Աշխատանքային հարցազրույց
| Ենթակատեգորիա | զրույց, հարցազրույց  | |
|---|---|---|
| Մասն է | աշխատակազմի ընտրություն, աշխատանքի որոնում | |
| Հիմնական թեմա | թափուր աշխատատեղերի տեղադրում, աշխատանքային պայմանագիր | |
| Մասնակից | գործատու, հավակնորդ, recruiter | |
| Ով է կիրառում | գործատու, recruiter | |
Աշխատանքային հարցազրույց, հանդիպում հնարավոր գործատուի կամ նրա ներկայացուցչի հետ՝ աշխատանքի ընդունվելու ժամանակ: Հարցազրույցի նպատակը դեմառդեմ ծանոթանալն է, հասկանալ, թե որքանով են գործատուն և աշխատանքի թեկնածուն համընկնում միմյանց, ինչպես նաև քննարկել համագործակցության մանրամասները: Հարցազրույցի ընթացքում գործատուն հարցեր է տալիս, որոնք վերաբերում են թեկնածուի կրթությանը, փորձին, ձեռք բերված հմտություններին և գիտելիքներին: Նաև հնարավոր են անձնական բնույթի հարցեր, ինչպես օրինակ՝ նպատակներ, կյանքի ձգտումներ, ինչին է թեկնածուն ցանկանում հասնել և ինչ ծրագրեր ունի։
Խոշոր ընկերություններում հաճախ անցկացվում են հարցազրույցի մի քանի մակարդակներ՝ ռեկրուտերի, անվտանգության ծառայության, հոգեբանի, բաժնի պետի և բարձրագույն ղեկավարության հետ։
Աշխատանքի ընդունման ժամանակ թեկնածուին հաճախ առաջարկում են անցնել թեստեր կամ նմանատիպ փորձություններ։ Թեստերը կարող են լինել թե՛ հոգեբանական, թե՛ մասնագիտական։ Աշխատակիցը կարող է հրաժարվել թեստից, սակայն նման իրավիճակում նրա աշխատանքի ընդունվելու հնարավորությունները զգալիորեն նվազում են[1]։
Որոշ պաշտոնների համար անցկացվում է սթրեսային հարցազրույց[2]։
Հարցազրույցի կառուցվածք
[խմբագրել | խմբագրել կոդը]- Կոնտակտի հաստատում։ Հարցազրույց վարողի խնդիրն է ստեղծել լավ տպավորություն ընկերության մասին և թույլ տալ, որ թեկնածուն թուլանա։
- Կարճ (5-20 րոպե) զրույց ընկերության մասին։
- Հարցազրույցի հիմնական փուլը՝ թեկնածուն պատասխանում է հարցերին և կատարում մի շարք իրավիճակային խնդիրներ։
- Թեկնածուին տրվում է հնարավորություն՝ հարցազրուցավարին տալու իրեն հետաքրքրող հարցերը։
- Թափուր պաշտոնի PR (այս փուլը կարող է բացակայել, եթե թեկնածուն ընկերության համար հետաքրքրություն չի ներկայացնում)։
- Հետագա համագործակցության ալգորիթմի քննարկում[3]։
Հարցազրույցի տիպեր
[խմբագրել | խմբագրել կոդը]Իրավիճակային հարցազրույցներ
[խմբագրել | խմբագրել կոդը]Իրավիճակային հարցազրույցի կամ case-հարցազրույցի ժամանակ թեկնածուին առաջարկվում է պատմել, թե ինչպես կվարվի այն իրավիճակում, որը ներկայացնում է հարցազրուցավարը։ Կախված նպատակներից՝ առաջարկվող իրավիճակները կարելի է բաժանել մի քանի խմբերի:
- Կոնկրետ հմտությունների ստուգում: Թեկնածուին առաջարկվում է, օրինակ, ներկայացնել գործողությունների ալգորիթմը, մասնակցել դերային խաղին՝ ցուցադրելով այն հմտությունները, որոնք անհրաժեշտ են տվյալ պաշտոնի համար և դրսևորվում են շփման ընթացքում, ինչպես նաև կատարել գրավոր կամ տեխնիկական առաջադրանք։
- Սթրեսակայունության, ճկունության, կրեատիվության ստուգում:
