Առողջության դեղամիջոց

Վիքիպեդիայից՝ ազատ հանրագիտարանից
Առողջության դեղամիջոց
անգլ.՝ A Cure for Wellness
Երկիր ԱՄՆ
 Գերմանիա
Ժանրսարսափ ֆիլմ[1] և թրիլեր
Թվականփետրվարի 23, 2017[2][3], փետրվարի 17, 2017, 2016 և փետրվարի 16, 2017[4]
Լեզուանգլերեն
ՌեժիսորԳոռ Վերբինսկի[1][5][3]
ՊրոդյուսերԴևի Քրոքեթ, Արնոն Միլչեն և Գոռ Վերբինսկի
Սցենարի հեղինակՋասթին Հեյթ և Գոռ Վերբինսկի
ԴերակատարներԴեյն ԴեՀան[6], Ջեյսոն Այզեքս, Միա Գոթ, Սելիա Իմրի[7], Սյուզաննա Վյուստ[7], Ադրիան Շիլլեր[7], Judith Hoersch?[7], Յոհաննես Կրիշ[7], Ջեֆ Բարել[7], Գոդեհարդ Գիզ[7], Անետ Լոբեր[7], Axel Buchholz?[7], Հարրի Գրոներ[7], Կարլ Լամբլի և Մագնուս Կրեպեր
ՕպերատորԲոյան Բացելի
ԵրաժշտությունԲենջամին Ուոլֆիշ
ՄոնտաժPete Beaudreau?
Պատմվածքի վայրՆյու Յորք շրջան[8] և Շվեյցարիա[8]
Նկարահանման վայրՀոհենցոլեռն ամրոց
ԿինոընկերությունRegency Enterprises
Տևողություն146 րոպե
Պաշտոնական կայքէջ

«Առողջության դեղամիջոց» (անգլ.՝ A Cure for Wellness), ռեժիսոր Գոռ Վերբինսկու ամերիկյան հոգեբանական թրիլլերը, որը նկարահանվել է 2016 թվականին։ Ֆիլմի սցենարը հիմնված է Թոմաս Մանի «Կախարդական լեռը» (1924) վեպի վրա։ Գլխավոր դերերը կատարել են Դեյն ԴեՀանը, Ջեյսոն Այզեքսը և Միա Գոթը։ Ֆիլմը Միացյալ Նահանգների, Գերմանիայի և Լյուքսեմբուրգի համատեղ արտադրություն է[9]։ Միացյալ Նահանգների կինոթատրոններում պրեմիերան կայացել է 2017 թվականի փետրվարի 17-ին։

Սյուժե[խմբագրել | խմբագրել կոդը]

Նյու Յորքի խոշոր ֆինանսական ընկերություններից մեկում Լոքհարթ անունով աշխատակիցը, ընկերության գործերին առնչվող անհետաձգելի հանգամանքներով պայմանավորված, Շվեյցարական Ալպերում գտնվող առողջարանից հանձնարարություն է ստանում ուղեկցել դրա գլխավոր տնօրեն Պեմբրոկին։

Լոքհարթը ժամանում է առողջարան, սակայն հաստատության անձնակազմը և, հատկապես` դրա տնօրեն Հենրիխ Ֆոլմերն ամեն կերպ խոչընդոտում են նրա և շեֆի հանդիպմանը։ Լոկհարթը որոշում է դիմել ոստիկանություն, սակայն բժշկական կենտրոնից դուրս գալու ճանապարհին ավտովթարի է ենթարկվում և ուշքի է գալիս նույն տեղում, սակայն` ոտքի վրա գիպսային վիրակապով։

Համաձայնելով Ֆոլմերի առաջարկությունների հետ՝ Լոքհարթը որոշում է բուժման կուրս անցնել` բուժիչ ջրով «մաքրելով գիտակցությունը և մարմինը տոքսիններից»։ Լոքհարթն առողջարանում ծանոթանում է դրա հիվանդներից մեկի՝ Հաննայի հետ, ինչպես նաև եզրակացնում է, որ բուժվողների մեծ մասը հարուստ տարեց մարդիկ են, որոնք հանգիստ ժամանակ են անցկացնում և ջրային միջամտություններ են ընդունում։ Հիվանդներից մեկը՝ Վիկտորիա Ուոթկինսը, ինչպես նաև մոտակա քաղաքի բնակիչները, Լոքհարթին պատմում են հաստատության պատմությունը։ Այն կառուցվել է ամրոցի ավերակների վրա, որը 200 տարի առաջ պատկանում էր տեղի բարոնին։ Արիստոկրատական արյան մաքրությամբ տարված՝ վերջինս ամուսնացել է իր քրոջ հետ, բայց իմանալով նրա անպտղության մասին՝ սկսել է բուժման մեթոդներ փնտրել՝ մասնավորապես դիմելով տեղացի գյուղացիների նկատմամբ անմարդկային փորձերի, որոնք, ի վերջո, ապստամբել ու այրել են ամրոցը։

