Աուշրա Մալդեյկենե

Վիքիպեդիայից՝ ազատ հանրագիտարանից
Աուշրա Մալդեյկենե
 
Կուսակցություն՝ Order and Justice?
Կրթություն՝ ՄՊՀ տնտեսագիտության ֆակուլտետ և Վիլնյուսի համալսարան
Գիտական աստիճան՝ փիլիսոփայության դոկտոր և տնտեսագիտական գիտությունների թեկնածու
Մասնագիտություն՝ տնտեսագետ, քաղաքական գործիչ և լրագրող
Դավանանք կաթոլիկություն
Ծննդյան օր հունիսի 4, 1958(1958-06-04) (64 տարեկան)
Ծննդավայր Պալանգա, Լիտվական ԽՍՀ, ԽՍՀՄ
Քաղաքացիություն Flag of Lithuania.svg Լիտվա
Ամուսին Eugenijus Maldeikis?
 
Կայք՝ maldeikiene.lt

Աուշրա Սեյբուտիտե Մալդեյկենե (լիտ.՝ Aušra Seibutytė-Maldeikienė, հունիսի 4, 1958(1958-06-04), Պալանգա, Լիտվական ԽՍՀ, ԽՍՀՄ), լիտվացի պետական գործիչ, քաղաքագետ, տնտեսագետ, մանկավարժ և գրող։ Լիտվայի Սեյմի 2016-2019 թվականների անդամ։ Եվրոպական խորհրդարանի անդամ 2019 թվականից[1]։

Կենսագրություն[խմբագրել | խմբագրել կոդը]

1976 թվականին ավարտել է Վիլնյուսի Անտանաս Վենուոլիսի անվան միջնակարգ դպրոցը (այժմ Վիտովտ Մեծի անվան միջնակարգ դպրոց)։ Ընդունվել է Վիլնյուսի Վինցաս Միցկյավիչուս-Կապսուկասի անվան պետական համալսարանի տնտեսագիտական համալսարանը, այնուհետև ուսանել է Մոսկվայի պետական համալսարանի տնտեսագիտության ֆակուլտետում՝ ավարտելով այն 1982 թվականին։ Ստացել է «տնտեսագետի, քաղաքատնտեսության դասավանդողի» որակավորում։ 1982-1984 թվականներին դասավանդել է Վիլնյուսի պետական համալսարանում և Լիտվայի գյուղատնտեսական ակադեմիայում։ 1984-1987 թվականներին եղել է Մոսկվայի պետական համալսարանի ասպիրանտ։ Գիտությունների թեկնածուի դիսերտացիան պաշտպանել է «Սոցիալիզմի հիմնական տնտեսական օրենքը ինտենսիվ տնտեսության պայմաններում»՝ ստանալով տնտեսական գիտությունների թեկնածուի աստիճան (Լիտվայի կրթական համակարգի համաձայն հասարակագիտական փիլիսոփայության դոկտոր)։ 2007 թվականին Վիլնյուսի համալսարանի ուսումնասիրությունների կենտրոնում դարձել է կրոնագիտության մագիստրոս։

1987 թվականից դասախոսություններ է կարդացել Լիտվայի անասնաբուժական ակադեմիայում։ 1990 թվականից «Լետուվոս ռիտաս» թերթի լրագրող է։ 1993-1997 թվականներին եղել է SEB bankas Վիլնյուսի բանկի PR բաժնի նախագահ, 1997-2000 թվականներին եղել է Baltic News Service բիզնես նորությունների տեղեկատվական գործակալության գլխավոր խմբագիրը։ 1999-2003 թվականներին եղել է Վիլնյուսի միջազգային բիզնես դպրոցի դասախոս (այժմ Վիլնյուսի համալսարանի բիզնես դպրոց)։ 1999-2000 թվականներին մասնակցել է Օքսֆորդի համալսարանի Գրին Թեմպլթոն քոլեջի լրագրության դասընթացին։ Վիլնյուսի Հիսուսի միաբանության դպրոցում տնտեսագիտություն է դասավանդել 2001-2013 թվականներին, 2004-2016 թվականներին եղել է Վիլնյուսի համալսարանի մաթեմատիկայի և ինֆորմատիկայի ֆակուլտետի տնտեսաչափական վերլուծության ամբիոնի վարիչ։

