«Տոմ» ակումբի սան է։ 2013/14 մրցաշրջանում խաղացել է Տոմսկի ակումբի երիտասարդական կազմում։ 2014/15 մրցաշրջանում ընդգրկվել է «Տոմ-2» ֆարմ-ակումբի հայտացուցակում, խաղացել է ՊՖԼ առաջնությունում։ Այդ մրցաշրջանում թիմի կազմում անցկացրած 24 խաղում աչքի է ընկել երեք խփած գոլերով։ 2015/16 մրցաշրջանը նույնպես անցկացրել է «Տոմ-2» ակումբում, որտեղ 23 խաղում խփել է 4 գոլ։ 2015 թվականի հուլիսի 11-ին ՖԱԼ առաջնության՝ «Սպարտակ-2» ակումբի դեմ խաղում կատարել է նորամուտը «Տոմ» ակումբի հիմնական կազմում՝ հանդիպման վերջում փոխարինելով Կիրիլ Պոգրեբնյակին։
2016/17 թվականի մրցաշրջանն սկսել է «Տոմ» ակումբի երիտասարդական կազմում, սակայն ձմռանը տեղափոխվել է թիմի հիմնական կազմ այն բանից հետո, երբ ֆինանսական մեծ խնդիրների պատճառով ակումբից հեռացել են մեծ թվով խաղացողներ։ 2017 թվականի մարտի 11-ին նա կատարել է իր նորամուտը ՌՖՊԼ-ում՝ դուրս գալով փոխարինման ԲԿՄԱ ակումբի դեմ խաղում։ 2017 թվականի հունիսի 22-ին երկու տարով երկարաձգել է Տոմսկի ակումբի հետ կնքած պայմանագրի ժամկետը[2]։ Հիմնական կազմում առաջին գոլը խփել է 2017 թվականի նոյեմբերի 12-ին՝ գրավելով «Ավանգարդ» ակումբի դարպասը։
↑«Поздравляем с Днем Свадьбы!» (ռուսերեն). Официальный сайт ФК «Томь». 2019 թ․ հունվարի 10. Արխիվացված է օրիգինալից 2019 թ․ հունվարի 16-ին. Վերցված է 2019 թ․ հունվարի 16-ին.