Լոքհարթն առողջարանում հայտնաբերում է փոխներարկման թևը, որտեղ հիվանդների նկատմամբ սարսափելի բժշկական փորձեր են կատարվում։ Նա նաև պարզում է, որ տեղական ջրային հորիզոնի ջուրը յուրահատուկ հատկություններ ունի. այն թունավոր է մարդու համար, բայց անվտանգ է պզուկների համար՝ վերջինիս վրա բուժիչ ազդեցություն ունենալով։ Ջուրը ֆիլտրվում է հիվանդների մարմինների միջոցով՝ «դեղամիջոց» ստեղծելու համար, որն ընդունում են Ֆոլմերը, Հաննան և այլ հիվանդներ։ Լոքհարթը, գիտակցելով, որ իրեն հարկադրաբար գերության մեջ են պահում, իսկ ոտքը կոտրված չէ, փորձում է փախչել առողջարանից, սակայն նրան բռնում է Ֆոլմերը։ Լոքհարթը մղձավանջային փորձարկումների է ենթարկվում, որոնք զրկում են նրան գիտակցությունից, ինչպես նաև Փեմբրոքից։ Հաննան տեսնում է նրա վիճակը և վերադարձնում բալետի պարուհու արձանիկը, որը Լոքհարթը նրան նվիրել էր ավելի վաղ՝ դրանով իսկ դուրս բերելով նրան զառանցանքի վիճակից։

Հաննան ունենում է առաջին դաշտանը։ Ֆոլմերը, հասկանալով, որ նա «կին» է դարձել, ամուսնանում է նրա հետ և այդ առթիվ կազմակերպում պարահանդես։ Նա Հաննային տանում է ամրոցի ավերակների վրա կառուցված գաղտնի սենյակ և նրան սեռական բռնության է ենթարկում։ Լոքհարթը դիմակայության մեջ է մտնում Ֆոլմերի հետ և հասկանում է, որ նա բազմադարյա բարոնն է, իսկ Հաննան նրա դուստրն է։ Առողջարանում Ֆոլմերի և Հաննայի բուժման շնորհիվ դանդաղել է նրանց օրգանիզմների ծերացման գործընթացը։ Լոքհարթի և Ֆոլմերի պայքարի ժամանակ պարզվում է, որ վերջինիս դեմքը դիմակ է, որը թաքցնում է սարսափելի այրվածքները։ Լոքհարթը վառում է Ֆոլմերին և ամրոցը, բայց Ֆոլմերը հաղթում է։ Հաննան փրկում է Լոքհարթին՝ սպանելով Ֆոլմերին։ Վերջինս ընկնում է օձաձկներով լի լողավազան։

Լոքհարթը և Հաննան հեծանիվով հեռանում են այրվող սպա կենտրոնից ։ Ճանապարհին նրանք ընդհարվում են Լոքհարթի գործատուների հետ, որոնք Նյու Յորքից ժամանել են Շվեյցարիա՝ նրան և Փեմբրոքին գտնելու համար։ Իմանալով վերջինիս մահվան մասին՝ աշխատակիցները փորձում են տանել Լոքհարթին, սակայն նա ի զորու չէ թողնել Հաննային և հեռանում է նրա հետ։

Դերերում[խմբագրել | խմբագրել կոդը]