- Թեկնածուի մոտիվացիայի և արժեքների ստուգում[4]:
Կենսագրական
[խմբագրել | խմբագրել կոդը]Հարցաթերթիկի անալոգը, որն անդրադառնում է այնպիսի հարցերի, ինչպիսիք են աշխատանքային փորձը, կրթությունը, հոբբիները, ընտանեկան հանգամանքները, պլանները:
Կոմպետենցիաների վրա հիմնված հարցազրույց
[խմբագրել | խմբագրել կոդը]Թեկնածուի պրոֆեսիոնալիզմի և անձնական հատկանիշների վերլուծություն և գնահատում, ինչպես նաև դրանց համապատասխանությունը տվյալ պաշտոնին։ Վերլուծվում է ոչ միայն արդյունքը, այլև դրա հասնելու եղանակները։ Նման հարցազրույցը հնարավորություն է տալիս բացահայտել և գնահատել, մասնավորապես, այնպիսի կարողություններ, ինչպիսիք են առաջնորդությունը, հաղորդակցման հմտությունները, նախաձեռնողականությունը, արդյունքի վրա կենտրոնացումը, ճկունությունը, թիմում աշխատելու կարողությունը, որոշումներ կայացնելու ունակությունը և այլն։ Որպես կանոն՝ հարցազրույցը վարում է երկու-երեք հոգուց կազմված խումբ։ Որոշումը կայացվում է քննարկումից հետո։
Ազատ հարցազրույց
[խմբագրել | խմբագրել կոդը]«Պատմիր ինձ քո մասին» ոճի հարցազրույց. թույլ է տալիս, ի թիվս այլ բաների, գնահատել ինքնաներկայացման հմտությունները: Կարող է ժամանակատար լինել և պահանջում է լավ հարցազրուցավարի նախապատրաստում:
Սթրեսային հարցազրույց
[խմբագրել | խմբագրել կոդը]Տվյալ տեսակի հարցազրույցը տարբերվում է սովորականից նրանով, որ HR մենեջերը դիտավորյալ փորձում է ստեղծել կոնֆլիկտ, սադրելով թեկնածուին, որպեսզի տեսնի, թե ինչպես նա կդրսևորի իրեն սթրեսային իրավիճակում։ Սա արդյունավետ է, եթե ապագա աշխատանքի համար պահանջվում է բարձր սթրեսակայունություն։ Հարցազրույցի ընթացքում թեկնածուին կարող են խնդրել արագ պատասխանել հարցերին, տալ սադրիչ հարցեր և այլն։ Նման հարցազրույց անցկացնելու համար անհրաժեշտ է փորձառու հարցազրուցավար[5]։
Ծանոթագրություններ
[խմբագրել | խմբագրել կոդը]- ↑ «Тестирование при приеме на работу». Արխիվացված է օրիգինալից 2011-07-17-ին. Վերցված է 2011-04-04-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Стрессовое интервью: под дых с благими целями». Արխիվացված է օրիգինալից 2009-06-15-ին. Վերցված է 2008-05-08-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ Иванова, Светлана, 2011
- ↑ Светлана Иванова, 2013
- ↑ Баскина, Татьяна, 2014
Գրականություն
[խմբագրել | խմբագրել կոդը]- Татьяна Баскина Техники успешного рекрутмента. — М.: Альпина Паблишер, 2014. — 288 с. — ISBN 978-5-9614-4540-4
- Светлана Иванова Искусство подбора персонала: Как оценить человека за час. — М.: «Альпина Паблишер», 2011. — 269 с. — ISBN 978-5-9614-1678-7
- Светлана Иванова Как найти своих людей. Искусство подбора и оценки персонала для руководителя. — М.: Альпина Паблишер, 2013. — 174 с. — ISBN 978-5-9614-2240-5
Արտաքին հղումներ
[խմբագրել | խմբագրել կոդը]- Հարցազրույցի տիպեր(ռուս.)
 | Վիքիպահեստն ունի նյութեր, որոնք վերաբերում են «Աշխատանքային հարցազրույց» հոդվածին։ |
