նկարը պատկանում է նկարչի 1490-ականների ավելի ուշ աշխատանքներին։ Վ. Լազարևն ասել է, որ նկարը նկարվել է 1496-1500 թվականներին[4]։ Էրմիտաժում նկարը թվագրում են որպես 1490-ականների կեսերին նկարված[5]։
Այն բանի համար, որ նկարն ունի երկարաձգված ձևաչափ, վարկած կար, որ այն կարող էր խորանային բազմածավալ պատկերի որևէ մասը, օրինակ` ծայրը լինել։ Բայց Վ. Լազարևը համաձայն չէր այդ վարկածի հետ և համարում էր նկարը առանձին ստեղծագործություն[4]։
Կարծիքներ
[խմբագրել | խմբագրել կոդը]Ռուս արվեստաբան Տ. Կուստոդիևան, վերլուծելով նկարը, նշել է.
Ֆիլիպինոյի գործին բնորոշ առանձնահատկությունները դրսևորվում են նաև նրա մեկ այլ «Հայտնություն» նկարում։ Ինտերիերի որոշակիությունը Ֆիլիպինյի մոր բնականորեն համադրվում է գծային հեռանկարի մշակման հետ, որը մնում է 15-րդ դարի արվեստի կենտրոնական խնդիրներից մեկը։ Տարածքի իրական տպավորությունը ուժեղացնում է լուսավորությունը։ Կատարյալորեն համապատասխանում են ստվերավորված պատի և ձգված դռան ջամբի հարաբերակցությունը, որի միջոցով արևի լույսը ընկնում է դեպի սենյակ։ Միևնույն ժամանակ, օգտագործելով հին նկարչության տեխնիկան, նկարիչը պահպանում է ավանդական ոսկե ճառագայթները, որոնց պայծառության մեջ աղավնին թռչում է դեպի Մադոննան[6]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 1,7 https://www.hermitagemuseum.org/wps/portal/hermitage/digital-collection/01.+Paintings/29368/
- ↑ Кустодиева, 2011, էջ 182
- ↑ Crowe, Cavalcaselle, bd. 3, 1870
- ↑ 4,0 4,1 Lazareff, 1928, էջ 26—27
- ↑ Кустодиева, 2011, էջ 184
- ↑ Кустодиева, 1985, էջ 53—54
Գրականություն
[խմբագրել | խմբագրել կոդը]- Вентури Л. Очерк итальянского искусства в Петербурге // Старые годы. — 1912.
- Кустодиева Т. К. Государственный Эрмитаж. Итальянская живопись XIII—XVI веков: Каталог коллекции. — СПб.: Изд-во Государственного Эрмитажа, 2011. — 448 с. — ISBN 978-5-93572-397-2
- Кустодиева Т. К. Итальянское искусство эпохи Возрождения XIII—XVI веков. Очерк-путеводитель. — Л.: Искусство, 1985. — 184 с.
- Crowe J. A., Cavalcaselle G. В. Geschichte der italienischen Malerei = de. — Leipzig, 1870. — Bd. 3.
- Lazareff V. Una pittura di Filippino Lippi a Leningrado(իտալ.) // L’Arte. — 1928. — Vol. 31.