Օգտագործվում են նաև փոփոխական (0,5—0,15 մմ–ի սահմաններում) տրամագծով կարգավորվող անցքակոկիչներ։ Անցքակոկիչները պատրաստվում են գործիքային (ածխածնային, ցածրալեգիրված կամ արագահատ) պողպատներից, ինչպես նաև ամրանավորվում են կարծր համաձուլվածքների թիթեղիկներով կամ ամբողջովին պատրաստվում դրանցից։ Անցքակոկիչով կատարվող մշակման պրոցեսն անվանում են անցքակոկում, որով հասնում են անցքերի մշակման բարձր ճշգրտության և մաքրության։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 461)։
