Անտուան դը Կոն
| Անտուան դը Կոն | |
|---|---|
 | |
| Ծննդյան թիվ՝ | դեկտեմբերի 1, 1953[1][2][3][…] (70 տարեկան) |
| Ծննդավայր՝ | Բուլոն Բիյանկուր, Սենա[4] |
| Քաղաքացիություն՝ |  Ֆրանսիա |
| Մասնագիտություն՝ | դերասան, կինոռեժիսոր, հեռուստահաղորդավար, կրկնօրինակող, ռադիոհաղորդավար, կինոդերասան և սցենարիստ |
| Պարգևներ՝ |  |
| IMDb։ | ID 0004380 |
Անտուան դը Կոն, դեկտեմբերի 1, 1953[1][2][3][…], Բուլոն Բիյանկուր, Սենա[4], ֆր.՝ Antoine de Cones) - կինոյի, թատրոնի և հեռուստատեսության ֆրանսիացի դերասան, ռեժիսոր, սցենարիստ։
Դերասանուհի Էմմա դը Կոնի հայրը։
Կենսագրություն[խմբագրել | խմբագրել կոդը]
Անտուան դը Կոնը ծնվել է 1953 թվականի դեկտեմբերի 1-ին, Փարիզում, հեռուստաժուռնալիստ Ժորժ դը Կոնի և հեռուստահաղորդավարուհի Ժակլին Ժուբերի ընտանիքում։ Իր կարիերան սկսել է 1970-ական թվականների վերջերին որպես հեռուստատեսային «Երգչախումբ» (ֆր.՝ Chorus) հաղորդման ստեղծող ու վարող։ Անտեն-2 հեռուստաալիքի համար Պոլ Պերսավոն կեղծանունով մուլտսերիալների տեքստեր է գրել, որոնց թվում են մեծ ժողովրդականություն վայելող «Կոբրա»-ն և «Տիեզերական շերիֆ Գավան»-ը։ Հեռուստատեսությունում եղել է նաև բարձր վարկանիշ ունեցող «Ռոք ըն ռոլի զավակները», իսկ այնուհետև՝ ամենշաբաթյա «Ռապիդո» ծրագրի վարողը։ Դրանից հետո մի քանի տարի շարունակ աշխատել է Canal + հեռուստաալիքի թիմում՝Ֆիլիպ Ժիլդասի հետ մեկտեղ վարելով «Էլ ուրիշ ոչ մի տեղ» ամենօրյա ծրագիրը։
Դերասանական առաջին աշխատանքը եղել է Նիքի դերը Canal +-ի «Ռոք» հեռուստաֆիլմում։ Մեծ կինոյում սկզբնական շրջանում նկարահանվել է կատակերգական ոչ մեծ դերերում՝ Թոնի Մարշալի «Զղջում» և Սմաինի ու Ժան-Մարկ Լոնգվալի «Երկու հայր ու մեկ մայր» կատակերգություններում։ Մեծ դերերի կատարումով հանդես է եկել Ժան-Ժակ Զիլբերմանի «Տղամարդը՝ որպես կինարմատ» և Կլոդ Շաբրոլի «Ստի շրջապատում» ֆիլմերում։
2000 թվականին Անտուան դը Կոնը ավարտել է իր առաջին ռեժիսորական աշխատանքը՝ նկարահանելով «Արևածագի կծոցները» («Les Morsures de l'aube») ֆիլմը; 2003 թվականին նկարահանել է «Մըսյե N.» կինոնկարը՝ Նապոլեոն Բոնապարտի առեղծվածային մահվան մասին։
Անտուան դը Կոնը բազմիցս (1996-1999, 2008, 2009, 2011-2013 թվականներին) հանդես է եկել ֆրանսիական ազգային «Սեզար» կինոմրցանակի շնորհման արարողությունները վարողի դերում
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Photo d'Antoine de Caunes à 6 ans avec sa mère Jacqueline Joubert Արխիվացված 2014-05-22 Wayback Machine par le Studio Harcourt. Acquisition de l'État, sur le site Réunion des musées nationaux.fr.
- Antoine de Caunes Internet Movie Database կայքում
- Eurotrash at Channel 4 - Adult content
- Artículo en español sobre Antoine de Caunes
- Antoine de Caunes (անգլ.) Internet Movie Database կայքում
- Twitter oficial
 | Վիքիպահեստն ունի նյութեր, որոնք վերաբերում են «Անտուան դը Կոն» հոդվածին։ |
| ||||||||||||||||
