Անտոնիո Շեմբրի
Անտոնիո Շեմբրի | |
|---|---|
 | |
| Ծնվել է | ապրիլ 1813 Վալետա, Մեծ Բրիտանիայի թագավորություն |
| Մահացել է | դեկտեմբեր 1872 (59 տարեկան) |
| Քաղաքացիություն |  Մալթա |
| Մասնագիտություն | թռչնաբան և միջատաբան |
| Գործունեության ոլորտ | թռչնաբանություն |
Անտոնիո Շեմբրի (մալթ.՝ Antonio Schembri, ապրիլ 1813, Վալետա, Մեծ Բրիտանիայի թագավորություն - դեկտեմբեր 1872), մալթացի թռչնաբան, համարվում է մալթական թռչնաբանության հիմնադիրը։
Կենսագրություն[խմբագրել | խմբագրել կոդը]
Անտոնիո Շեմբրին ծնվել է Մալթայի Վալետա քաղաքում, 1813 թվականի ապրիլին, համեմատաբար հարուստ և կրթված ընտանիքում։ Նա իր հոր ձեռնարկության տնօրենն էր, որը զբաղվում էր ապրանքների ծովային փոխադրմամբ[1]։
1843 թվականին նա իտալերեն գրել է «Catalogo Ornitologico del Gruppo di Malta» («Մալթական խմբի թռչնաբանական ցուցակ») աշխատությունը, որը Մալթայի թռչունների առաջին գիտական ցուցակն է, ինչպես նաև աշխատություն համեմատական թռչնաբանության վերաբերյալ։ Վերջինում նա համեմատել է Մալթայի, Սիցիլիայի, Հռոմի, Տոսկանայի և այլ տարածաշրջանների թռչունների արեալը և բնադրելու վայրերը, տեղեկություններ ներկայացրել աղյուսակների տեսքով։ 1846 թվականին նա Բոլոնիայում տպագրել է «Vocabolario dei Sinonimi Classici dell 'Ornitologia Europea» («Եվրոպական թռչնաբանության դասական հոմանիշների բառարան»)[2]։
Շեմբրին պահպանել է բարեկամական կապեր և նամակագրական կապ ունեցել իտալացի բնագետ Լուիջի Բենուայի հետ և օգնել է իտալացի միջատաբան Կամիլո Ռոնդանիին միջատագիտական «Dipterologiae Italicae prodromus» աշխատությունը գրելիս։ Ռոնդանին նրա անունով նույնիսկ կոչել է ճանճի մի տեսակ (Ochthera schembrii)[2]։
Շեմբրին մահացել է 1872 թվականի դեկտեմբերին 59 տարեկան հասակում[2]։
Աշխատություններ[խմբագրել | խմբագրել կոդը]
- Schembri Antonio (1843)։ Catalogo ornitologico del gruppo di Malta։ Malta: Tipografia Anglo-Maltese
- Schembri, Antonio (1843): Quadro Geografico Ornitologico Ossia Quadro Comparativo dell'Ornitologia di Malta, Sicilia, Roma, Toscana, Liguria, Nizza ela Provincia di Gard.
- Schembri, Antonio (1846): Vocabolario dei Sinonimi Classici dell 'Ornitologia Europea.
Գրականություն[խմբագրել | խմբագրել կոդը]
- Baccetti Nicola, Sultana Joe (2008)։ «Local ornithologists and the early study of central Mediterranean avifauna: the role of Schembri and Damiani in the Maltese and Tuscan Islands»։ Proceedings of the California Academy of Sciences։ Fourth series։ 59 Supplement I (7): 111–116
Ծանոթագրություններ[խմբագրել | խմբագրել կոդը]
|
