Աշոտ Ղազարյան (գնդապետ)

Աշոտ Ղազարյան
հունվարի 18, 1974(1974-01-18) - հոկտեմբերի 16, 2020(2020-10-16) (46 տարեկան)
Ծննդավայր	Հադրութ
Մահվան վայր	Հադրութի շրջան, Արցախ
Գերեզման	Եռաբլուր
Քաղաքացիություն	Հայաստան
Կոչում	գնդապետ
Պարգևներ

Աշոտ Սերժիկի Ղազարյան (հունվարի 18, 1974(1974-01-18), Հադրութ - հոկտեմբերի 16, 2020(2020-10-16), Հադրութի շրջան, Արցախ), հայ զինվորական, N զորամասի հրամանատարի տեղակալ, գնդապետ։

Կենսագրություն

Աշոտ Ղազարյանը ծնվել է 1974 թվականի հունվարի 18-ին Հադրութում։ Հետագայում նրա ընտանիքը տեղափոխվել է Երևան։ Աշոտը սովորել է Երևանի թիվ 95 միջնակարգ դպրոցում, որն ավարտելուց հետո ընդունվել է Երևանի պետական համալսարանի իրավաբանական ֆակուլտետ։ 1995 թվականին առաջնագծի զորամասերից մեկում նշանակվել է դասակի հրամանատար, հետագայում՝ վաշտի հրամանատար։ 2001-2003 թվականներին վերապատրաստվել է Սանկտ Պետերբուրգի ռազմական ակադեմիայում։

2007 թվականին նշանակվել է տանկային զորամասի հրամանատարն է, պարգևատրվել է «Մարտական ծառայության», «Վազգեն Սարգսյան», «Գարեգին Նժդեհ» «Անբասիր ծառայության համար» առաջին և երկրորդ աստիճանի մեդալներով։

Աշոտ Ղազարյանի հրամանատարությամբ գործող տանկային զորամասը 2010 թվականին պարգևատրվել «ՀՀ ԶՈՒ լավագույն տանկային զորամաս» պատվո դրոշով։

Մասնակցել է Արցախյան բոլոր պատերազներին, զոհվել 2020 թվականի հոկտեմբերի 16-ին, իր ծննդավայրում՝ Բայրաքթարի հարվածից։

Հուղարկավորվել է Եռաբլուր զինվորական պանթեոնում։

Հայաստանի նախագահ Արմեն Սարգսյանի հրամանագրով հայրենիքի պաշտպանության և անվտանգության ապահովման գործում ներդրած ավանդի, մարտական գործողությունների ընթացքում ցուցաբերած արիության և նվիրումի համար հետմահու արժանացել է «Մարտական խաչ» 1-ին աստիճանի շքանշանի։

Ընտանիք

Եղել է ամուսնացած, ունի երկու որդի և մեկ դուստր։

Արտաքին հղումներ

• Արծիվ հրամանատար էր, իր «թևերով» շատ զինվորների է փրկել․գնդապետ Աշոտ Ղազարյանը միշտ առաջինն էր
• Գնդապետ Աշոտ Ղազարյանը կյանքն ու 30-ամյա կռիվն ավարտեց 46 տարեկանում (Տեսանյութ)
• Հետմահու պարգևատրված գնդապետերը