Աուշրա Մալդեյկենեն տնտեսագիտության դպրոցական դասագրքերի հեղինակ է, նաև գրել է տնտեսագիտության, ֆինանսների և բիզնեսի մասին գրքեր։ Օտարերկրյա հեղինակներից լիտվերեն է թարգմանել ութ գիրք, սակայն ճանաչման է հասել իր «Ստի տնտեսություն» գրքով, որտեղ լիտվական տնտեսությունը համեմատել է խորհրդայինի հետ և առաջ է քաշել տեսակետ, որ խորհրդային տնտեսական համակարգը «կոտրվել է» ԽՍՀՄ անկումից մոտավորապես քառորդ դար առաջ, և որ Լիտվան կարող է կրկնել դա, երբ դադարեցվի Եվրամիությունից ֆինանսական ներհոսքը[2]։ Գիրքը բեսթսելլեր է դարձել Լիտվայում[3]։ Եղել է «Կարգուկանոն և արդարացիություն» կուսակցության անդամ, 2009 թվականին Եվրոպական խորհրդարանում փորձել է անցնել Քաղաքացիական դեմոկրատական կուսակցությանը։ 2015 և 2016 թվականներին տեղական և խորհրդարանական ընտրություններում առաջադրվել է «Լիտվական ցուցակի» կողմից։

2015 թվականին ընտրվել է Վիլնյուսի քաղաքային խորհրդում։ 2016 թվականին ընտրվել է Սեյմում Ժիրմունայի կողմից (Վիլնյուսի շրջան)։ Եղել է անկուսակցական պատգամավորների ֆրակցիայի նախագահի տեղակալ, եվրոպական գործերի կոմիտեի նախագահի տեղակալ, աուդիտի կոմիտեի անդամ, Ազատության մրցանակի կոմիտեի անդամ, սահմանական կարողությունների տեր անձանց իրավունքների կոմիտեի անդամ[4]։ Այդ նույն թվականին հայտնվել է սկանդալի կենտրոնում՝ մեղադրելով վարչապետ Ալգիրդաս Բուտկյավիչյուսին դոկտորական աշխատանքում մասնագիտական կարողությունների բացակայության մեջ[5]։

2018 թվականի հունիսին Աուշրա Մալդեյկենեն հայտարարել է 2019 թվականի նախագահական ընտրություններին մասնակցության մասին՝ առաջ քաշելով 95 կետով ծրագիր[6]։ Մալդեյկենեն նաև առաջարկել է քվեարկել Ինգրիդա Շիմոնիտեին։ Սակայն 2019 թվականի փետրվարին Մալդեյկենեն հանել է իր թեկնածությունը, քանի որ չի կարողացել բավարար ժամանակ հատկացնել դեբատներին[7]։ Իր կայքում նա սկսել է հրապարակել մյուս թեկնածուների նախընտրական ընկերությունների մասին, հայտարարել է, որ մասնակցելու է Եվրոպական խորհրդարանի ընտրություններին «Աուշրա Մալդեյկենեի գնացք» քաղաքացիական կոմիտեի կողմից[8]։

Անձնական կյանք[խմբագրել | խմբագրել կոդը]

Կաթոլիկ է։ Ամուսնացած է եղել Էուգենիյուս Մալդեյկիսի հետ, որը տնտեսության նախկին նախարար է, Սեյմի անդամ, Եվրոպական խորհրդարանի և Վիլնյուսի քաղսովետի պատգամավոր[9][10]։ Որդիներն են Մատասը (1980) և Միկոլասը (1987)։

Բացի իր մայրենի լիտվերենը՝ Մալդեյկենեն խոսում է անգլերեն և ռուսերեն, լավ գիտի նաև ֆրանսերեն[11]

Մատենագրություն[խմբագրել | խմբագրել կոդը]

