Աստղիկ Չամքերթեն
| Աստղիկ Չամքերթեն | |
|---|---|
| Ծնվել է | սեպտեմբերի 3, 1953 (70 տարեկան) |
| Ծննդավայր | Բրյուսել, Բելգիա |
| Մասնագիտություն | քաղաքագետ և իրավաբան |
Աստղիկ Չամքերթեն (Չամքերթենյան, սեպտեմբերի 3, 1953, Բրյուսել, Բելգիա), հայազգի քաղաքագետ, իրավագետ։
Պողոս Նուբար Փաշայի ծոռնուհին։
Կենսագրություն[խմբագրել | խմբագրել կոդը]
Աստղիկ Չամքերթենը ծնվել է 1953 թվականին, Բրյուսելում։ 1979 թվականին ավարտել է Նյուշաթելի (Շվեյցարիա) համալսարանը, 1990 թվականին՝ Երևանի պետական համալսարանի հայագիտական դասընթացները[1]։
1983-1994 թվականներին եղել է Կարիտաս միջազգային կազմակերպության շվեյցարական մասնաճյուղի թղթակից։ 1988 թվականին այցելել է Հայաստան, մասնակցել Շվեյցարիայի տրամադրած օգնության բաշխմանը երկրաշարժից տուժած շրջաններին։ 1994 թվականից եղել է Գալուստ Գյուլբենկյան հիմնադրամի հայկական բաժանմունքի փոխտնօրեն, 2012-2013 թվականներին` տնօրեն[1]։
Ստեղծագործություններ[խմբագրել | խմբագրել կոդը]
Հեղինակ է «Հայաստան, իմ արմատները» (ֆրանսերեն՝ 1993, հայերեն` 2004), «Գալուստ Սարգիս Կիւլպենկեան. Մարդը եւ իր գործը» (հայերեն, 1999), «Կյուլպենկյանը և Երուսաղեմը» (ֆրանսերեն, անգլերեն (The Gulbenkians in Jerusalem, Lisbon Chamkerten Astghik), պորտուգալերեն, 2006) գրքերի։
Պարգևներ[խմբագրել | խմբագրել կոդը]
- Հայ կաթողիկե եկեղեցու Սուրբ Մեսրոպ պատվո նշան (1998)
- Մեծի Տանն Կիլիկիո Ա. Սահակ-Մեսրոպ շքանշան (2003)
- Երուսաղեմի Լատինների պատրիարքության Սուրբ Հարության տաճարի ասպետուհի (2003)
- Երուսաղեմի Հայոց պատրիարքության Սրբոց Հակոբյանց պատվո նշան (2004)