Աշրաֆիա

Բնակավայր
Երկիր	Լիբանան
	Աշրաֆիա (Լիբանան)
	Աշրաֆիա (Լիբանան)
	Աշրաֆիա Վիքիպահեստում

Աշրաֆիան (արաբ․՝ الأشرفية‎‎), Բեյրութի հնագույն քրիստոնեական շրջաններից մեկն է։ Գտնվում է Բեյրութի արևելյան մասում, ծովափի մոտ^[1]։ Աշրաֆիային բնորոշ են ծուռումուռ փողոցները, փոքրիկ սրճարանները, բնակելի և գրասենյակային շքեղ շենքերը։ Այն համարվում է ներդրումների և զբոսաշրջության՝ լիբանանյան կենտրոններից մեկը։

Պատմություն[խմբագրել | խմբագրել կոդը]

Մինչև 1930-ական թվականները Աշրաֆիան հիմնականում բաղկացած էր գյուղատնտեսական հողերից, որոնք դարեր շարունակ յոթ հույն ուղղափառ ընտանիքների սեփականությունն էին։ Նրանք ներկայացրել են Բեյրութի բարձր հասարակությունը՝ ունենալով մեծ տնտեսական ազդեցություն և հասարակական կշիռ։ Սիրիայի և Լիբանանի ֆրանսիական մանդատին ենթարկվող լիբանանյան կառավարությունը ստիպել է նրանց վաճառել իրենց հողերը ճանապարհների և մայրուղիների շինարարության համար։

Աշրաֆիայում են գտնվում Բեյրութի տեսարժան վայրերը՝ Սասինի հրապարակը, որ Լիբանանի մայրաքաղաքի քաղաքական, սոցիալական և կոմերցիոն հիմնական կենտրոններից մեկն է, Սուրբ Նիկողայոս Զմյուռնացու Մայր տաճարը^[2], Սուրբ Մարոնի Մայր տաճարը, Աշրաֆյան աշտարակը, Յարեդ Բիլդինգը և այլն։

Լիբանանի քաղաքացիական պատերազմի ժամանակ ռումբերով և հրթիռներով ոչնչացվել է Աշրաֆիայի ճարտարապետական ժառանգության զգալի մասը։ Չնայած պատերազմի ավարտին՝ պատմական ժառանգության ոչնչացումը շարունակվում է ժամանակակից բարձրակարգ շենքերի կառուցման նպատակով։ Քաղաքացիական պատերազմի տարիներին շրջանը համարվել է քրիստոնյաների գլխավոր հենակետերից մեկը Բեյրութում, այնտեղ տեղադրված են եղել մեծ թվով զինվորական ուժեր։

Աշրաֆիայի նշանավոր մարդիկ[խմբագրել | խմբագրել կոդը]

Բաշիր Ժմայել, Լիբանանի նախագահներից մեկը, որ սպանվել է Աշրաֆիայում Սիրիաական ուժերի կողմից։
Ժպրան Թուեյնի, «Ան-Նահար» օրաթերթի նախկին խմբագիր և հրատարակող, որ սպանվել է սիրիական ուժերի կողմից։
Նայլա Թուեյնի, «Ան-Նահար» օրաթերթի հրատարակող և խորհրդական ժողովի անդամ։
[[Ջո Կուտեի], դերասան և բեմադրիչ։
Նենսի Աջրամ, երգչուհի։
Սամիր Ասաֆ, HSBC-ի գլոբալ բանկային ծառայությունների և շուկաների գծով գլխավոր գործադիր տնօրեն^[3]։