Առաջին համաշխարհային պատերազմի հերոսների հուշարձան (Դոնի Ռոստով)
- Անվան այլ կիրառումների համար տե՛ս՝ Առաջին համաշխարհային պատերազմի հերոսների հուշարձան (այլ կիրառումներ)
Առաջին համաշխարհային պատերազմի հերոսների հուշարձան | |
---|---|
Տեսակ | հուշարձան |
Ստեղծում | 2014 |
Բարձրություն | 3,5 մետր |
Երկիր | Ռուսաստան |
Բնակավայր | Դոնի Ռոստով |
Նյութ | բրոնզ |
Ներկա վիճակ | կանգուն |
Առաջին համաշխարհային պատերազմի հերոսների հուշարձան (ռուս.՝ Памятник героям Первой мировой войны), Ռուսական կայսերական բանակի` Առաջին համաշխարհային պատերազմին մասնակցած զինվորներին ու սպաներին նվիրված կոթողներից մեկը ՌԴ Դոնի Ռոստով քաղաքում։ Տեղադրվել է 2014 թվականին։ Գտնվում է Կրասնոարմեյսկայա փողոցի և Խալտուրինի նրբանցքի խաչմերուկի պուրակում՝ Պիոներական առաջին հավաքի անվան զբոսայգու արևմտյան մասում։
Պատմություն[խմբագրել | խմբագրել կոդը]
2014 թվականը դարձավ Առաջին համաշխարհային պատերազմը սկսվելու 100-ամյակի տարի։ Այդ պատերազմին ակտիվ մասնակցել է նաև Ռուսաստանը, որը վարել է ռազմական գործողություններ երկրի Արևելյան ճակատում։ 1917 թվականին, առաջին հերթին ներքին ցնցումների պատճառով, վիճակը ճակատում Ռուսաստանի համար դարձավ ծայրահեղ ծանր, և 1918 թվականի մարտին իշխանության եկած բոլշևիկները կնքեցին ծայրահեղ ծանր պայմաններով հաշտության պայմանագիր։ Բուն պատերազմը ԽՍՀՄ-ում անվանում էին «իմպերիալիստական» և անարդար[1], ուստի նրա իրադարձություններին իշխանությունների կողմից չափազանց քիչ ուշադրություն էր դարձվում։
Այդ նշանակալի իրադարձության 100-ամյակը մեծապես արթնացրեց Ռուսաստանի հանրային հետաքրքրությունը պատերազմի մասին հիշատակը հավերժացնելու հարցում։ 2014 թվականին ամբողջ երկրում տեղի ունեցան տվյալ թեմայով մի շարք մշակութային և գիտական միջոցառումներ[2]։
Դոնի Ռոստովում հուշարձաններ տեղադրելու հատուկ հանձնաժողովը քննեց նախանմուշի երեք տարբերակ[3]։ Արդյունքում ընտրվեց Ռուսաստանի վաստակավոր նկարիչ Սերգեյ Իսակովի աշխատանքը[4]։ Պատրաստելու և տեղադրելու ծախսերը ստանձնեց Ռոստովի մարզի առևտրաարդյունաբերական պալատը։
Բացում[խմբագրել | խմբագրել կոդը]
Առաջին համաշխարհային պատերազմի հերոսների հուշարձանը բացվել է 2014 թվականի օգոստոսի 1-ին` Ռուսաստանի պատերազմ մտնելու օրը։ Հանդիսավոր բացումը տեղի ունեցավ Ռոստովի քաղաքապետի, քաղաքային վարչակազմի ներկայացուցիչների, տեղական կազակության մասնակցությամբ[4]։
Հուշարձան[խմբագրել | խմբագրել կոդը]
Հուշարձանն ունի զինվորական համազգեստով և ուսին հրացանով 3,5-մետրանոց բրոնզե զինվորի կերպար[4]։
Այլ հուշարձաններ[խմբագրել | խմբագրել կոդը]
Ռոստովի մարզում տեղադրվել է ևս մի քանի հուշարձան` նվիրված Առաջին աշխարհամարտի հերոսներին. Ազովում, Շախտիում, Նովոչերկասկում, Բատայսկում և մի քանի այլ բնակավայրերում[5]։
Ծանոթագրություններ[խմբագրել | խմբագրել կոդը]
- ↑ «Глава двенадцатая. Марксизм-ленинизм о войне | Проект «Исторические Материалы»». istmat.info. Արխիվացված է օրիգինալից 2016 թ․ դեկտեմբերի 14-ին. Վերցված է 2017 թ․ հունվարի 25-ին.
- ↑ Прокопенко, В. «МОЁ СЕДОВО - АЗОВСКОЕ МОРЕ - В Ростове открыт памятник героям Первой мировой войны» (ռուսերեն). Արխիվացված է օրիգինալից 2017 թ․ փետրվարի 27-ին. Վերցված է 2017 թ․ հունվարի 25-ին.
- ↑ «В Ростове установят памятник героям Первой мировой войны». www.rostov.aif.ru. Վերցված է 2017 թ․ հունվարի 25-ին.
- ↑ 4,0 4,1 4,2 «К 100-летию Первой мировой войны в Ростове-на-Дону открыли памятник героям работы члена ИППО Сергея Исакова | www.ippo.ru». www.ippo.ru. Վերցված է 2017 թ․ հունվարի 25-ին.
- ↑ «На Дону открыли третий памятник героям Первой мировой войны - ИА REGNUM». ИА REGNUM (ռուսերեն). Վերցված է 2017 թ․ հունվարի 25-ին.