Ավետիք Արասխանյան

Վիքիպեդիայից՝ ազատ հանրագիտարանից
Jump to navigation Jump to search
Ավետիք Արասխանյան
Ծնվել էփետրվարի 13, 1857(1857-02-13)
ԾննդավայրԱգուլիս
Մահացել էդեկտեմբերի 3, 1912(1912-12-03) (55 տարեկանում)
Մահվան վայրԱխալքալաք, Սամցխե-Ջավախեթի մարզ, Վրաստան
Ազգությունհայ
ԿրթությունՍտրասբուրգի համալսարան
Մասնագիտությունտնտեսագետ և հրապարակախոս
ԱշխատավայրՄուրճ և Գևորգյան հոգևոր ճեմարան

Ավետիք Մկրտումի Արասխանյան (փետրվարի 13, 1857(1857-02-13), Ագուլիս - դեկտեմբերի 3, 1912(1912-12-03), Ախալքալաք, Սամցխե-Ջավախեթի մարզ, Վրաստան), հայ տնտեսագետ, հրապարակախոս: Տնտեսագիտության դոկտոր (1882):

Կենսագրություն[խմբագրել | խմբագրել կոդը]

Ավետիք Արասխանյանը ծնվել է 1857 թվականին Ագուլիս գյուղում[1]: Նախնական կրթությունը ստացել է տեղի դպրոցներում, սկզբում սուրբ Շմավոն եկեղեցու քահանա Տեր-Սիմոնի մոտ, ապա՝ Հայրապետ Քալանթարյանի, վանքի և 1867 թվականին հիմնված ծխական դպրոցներում: 1876 թվականին ավարտել է Թիֆլիսի ռեալական ուսումնարանը: Ապրելով դպրոցի հայոց լեզվի ուսուցիչ, «Մշակի» աշխատակից Ստեփան Պալասանյանի մոտ՝ կապվում է թերթին, ծանոթանում Արծրունու հետ, մասնակցում խմբագրական ժողովներին, որոնցից մեկի ժամանակ ծանոթանում է Րաֆֆու հետ[2]: 1876 թվականին մեկնում է արտասահման, երեք կիսամյակ սովորում Լայպցիգի համալսարանում, ապա մեկնում Փարիզ, այնուհետև՝ Գերմանիա, սովորում Ստրասբուրգի համալսարանում, ուսանում քաղաքատնտեսություն, վիճակագրություն, սոցիալական ուսմունքներ, պետական և գերմանական իրավունքներ: 1882 թվականին ավարտում է համալսարանը՝ ստանալով տնտեսագիտության դոկտորի գիտական աստիճան: Պրոֆեսոր Շմոլլերն առաջարկում է համատեղ աշխատել, սակայն Արասխանյանը վերադառնում է Թիֆլիս[2]:

1889-1900 թվականներին եղել է «Մուրճ» ամսագրի հիմնադիր-խմբագիր, 1909-1911թվականներին դասավանդել է էջմիածնի Գևորգյան ճեմարանում, եղել է նաև Ախալքալաքի ծխական դպրոցի տեսուչ:

Երկեր[խմբագրել | խմբագրել կոդը]

  • Ազգաբնակութիւնը եւ ազգաբնակչական շարժումները, Թիֆլիս, 1883թ.:
  • Արեւելեան ազգերի հին պատմութիւնը, Թիֆլիս, 1891թ.:
  • Հայ-վրացական յարաբերութիւնների մասին անցեալում, Թիֆլիս, 1898թ.:

Գրականություն[խմբագրել | խմբագրել կոդը]

  • Ավետիք Արասխանյան (Կյանքը և գրական-հրապարակախոսական գործունեությունը): Անանյան, Գառնիկ Գուրգենի, Կիրակոսյան, Վլադիմիր Աղասու, Երևան: Հայաստան, 1987[3]:
  • Ավետիք Արասխանյան: (Տնտեսագիտական հայացքների վերլուծություն) / Ռ. Ն. Սարինյան, Մասն. խմբ.՝ Ս. Շ. Զուրաբյան, Երևան: Հայաստան, 1980[4]:

Ծանոթագրություններ[խմբագրել | խմբագրել կոդը]

  1. Ով ով է. Հայեր. Կենսագրական հանրագիտարան, հատոր առաջին, Երևան, 2005 
  2. 2,0 2,1 «Խելքը կրթելով` կրթեք նաև ազգի ձեռքերը». Ավետիք Արասխանյան
  3. Անանյան Գառնիկ Գուրգենի (1987-01-01)։ Կիրակոսյան Վլադիմիր Աղասու, ed.։ Ավետիք Արասխանյան: (Կյանքը և գրակ.-հրապարակախոս. գործունեությունը)։ Երևան: Հայաստան 
  4. «ASUE քարտարան, Ավետիք Արասխանյան»։ library.asue.am (hy-Armn)։ Վերցված է 2017-02-13 
Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են