Անֆիլոջինո Գուարիզի

Անֆիլոջինո Գուարիզի
Քաղաքացիությունը	Բրազիլիա
Ծննդյան ամսաթիվ	դեկտեմբերի 26, 1905
Ծննդավայր	Սան Պաուլո, Բրազիլիա
Մահվան ամսաթիվ	հունիսի 8, 1974 (68 տարեկան)
Մահվան վայր	Սան Պաուլո, Բրազիլիա
Դիրք	հարձակվող

Ամֆիլոկիո (Անֆիլոջինո) Գուարիզի Մարկես (պորտ.՝ Amphilóquio (Anfilogino) Guarisi Marque, դեկտեմբերի 26, 1905(1905-12-26), Սան Պաուլո, Բրազիլիա - հունիսի 8, 1974(1974-06-08), Սան Պաուլո, Բրազիլիա), հայտնի է նաև որպես Ֆիլո (պորտ.՝ Filo), բրազիլացի և իտալացի ֆուտբոլիստ, հարձակվող։

Առաջին բրազիլացի ֆուտբոլիստը, որը դարձել է աշխարհի չեմպիոն (Իտալիայի հավաքականի կազմում)^[1]։

Կարիերա

Ֆիլոն ծնվել է Մանուել Աուգուստո Մարկեսի՝ «Պորտուգեսա Դեսպորտոսի» երկրորդ նախագահի ընտանիքում^[2]։ Գուարիզիի ազգանունը եղել է նրա մոր ազգանունը՝ Անֆիլոջինո։ Ֆիլոն միացել է թիմի առաջին կազմին 16 տարեկանում և նորամուտը նշել 1922 թվականի ապրիլի 30-ին՝ «Պաուլիստանոյի» դեմ խաղում, որն ավարտվել է 0-2 հաշվով։ 1924 թվականին, «Բրազի» դեմ խաղում 5-5 հաշվով ոչ-ոքի խաղալիս, Ֆիլոն անսովոր նվաճման է հասել՝ խփելով 5 գոլ։ 1924 թվականի նոյեմբերի 28-ին Ֆիլոն խաղացել է իր վերջին խաղը «Պորտուգեսայի» կազմում՝ «Պաուլիստանոյի» դեմ խաղում, որն ավարտվել է 1-4 հաշվով^[1]^[3]։ Ակումբում անցկացրել է երեք մրցաշրջան և 50 խաղում խփել է 21 գոլ։

1924 թվականի գարնանը տեղափոխվել է «Պաուլիստանո», որտեղ խաղացել է վեց տարի։ Ակումբի հետ Ֆիլոն հաղթել է Սան Պաուլոյի երեք նահանգային առաջնությունում, որոնցից մեկում՝ 1926 թվականին, դարձել է առաջնության լավագույն ռմբարկուն։ 1929 թվականին տեղափոխվել է «Կորինթիանս», որի հետ հաղթել է նահանգային երկու առաջնությունում^[1]։

1931 թվականին Ֆիլոն տեղափոխվել է իտալական «Լացիո» ակումբ, որի նախագահ Ռեմո Զենոբին անհամբեր սպասել է բրազիլացուն թիմում։ Այդ տարվա օգոստոսի 21-ին նորամուտը նշել է ակումբի կազմում՝ «Տրաստևերեի» դեմ խաղում։ Ֆուտբոլիստն այնտեղ խաղացել է 7 տարի, մասնակցել է 134 խաղի և խփել է 43 գոլ^[4], որոնցից առանձնանում է 1933 թվականի սեպտեմբերի 7-ի հեթ-տրիկը «Մոդենայի» դեմ խաղում^[5]։

1937 թվականին Ֆիլոն վերադարձել է «Կորինթիանս», որտեղ անցկացրել է երեք մրցաշրջան՝ հաղթելով նահանգային երեք առաջնությունում։ Ֆիլոն ավարտել է կարիերան «Պալեստրա Իտալիայում», որտեղ նվաճել է իր չորրորդ անընդմեջ տիտղոսը և ավարտել է կարիերան^[1]։

Միջազգային կարիերա

1924 թվականի նոյեմբերի 9-ին Ֆիլոն խփել է իր առաջին և միակ գոլը Սան Պաուլոյի ազգային հավաքականի կազմում, որը 5-0 հաշվով հաղթել է Պարանա նահանգի հավաքականին։ Ֆիլոն խփել է հինգ գոլերից երկուսը^[3]։

Ֆիլոն նորամուտը Բրազիլիայի հավաքականի կազմում նշել է 1925 թվականի նոյեմբերի 11-ին՝ «Կորինթիանսի» դեմ ընկերական խաղում (1:1): Նույն թվականին ազգային հավաքականի հետ մեկնել է Հարավային Ամերիկայի առաջնություն, որտեղ իր առաջին խաղում խփել է առաջին գոլը ազգային հավաքականի կազմում^[6] (այլ աղբյուրների համաձայն՝ նա խփել է երկու գոլ^[7])։ Ազգային հավաքականի կազմում ընդհանուր առմամբ խաղացել է 6 խաղ: Ֆիլոն թեկնածու է եղել առաջին Աշխարհի գավաթի համար, սակայն Ռիո դե Ժանեյրոյի և Սան Պաուլոյի ֆուտբոլային ասոցիացիաների միջև հակամարտության պատճառով Պաուլիստայի ակումբների խաղացողների համար տեղ չի եղել^[1]։