  • Metodinės rekomendacijos V. Lenino veikalui „Imperializmas kaip aukščiausioji kapitalizmo stadija“ studijuoti / A. Maldeikienė, E. Maldeikis. – V., 1984. – 37 p.
  • Socializmo politinės ekonomijos klausimai Marksizmo leninizmo klasikų darbuose: metodinės rekomendacijos studentams / Eugenijus Maldeikis, Aušra Maldeikienė, Nina Klebanskaja. – Vilnius, 1985. – 96 p.
  • Ekonominis visuomenės gyvenimas; Visuomenė ir kultūra / Jonas Balčius, Liutauras Degėsys, Česlovas Kalenda, Aušra Maldeikienė, Eugenijus Maldeikis, Saulius Pečiulis, Vytautas Radžvilas, Stasys Venskevičius. – Vilnius, 1989. – 103 p. – ISBN 5-430-00917-2
  • Išmokite skaičiuoti savo pinigus. – Vilnius: Tyto alba, 2002. – 285 p. – ISBN 9986-16-253-X
  • Ekonomika: mokytojo sąsiuvinis 9-10 klasėms. – Vilnius: Tyto alba, 2003. – 99 p.: iliustr. – ISBN 9986-16-300-5
  • Ekonomika: vadovėlis 9-10 klasėms. – Vilnius: Tyto alba, 2003. – 175 p.: iliustr. – ISBN 9986-16-297-1
  • Ekonomika: pratybų sąsiuvinis 9-10 klasėms. – Vilnius: Tyto alba, 2003. – 61 p. – ISBN 9986-16-301-3
  • Ekonomika: vadovėlis 11-12 klasėms. – Vilnius: Tyto alba, 2004. – 174 p.: iliustr. – ISBN 9986-16-353-6
  • Išmokite skaičiuoti savo pinigus. – 2-asis leidimas. – Vilnius: Tyto alba, 2005. – 388 p.: iliustr. – ISBN 9986-16-459-1
  • Verslas – ne vaikų žaidimas? / iliustr. Daiva Kairevičiūtė. – Vilnius: Žara, 2008. – 64 p.: iliustr. – ISBN 978-9986-34-197-0
  • Ekonomikos pradmenys: vadovėlis 9-10 klasėms. – Vilnius: Tyto alba, 2010. – 183 p.: iliustr. – ISBN 978-9986-16-765-5
  • Melo ekonomika: publicistika. – Vilnius: Alma littera, 2013. – 269 p. – ISBN 978-609-01-1161-1

Ծանոթագրություններ[խմբագրել | խմբագրել կոդը]

  1. ↑ [1] EP NARIAI IŠ LIETUVOS | Europos Parlamento nariai | Europos parlamento Biuras Lietuvoje. Retrieved 21 July 2019.
  2. ↑ Аушра Мальдейкене: Литовскую экономику ждет новый «пузырь» (ռուս.)
  3. ↑ «Critical of Lithuania's crybaby businessmen»։ The Baltic Times։ Վերցված է մարտի 27, 2019 
  4. ↑ [2]. Aušra Maldeikienė - members of the Seimas. Retrieved 27 March 2019.
  5. ↑ Диссертации литовских политиков подрывают основы постсоветской Литвы (ռուս.)
  6. ↑ Aušra Maldeikienė - Lietuvos Respublikos Prezidento rinkimai 2019 Archived 2019-05-21 at the Wayback Machine.. Retrieved 27 March 2019.
  7. ↑ Aušra Maldeikienė traukiasi iš kovos dėl prezidento posto - DELFI. Retrieved 27 March 2019
  8. ↑ A.Maldeikienė mėgins sukti į Europos parlamentą Alfa.lt . Retrieved 27 March 2019
  9. ↑ «Aušra Maldeikienė - apie skaudžią apsisprendimo kainą ir sutuoktinio žodžius»։ DELFI։ Վերցված է մարտի 27, 2019 
  10. ↑ «Skiriasi Aušra Maldeikienė: santuoka su Eugenijumi Maldeikiu truko 38 metus»։ 15min.lt։ Վերցված է մարտի 27, 2019 
  11. ↑ «Aušra Maldeikienė - Seimas»։ Վերցված է հուլիսի 21, 2019 
 ⛭ 
  Թեմատիկ կայքեր
Չափորոշչային վերահսկողություն
Ստացված է «https://hy.wikipedia.org/w/index.php?title=Աուշրա_Մալդեյկենե&oldid=8434391» էջից