  • Դեյն ԴեՀան՝ Լոքհարթ
  • Ջեյսոն Այզեքս՝ բժիշկ Հենրիխ Ֆոլմեր
  • Միա Գոթ՝ Հաննա
  • Ադրիան Շիլեր՝ տնօրենի տեղակալ
  • Հարրի Գրոներ՝ Փեմբրոք
  • Սելիա Իմրի՝ Վիկտորյա Ուոթկինս
  • Թոմաս Նորստրեմ՝ Ֆրանկ Հիլ
  • Աշոկ Մանդանա՝ Ռոն Նաիր
  • Իվո Նանդի՝ տաքսու վարորդ Էնրիկո
  • Մագնուս Կրեպեր՝ անասնաբույժ Փիթեր
  • Փիթեր Բենեդիկտ՝ ոստիկան
  • Հովհաննես Կրիշ՝ պահակ
  • Դևիդ Բիշինս՝ Հենկ Գրին
  • Կարլ Լամբլի՝ Ուիլսոն
  • Լիզա Բեյնս՝ Հոլիս
  • Քրեյգ Ռո՝ Մորիս
  • Ռեբեկա Սթրիթ՝ Լոքհարթի մայրը

Արտադրություն[խմբագրել | խմբագրել կոդը]

Հոհենցոլեռն ամրոցը, որտեղ նկարահանվել է ֆիլմը

2014 թվականի հոկտեմբերին Գոռ Վերբինսկին պատմել է «պարանոիդալ թրիլլեր» նկարահանելու մտադրության մասին, որի գլխավոր դերում խաղալու էր Սթիվ Կարելը։ Սցենարը գրելու համար ներգրավվել է Ջասթին Հեյսը, որի հետ Վերբինսկին նախկինում համագործակցել է «Միայնակ Ռենջերը» ֆիլմի նկարահանման հարթակում[10]։ Ֆիլմի աշխատանքներն սկսվել են 2015 թվականի մարտին, գերմանական կինոակազմակերպությունների աջակցությամբ[11][12]։ Վերբինսկու խոսքերով՝ Հեյսի հետ ֆիլմի մտահղացումն ստեղծվել է գերմանացի գրող Թոմաս Մանի «Կախարդական լեռը» վեպի ազդեցության ներքո, որտեղ ևս սյուժեի կենտրոնում Շվեյցարական Ալպերի առողջարան է[13]։

2015 թվականի ապրիլին հաղորդվել էր, որ ֆիլմում գլխավոր դերերը ստացել են Դեյն ԴեՀանը և Միա Գոթը[14]։ 2016 թվականի հունիսին դերասանական կազմին միացել է Ջեյսոն Այզեքսը[15]։

Ֆիլմի նկարահանումները կայացել են 2015 թվականի ամռանը[16] Պոտսդամի «Babelsberg» ստուդիայում[17]։ Տեսարանների մեծ մասը նկարահանվել է գերմանական Հոհենցոլեռն ամրոցում, որը գտնվում է Բիզինգեն կոմունայում։ Նկարահանող խմբի խնդրանքով դղյակը այցելուների համար փակվել է 2015 թվականի հուլիսի 13-24-ն ընկած ժամանակահատվածում։ Ֆիլմի մասերը նկարահանվել են նաև Սաքսոնիա-Անհալթում և Ցելե-Մելիսում[18]։ Հիվանդանոցի ինտերիերների մեծ մասի նկարահանումների համար օգտագործվել է Բելից-Հայլշտետենի լքված հոսպիտալը[19]։

Սաունդթրեք[խմբագրել | խմբագրել կոդը]

Ֆիլմի կոմպոզիտորը Բենջամին Ուոլֆիշն է[20]։ Հարցազրույցում Ուոլֆիշը կիսվել է կինոժապավենի վրա աշխատանքի մասին իր տպավորություններով՝ Վերբինսկիի հետ համագործակցությունը անվանելով «անհավանական և ոգեշնչող ճանապարհորդություն», իսկ ֆիլմը՝ «եզակի փորձ»[21]։ Սաունդթրեքը թողարկվել է Milan Records լեյբլի կողմից 2017 թվականի փետրվարի 17-ին[22]։ Ալբոմը քննադատների կողմից հիմնականում ստացել է դրական արձագանքներ, այն բնութագրել են որպես «գերազանց երաժշտություն բոլոր առումներով» (Movie Music UK)[20], իսկ նրա հետ կոմպոզիցիաները՝ «շատ գեղեցիկ և ջղագրգիռ» (CutPrintFilm)[21]:

