Ապոլլոնիոս Դիսկոլոս

Ապոլլոնիոս Դիսկոլոս;
Ծնվել է	2-րդ դար
Ծննդավայր	Ալեքսանդրիա, Հռոմեական կայսրություն
Մահացել է	2-րդ դար
Մահվան վայր	Ալեքսանդրիա, Հռոմեական կայսրություն
Երկեր	On syntax?
Մասնագիտություն	քերական
Երեխաներ	Aelius Herodianus?

Ապոլլոնիոս Դիսկոլոս (հունարեն՝ Απολλώνιος ο Δύσκολος, 2-րդ դար, Ալեքսանդրիա, Հռոմեական կայսրություն - 2-րդ դար, Ալեքսանդրիա, Հռոմեական կայսրություն), 2-րդ դարի հույն քերական, հունարենի շարահյուսության հիմնադիր։ Հարել է Ալեքսանդրյան քերականական դպրոցին։ Առանձնապես հայտնի է «Շարահյուսության մասին» աշխատությամբ։

Շարահյուսական հարցերը քննել է ըստ խոսքի մասերի, մեկ առ մեկ խոսել դրանց կապակցության և գործածության մասին։

Ապոլլոնիոս Դիսկոլոսը առաջին անգամ գործածության մեջ է մտցրել «համաձայնություն» տերմինը՝ դրա տակ հասկանալով խոսքի մասերի կապակցության եղանակների ամբողջությունը։

Առանձնացրել է 8 խոսքի մաս, որոնք սահմանել է իմաստային-տրամաբանական հիմունքով։ Բառակապակցությունների մեջ կենտրոնական տեղ է հատկացրել անվանը և բային։ Ըստ Ապոլլոնիոս Դիսկոլոսի՝ անունը և դերանունն իրարից տարբերվում են նրանով, որ առաջինն արտահայտում է առարկայի որակը, երկրորդը՝ էությունը։

Գրականություն

Ջահուկյան Գ., Լեզվաբանության պատմություն, հատոր 1, Ե., 1960 թվական, էջ 87—90։
Добиаш А., Синтаксис Аполлония Дискола, Киев, 1882 год։

Արտաքին հղումներ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 511)։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։