Ավազակի դուստր Ռոնին

Վիքիպեդիայից՝ ազատ հանրագիտարանից
Jump to navigation Jump to search
Picto infobox book.png
Ավազակի դուստր Ռոնին
Ronja Rövardotter
Ronja girg.jpg
Հեղինակ Աստրիդ Լինդգրեն
Տեսակ գիրք
Ժանր մանկական գրականություն[1], հեքիաթ և վեպ
Բնօրինակ լեզու շվեդերեն
Նկարազարդող Մետ Իվերս
Երկիր Flag of Sweden.svg Շվեդիա
Հրատարակիչ Rabén & Sjögren
Հրատարակման տարեթիվ 1981
Թարգմանիչ հայերեն Հռիփսիկ Վարդանյան (ռուսերենից)
Հրատարակում հայերեն Արևիկ, Երևան, 1998 թ.
ԳՄՍՀ 91-29-54877-2
OCLC 9462379
Թվային տարբերակ grapaharan.org

«Ավազակի դուստր Ռոնին» (շվեդ.՝ Ronja Rövardotter), շվեդ մանկագիր և հրապարակախոս Աստրիդ Լինդգրենի հեքիաթ-վիպակ է փոքրիկ Ռոնիի մասին, որն ապրում է անտառում՝ հինավուրց ամրոցում իր ընտանիքի և հայրիկի ավազակախմբի հետ։

Սյուժե[խմբագրել | խմբագրել կոդը]

Գլխավոր հերոսուհին Ռոնին, ինչպես Աստրիդ Լինդգրենի շատ գրքերում, երեխա է։ Ռոնին զվարթ, կենսուրախ, քաջ, հետաքրքրասեր, չնայած և կամակոր աղջիկ է։ Իր հայրը Մատիս անունով ավազակապետն է, մայրը՝ Լովիսան։ Նրանք պաշտում են իրենց աղջկան, բայց չեն վախենում ազատություն տալ Ռոնիին, և նա շուտով սովորում է գոյատևել անտառում, որ շրջապատում է նրանց ամրոցը և որտեղ կան թզուկներ, դրուդներ և այլ բազմաթիվ հեքիաթային և առասպելական էակներ։ Ավազակախումբը՝ Մատիսի գլխավորությամբ, թալանում է մարդկանց, որոնք անցնում են անտառով, սակայն Ռոնին առայժմ չգիտի այդ մասին։

Մատիսի ոխերիմ թշնամի Բորկան նույնպես ավազակապետ է։ Ռոնին ծանոթանում է Բիրքի՝ Բորկայի որդու հետ։ Նրանք սկզբում թշնամաբար են վերաբերվում մեկ մեկու, այնուհետև փրկում մեկը մյուսի կյանքը և վերջ ի վերջո որոշում դառնալ քույր ու եղբայր։ Իմանալով այդ, իրենց ընտանիքները ավելի են թշնամանում, և Ռոնին ու Բիրքը փախչում են անտառ և փորձում գոյատևել այնտեղ։ Անտառում շատ արկածներ ունենալուց հետո, երեխաները հասկանում են, թե ինչ է իսկական ընկերությունը։ Ռոնին համոզվում է, որ Բիրքը ազնիվ, հավատարիմ ու նվիրված ընկեր է։ Գրքի վերջում ավազակախմբերը ստիպված են լինում հաշտվել, որպեսզի երեխաները վերադառնան տուն (դա Ռոնիի և Բիրքի պայմանն էր)։ Ռոնին ու Բիրքը երդվում են երբեք ավազակ չդառնալ չնայած իրենց հայրերի դժգոհությանը։

Հետաքրքիր փաստեր[խմբագրել | խմբագրել կոդը]

  • Ավազակի դուստր Ռոնին։ Հեքիաթ-վիպակ / Ա. Լիդգրեն Թարգմ./ռուսերենից/՝ Հ. Վարդանյան. - Երևան։ Արևիկ, 1998. 111 էջ.
  • 1984 թ. շվեդ ռեժիսոր Տագե Դանիէլսոնը նկարահանել է ֆիլմ՝ գրքի հիման վրա։
  • 1994 թ. Գերմանիայում գրքի հիման վրա մուզիքլ է բեմադրվել։
  • 2014 թվականին ռեժիսոր Գոռո Միյաձակին պլանավորում է նկարահանել անիմե սերիալ Studio Ghibli «Sanzoku no Musume Ronja»[2].
  • Ռուսական Mechanical Poet խումբը ունի երգ Stormchild, որը նվիրված է Ռոնիի ծննդյան փոթորկոտ գիշերին, երբ կայծակը այնքան ուժեղ էր, որ նրանց ամրոցը երկու կես արեց։

Ծանոթագրություններ[խմբագրել | խմբագրել կոդը]

  1. http://ebooks-catalog.net/Juvenile/c116/
  2. սկբում մումի-տրոլներ, հետո Ավազակի դուստր Ռոնին

Արտաքին հղումներ[խմբագրել | խմբագրել կոդը]