# Անվանում Տևողություն
1. «Hannah and Wolmer»   4:34
2. «Nobody Ever Leaves»   1:49
3. «Bicycle»   1:59
4. «The Rite»   3:42
5. «Feuerwalzer»   3:44
6. «Magnificent, Isn't It»   2:11
7. «Actually I'm Feeling Much Better»   1:59
8. «Clearly He's Lost His Mind»   2:49
9. «Our Thoughts Exactly»   1:03
10. «Volmer Institut»   3:02
11. «Terrible Darkness»   3:18
12. «Lipstick»   4:21
13. «Waiting»   0:55
14. «Zutritt Verboten»   3:38
15. «There's Nothing Wrong With You People»   1:25
16. «Lockhart's Letter»   2:12
17. «Volmer's Lab»   3:32
18. «I Wanna Be Sedated»   4:38
49:53

Թողարկում և մարքեթինգ[խմբագրել | խմբագրել կոդը]

Միացյալ Նահանգներում ֆիլմի պրեմիերան կայացել է 2016 թվականի դեկտեմբերի 10-ին, Օստինում՝ «Butt-Numb-A-Thon» փառատոնի ժամանակ։ Կինոժապավենի թողարկումը կինոթատրոններում կայացել է 2017 թվականի փետրվարի 17-ին[23]։

«20th Century Fox» ստուդիայի թողարկած ֆիլմի թրեյլերները ակտիվորեն լուսաբանվել են զանգվածային լրատվամիջոցներում, մասնավորապես այն տեսարանի պատճառով, որտեղ Միա Գոթի հերոսուհին օձաձկներով լի լոգարանում էր[24][25]։ 2017 թվականի փետրվարի 5-ին՝ Սուպերբոուլի օրը, Միացյալ Նահանգներում ցուցադրվել է ֆիլմի հեռուստատեսային հոլովակը, որը «New York» ամսագրի կողմից նկարագրվել է որպես «բուժման նոր սարսափելի մեթոդի բժշկական գովազդ»[26]։

Ֆիլմի պրեմիերայից երկու օր առաջ «20th Century Fox»-ը կեղծ լրատվական կայքեր է ստեղծել վիրուսային մարքեթինգային արշավի շրջանակներում, որոնց թվում եղել են Շվեյցարիայի առողջարանային կենտրոնում Դոնալդ Թրամփի և Վլադիմիր Պուտինի գաղտնի հանդիպման մասին հաղորդումներ[27] և վիճելի թեմաներ, ինչպիսիք են հոգեկան առողջությունը և պատվաստումը[28]։ Ավելի ուշ ստուդիան ներողություն է խնդրել իր գործողությունների համար[27]։

Գնահատականներ[խմբագրել | խմբագրել կոդը]

Ֆիլմը քննադատների կողմից ընդունվել է ոչ միանշանակ։ «Rotten Tomatoes» կայքում գնահատականը կազմում է 42 %՝ 5,3/10 միջին վարկանիշով՝ հիմնված 201 գրախոսության վրա[29]։ «Metacritic»-ի կայքում ֆիլմը ստացել է 100-ից 47 միավոր՝ հիմնված 40 արձագանքների վրա[30]։ «Cinemascore» կայքի կողմից հարցված հեռուստադիտողները ֆիլմին միջին հաշվով գնահատական՝ C+, են տվել՝ ըստ A+- F սանդղակի[31]։ Որպես ժապաների առավելություններ են նշվել տեսողական էֆեկտները («Los Angeles Times»-ից Ջասթին Չանգը[32]), սարսափելի մթնոլորտը (Թայմից Ստեֆանի Զախարեկը[33]), դերասանական խաղը, իսկ թերություններից էին ձգձգվածությունը («The Hollywood Reporter»-ից Թոդ ՄաքՔարթին), սյուժեն, ցնցող տեսարանները[34]։ Միաժամանակ որոշ քննադատներ նշել են ֆիլմում «լավկրաֆտովյան» տարրերի առկայությունը[35][36]։

«Variety»-ից Փիթեր Դեբրյուժը գրել է, որ եզրափակիչ իրադարձությունների բացատրությունը «խիստ հիասթափեցնող է», նրա կարծիքով՝ դա «անճաշակ կլիշե է», որը վերապատմվել է այնպիսի կինոնկարներից, ինչպիսիք են «Օպերայի ուրվականը» և «Սարսափելի բժիշկ Ֆայբսը»[37]։

«LA Weekly»-ից Էյփրիլ Վուլֆը ֆիլմի ոճը համեմատել է Սթենլի Կուբրիկի կուլտային «Փայլատակում» և Լյուսիլ Աձիալիլովիչի «Էվոլյուցիա» ֆիլմերի հետ[38]։

