Ասսիզի ( իտալերեն՝ Assisi), քաղաք և (կոմունա) Իտալիայում։ Տեղակայված է Ումբրիա մարզում, Պերուջա գավառում, Մոնտե Սուբազիո լեռան հարավային լանջին։ Ասսիզին հանդիսանում է Ֆրանցիսկյան միաբանության կրոնական գործունեության հայրենիքը։ Քաղաքի երկնային բարեխոսն է Ռուֆինուս Ասսիզեցի։ Օգոստոսի 12-ը Ասսիզի քաղաքի օրն է։
Assisium լատինական քաղաքը Սեքստոս Պրոպերցիոս բանաստեղծի և Ֆրանցիսկ Ասսիզեցի կաթոլիկ սրբի հայրենիքն է։ Վերջինս այստեղ կառուցել է իր միաբանության առաջին վանքը։ Այն կրում է Սակրո-Կոնվենտո անունը և համարվում է ֆրանցիսկյան միաբանության առաջնակարգ վանքերից մեկը։ Երկար ժամանակ եղել է միաբանների սեփականությունը, իսկ ներկայումս հոգևոր սեմինարիա է և համալսարան։