Իտալիա ժամանելուն պես Ֆիլոն ստացել է իտալական քաղաքացիություն։ Ֆիլոն ծագումով օրիունդցի է եղել. նրա մայրը էթնիկ իտալուհի էր^[3]։ Բրազիլացին նորամուտը նշել է Իտալիայի ազգային հավաքականի կազմում 1932 թվականի փետրվարի 14-ին՝ Կենտրոնական Եվրոպայի գավաթի խաղարկության շրջանակներում Շվեյցարիայի դեմ խաղում (3:0): Հաջորդ մրցաշարում նա խաղացել է երեք խաղ, և ի վերջո իտալացիները նվաճել են գավաթը։ 1934 թվականին ընդգրկվել է Աշխարհի առաջնությանը մասնակցող ազգային հավաքականի կազմում, որտեղ նա խաղացել է մեկ խաղ Միացյալ Նահանգների դեմ (7:1): Այս խաղը դարձել է հարձակվողի վերջինը մրցաշարում, որը հաղթել է Իտալիան։ Այսպիսով, Ֆիլոն դարձել է առաջին բրազիլացին, որը դարձել է Աշխարհի առաջնության չեմպիոն^[1]։

Նվաճումներ

Թիմային

Սան Պաուլո նահանգի չեմպիոն (LAF)՝ 1926, 1927, 1929
Սան Պաուլո նահանգի չեմպիոն (APEA)՝ 1929, 1930, 1937, 1938, 1939, 1940
Աշխարհի չեմպիոն՝ 1934
Կենտրոնական Եվրոպայի գավաթի հաղթող՝ 1933-1935

Անձնական

Սան Պաուլոյի նահանգի առաջնության լավագույն ռմբարկու (LAF)՝ 1926 (13 խաղ)

Ծանոթագրություններ

1 2 3 4 5 6 «Estrangeiros Brasileiros – Anfilogino Guarisi». Արխիվացված է օրիգինալից 2010-05-20-ին. Վերցված է 2011-10-17-ին.
↑ «Estrangeiros Brasileiros – Anfilogino Guarisi». Արխիվացված է օրիգինալից 2016-03-05-ին. Վերցված է 2015-11-19-ին.
1 2 3 «Профиль на sitedalusa.com». Արխիվացված օրիգինալից 2015-12-09-ին. Վերցված է 2011-10-17-ին.
↑ «Anfilogino Guarisi». Արխիվացված է օրիգինալից 2015-11-19-ին. Վերցված է 2026-07-06-ին.
↑ «L'idolo è il mitico Filò, abbreviazione di Anfilogino: 3 gol al Modena». Արխիվացված օրիգինալից 2015-11-19-ին. Վերցված է 2015-11-19-ին.
↑ «Southamerican Championship 1925». Արխիվացված օրիգինալից 2012-03-09-ին. Վերցված է 2011-10-17-ին.
↑ «Seleção Brasileira (Brazilian National Team) 1923-1932». Արխիվացված օրիգինալից 2011-07-22-ին. Վերցված է 2011-10-17-ին.

Արտաքին հղումներ

Վիքիպահեստն ունի նյութեր, որոնք վերաբերում են «Անֆիլոջինո Գուարիզի» հոդվածին։

[planotatico-1] 1 2 3 4 5 6 «Estrangeiros Brasileiros – Anfilogino Guarisi». Արխիվացված է օրիգինալից 2010-05-20-ին. Վերցված է 2011-10-17-ին.

[2] «Estrangeiros Brasileiros – Anfilogino Guarisi». Արխիվացված է օրիգինալից 2016-03-05-ին. Վերցված է 2015-11-19-ին.

[sitedalusa-3] 1 2 3 «Профиль на sitedalusa.com». Արխիվացված օրիգինալից 2015-12-09-ին. Վերցված է 2011-10-17-ին.

[4] «Anfilogino Guarisi». Արխիվացված է օրիգինալից 2015-11-19-ին. Վերցված է 2026-07-06-ին.

[5] «L'idolo è il mitico Filò, abbreviazione di Anfilogino: 3 gol al Modena». Արխիվացված օրիգինալից 2015-11-19-ին. Վերցված է 2015-11-19-ին.

[6] «Southamerican Championship 1925». Արխիվացված օրիգինալից 2012-03-09-ին. Վերցված է 2011-10-17-ին.

[7] «Seleção Brasileira (Brazilian National Team) 1923-1932». Արխիվացված օրիգինալից 2011-07-22-ին. Վերցված է 2011-10-17-ին.

[1]

[2]

[3]

[4]

[5]

[6]

[7]