«TheWrap»-ից Ալոնսո Դյուրալդեն բարձր է գնահատել ֆիլմի դիզայնը, սակայն քննադատել է դրա պատմությունը, ինչպես նաև` Վերբինսկու` «չափի զգացողության» բացակայությունը. «Քանի դեռ ֆիլմը նվիրված է այն մարդկանց, որոնք ուրախ են հեռու մնալ աշխարհից՝ չհասկանալով, որ նրանք ներգրավված են իսկապես սարսափելի մի բանի մեջ, հանդիսատեսից շատերը կցանկանան դուրս գալ դիտումից»[39]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 http://www.imdb.com/title/tt4731136/
  2. ↑ Internet Movie Database — 1990.
  3. ↑ 3,0 3,1 filmportal.de — 2005.
  4. ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
  5. ↑ http://www.filmaffinity.com/es/film454394.html
  6. ↑ http://www.imdb.com/title/tt4731136/fullcredits
  7. ↑ 7,00 7,01 7,02 7,03 7,04 7,05 7,06 7,07 7,08 7,09 ČSFD (չեխերեն) — 2001.
  8. ↑ 8,0 8,1 A Cure for Wellness — 2017.
  9. ↑ «A Cure for Wellness (2017)». British Film Institute. Վերցված է 2018 թ․ մարտի 15-ին.
  10. ↑ Fleming Jr, Mike (7 октября 2014). «Steve Carell And Gore Verbinski Team For Paranoid Thriller At New Regency». Deadline.com. Վերցված է 2015 թ․ հունիսի 8-ին.
  11. ↑ «DFFF Aktuell». Deutscher Filmförderfonds. Արխիվացված է օրիգինալից 2016 թ․ ապրիլի 22-ին. Վերցված է 2016 թ․ ապրիլի 8-ին.
  12. ↑ Meldungen, Alle (19 августа 2015). «Ministerpräsident Woidke am Set des Films "A Cure for Wellness"». Medienboard Berlin-Brandenburg. Արխիվացված է օրիգինալից 2017 թ․ հունվարի 13-ին. Վերցված է 2016 թ․ ապրիլի 9-ին.
  13. ↑ Han, Angie. (21 декабря 2016). «Interview: Gore Verbinski on Returning to Horror With "A Cure for Wellness"». /Film. Վերցված է 2017 թ․ մարտի 2-ին.
  14. ↑ Ford, Rebecca (8 апреля 2015). «Dane DeHaan, Mia Goth Joining Gore Verbinski's 'A Cure for Wellness' (Exclusive)». The Hollywood Reporter. Վերցված է 2015 թ․ հունիսի 8-ին. {{cite news}}: More than one of |author= and |last= specified (օգնություն)
  15. ↑ Kit, Borys (2 июня 2015). «Jason Isaacs to Play Villain in Gore Verbinski's Supernatural Horror Movie (Exclusive)». The Hollywood Reporter. Վերցված է 2015 թ․ հունիսի 8-ին.
  16. ↑ «On the Set for 6/22/15: Spielberg's 'The BFG' Wraps Along with 'Teenage Mutant Ninja Turtles' Sequel, Woody Harrelson Starts 'Wilson'». Ssninsider.com. 22 июня 2015. Արխիվացված է օրիգինալից 2015 թ․ հունիսի 27-ին. Վերցված է 2015 թ․ հուլիսի 6-ին.
  17. ↑ Haase, Jana (22 февраля 2017). «PNN: «A Cure For Wellness» — Auftrag mit Gruselfaktor für Babelsberger Kulissenbauer». pnn.de. Արխիվացված է օրիգինալից 2017 թ․ փետրվարի 25-ին. Վերցված է 2019 թ․ սեպտեմբերի 2-ին.
  18. ↑ Brenner, Julia. (25 июня 2015). «Regisseur Gore Verbinski dreht Horrorfilm auf Burg Hohenzollern». Schwarzwälder Bote. Վերցված է 2019 թ․ սեպտեմբերի 2-ին.
  19. ↑ Minton, Melissa. (14 февраля 2017). «How A Cure for Wellness Marries Horror and Beauty in Set Design». Architectural Digest. Վերցված է 2017 թ․ փետրվարի 21-ին.
