Աշոտ Արսենյան

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Աշոտ Արսենյան (այլ կիրառումներ)
Աշոտ Արսենյան
Ծնվել է նոյեմբերի 14, 1960(1960-11-14) (57 տարեկան)
Ծննդավայր Գնդեվազ, Վայոց ձորի մարզ, Հայաստան, ԽՍՀՄ
Քաղաքացիություն Flag of Armenia.svg Հայաստան
Մասնագիտություն քաղաքական գործիչ, գործարար և շինարար
Զբաղեցրած պաշտոններ ՀՀ Ազգային ժողովի պատգամավոր և ՀՀ Ազգային ժողովի պատգամավոր
Քաղաքական կուսակցություն Հայաստանի Հանրապետական կուսակցություն

Աշոտ Եղիշեի Արսենյան (հանրության շրջանում հայտնի «Քլոս» մականունով[1], նոյեմբերի 14, 1960(1960-11-14), Գնդեվազ, Վայոց ձորի մարզ, Հայաստան, ԽՍՀՄ), հայ գործարար, տեխնիկ-շինարար, քաղաքական գործիչ, «Ջերմուկ գրուպ» ՓԲԸ հիմնադիր նախագահ, ՀՀ Ազգային Ժողովի 4-րդ և 6-րդ գումարման պատգամավոր, Ջերմուկի նախկին քաղաքապետ (1996-2002), Հայաստանի հանրապետական կուսակցության անդամ[2]։

Կրթություն[խմբագրել | խմբագրել կոդը]

1986 թվականին ավարտել է Երևանի շինարարության տեխնիկական առաջադիմության համալսարանը։ Ունի տեխնիկ-շինարարի որակովորում։ 1980-1982 թվականներին ծառայել է ԽՍՀՄ բանակում։

Աշխատանքային և բիզնես գործունեություն[խմբագրել | խմբագրել կոդը]

1982-1984 թվականներին Աշոտ Արսենյանը որպես գնորդ աշխատել է Ջերմուկի թիվ 6 ավտոբազայում։ 1985-1986 թվականներին եղել է Սուրենավան գյուղի նավթամթերքի բազայի Ջերմուկի կայանի պետ։ 1986-1988 թվականներին աշխատել է Ջերմուկի թիվ 4 առողջարանում որպես գլխավոր բժշկի տեղակալ։ 1993 թվականին նշանակվել է «Ջերմուկ» հանքային ջրի գործարանի տնօրեն։ 1996 թվականից «Ջերմուկ գրուպ» ՓԲԸ հիմնադիր նախագահն է։

Քաղաքական գործունեություն[խմբագրել | խմբագրել կոդը]

1996, 1999 և 2002 թվականներին ընտրվել է Ջերմուկ քաղաքի քաղապետ։ 2003-2007 թվականներին համամասնական ցուցակով ՀՀԿ կուսակցությունից եղել է ՀՀ Ազգային ժողովի 3-րդ գումարման պատգամավոր, ԱԺ պետական-իրավական հարցերի մշտական հանձնաժողովի անդամ և ՀՀԿ խմբակցության անդամ։

2007 թվականի մայիսի 12-ին ՀՀԿ համամասնական ցուցակով ընտրվել է Ազգային ժողովի 4-րդ գումարման պատգամավոր։

2017 թվականի ապրիլի 2-ին ՀՀԿ ցուցակով ընտրվել է 6-րդ գումարման ԱԺ պատգամավոր։ Ըստ ոստիկանության տարածած հայտրարության, Արսենյանը մեծ քանակի ընտրակաշռք է բաժանել այդ ընտրություններում։ Մասնավորապես 1300 ձայն գնելու համար 13 մլն դրամ է տվել Մալիշկա գյուղի գյուղապետ Մհեր Մովսիսյանին, որ վերջինս բաժանի ընտրողներին[3]։

Անդամություն[խմբագրել | խմբագրել կոդը]

Հայաստանի արդյունաբերողների և գործարարների միության վարչության, «Երկիր Նաիրի» հասարակական կազմակերպության պատվավոր անդամ։

Ընտանիք[խմբագրել | խմբագրել կոդը]

Ամուսնացած է, ունի երեք երեխա։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]