  20. ↑ 20,0 20,1 Braxton, Jonathan. (2017 թ․ փետրվարի 21). «A CURE FOR WELLNESS – Benjamin Wallfisch». MOVIE MUSIC UK. Վերցված է 2017 թ․ հուլիսի 26-ին.
  21. ↑ 21,0 21,1 Philips, Patrick. (2017 թ․ հունվարի 26). «Soundtrack Listening: 'A Cure For Wellness'». CutPrintFilm. Վերցված է 2017 թ․ հուլիսի 26-ին.
  22. ↑ «A Cure For Wellness - original music by Benjamin Wallfisch - Milan Records». Milan Records. Վերցված է 2017 թ․ հուլիսի 26-ին.
  23. ↑ Lincoln, Ross. (27 мая 2016). «'Maze Runner: The Death Cure' Release Moved To 2018 As Dylan O'Brien Recovers». Deadline.com. Վերցված է 2017 թ․ հուլիսի 16-ին.
  24. ↑ Puchko, Kristy. (17 февраля 2017). «Mia Goth Explains Cure for Wellness' 'Eels in the Tub' Scene». Screen Rant. Վերցված է 2017 թ․ հուլիսի 16-ին.
  25. ↑ Nordine, Michael. (13 декабря 2016). «'A Cure for Wellness' Trailer: Mia Goth Contends with a Bathtub Full of Snakes». IndieWire. Վերցված է 2017 թ․ հուլիսի 16-ին.
  26. ↑ Barrie, Emma (5 февраля 2017). «A Cure for Wellness Super Bowl Spot Tricks You and Then Scares You». Vulture. Վերցված է 2018 թ․ մարտի 16-ին.
  27. ↑ 27,0 27,1 «Кинокомпания Fox извинилась за фейковые новости о Трампе и Путине». РИА Новости. 17 февраля 2017. Վերցված է 2019 թ․ սեպտեմբերի 2-ին.
  28. ↑ Stack, Liam. (15 февраля 2017). «20th Century Fox Used Fake News to Publicize 'A Cure for Wellness'». The New York Times. Վերցված է 2017 թ․ փետրվարի 22-ին.
  29. ↑ «A Cure for Wellness (2017)». Rotten Tomatoes. Վերցված է 2017 թ․ հուլիսի 16-ին.
  30. ↑ «A Cure for Wellness reviews». Metacritic. Վերցված է 2017 թ․ փետրվարի 22-ին.
  31. ↑ «CinemaScore». Cinemascore.com. Վերցված է 2018 թ․ մարտի 15-ին.
  32. ↑ Chang, Justin (16 февраля 2017). «The mad puzzle of Gore Verbinski's 'A Cure for Wellness'». Los Angeles Times. Վերցված է 2018 թ․ մարտի 15-ին.
  33. ↑ Zacharek, Stephanie (17 февраля 2017). «Review: A Cure for Wellness Offers Up Chills, Pills and Spills». Time. Վերցված է 2019 թ․ սեպտեմբերի 2-ին.
  34. ↑ McCarthy, Todd (7 февраля 2017). «'A Cure for Wellness': Film Review». The Hollywood Reporter. Վերցված է 2019 թ․ սեպտեմբերի 2-ին.
  35. ↑ Sims, David. (15 февраля 2017). «'A Cure for Wellness' Is a Malevolent Thrill Ride, With Eels». The Atlantic. Վերցված է 2017 թ․ մարտի 19-ին.
  36. ↑ Miska, Brad. (20 декабря 2016). «The 'A Cure For Wellness' Trailer is a Lovecraftian Nightmare». Bloody Disgusting!. Վերցված է 2017 թ․ մարտի 19-ին.
  37. ↑ Debruge, Peter (7 февраля 2017). «Film Review: 'A Cure for Wellness'». Variety. Վերցված է 2019 թ․ սեպտեմբերի 2-ին.
  38. ↑ Wolfe, April (9 февраля 2017). «A Cure for Wellness Starts Creepy but Then Swoons — and Never Recovers». LA Weekly. Վերցված է 2019 թ․ սեպտեմբերի 2-ին.
  39. ↑ Duralde, Alonso. (14 февраля 2017). «'A Cure for Wellness' Review: Sludgy Horror Film Mistakes Art Direction for Suspense». TheWrap. Վերցված է 2017 թ․ փետրվարի 8-ին.

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Առողջության_դեղամիջոց&oldid=9865691» էջից