Անտիգոնե (ողբերգություն)
Անտիգոնե հին հունարեն՝ Ἀντιγόνη | |
|---|---|
 | |
| Հեղինակ | Սոփոկլես |
| Տեսակ | դրամատիկական ստեղծագործություն |
| Ժանր | հին հունական ողբերգություն[1] |
| Բնօրինակ լեզու | հին հունարեն |
| Կերպար(ներ) | Անտիգոնե, Իսմենե, Creon?, Eurydice of Thebes?, Haemon? և Թիրեսիաս |
| Առաջնախաղի տարեթիվ | մարտ մ. թ. ա. 441[2] |
 Antigone (Sophocles) Վիքիպահեստում | |
Անտիգոնե, հին հունական ողբերգակ Սոֆոկլեսի ողբերգություն, բեմադրվել է 442 թվականի մարտ-ապրիլին, հայերեն է թարգմանվել Համազասպ Համբարձումյանի կողմից[3]։
«Անտիգոնեն» գրված է Թեբեյան շարքի առասպելաբանական սյուժեի հիման վրա։ Սոփոկլեսը ողբերգության մեջ ցույց է տալիս մարդու ընտրությունը աստվածային բարոյական օրենքի և պետական օրենքների միջև հակասության պայմաններում[4]։
Սյուժե[խմբագրել | խմբագրել կոդը]
Պոլինիկեսն արգոսյան բանակով արշավել է հայրենի Թեբե քաղաքի վրա՝ արքայական իշխանությունն իր եղբորից՝ Էտեոկլեսից խլելու։ Արգոսյան զորքը պարտվել է, իսկ եղբայրները մենամարտում սպանել են միմյանց։ Նոր թագավոր Կրեոնը մահվան սպառնալիքով արգելում է հողին հանձնել Պոլինիկեսի դին։ Նահատակված Էտեոկլեսը թաղվելու է բոլոր պատիվներով, Պոլինիկեսն անթաղ պիտի մնա, նրա մարմինը գիշատիչների կեր պիտի դառնա։
Անտիգոնեն` Էդիպ թագավորի դուստրը, անտեսելով Կրեոնի հրամանը հողին է հանձնում եղբոր դին։ Կրեոնը կարգադրում է Անտիգոնեին հսկողության տակ պահել՝ շուտով նրան մահապատժի ենթարկելու համար։ Կրեոնի որդի Հեմոնը՝ Անտիգոնեի փեսացուն, փորձում է հորը ետ կանգնեցնել, բայց հայրը անդրդվելի է, նա չի լսում նաև Թեբեի կույր գուշակ Թիրեսիասին, որ Կրեոնին խորհուրդ է տալիս Պոլինիկեսի մարմինն անմիջապես հողին հանձնել և Անտիգոնեին ազատել։ Ծերունին գուշակում է Կրեոնի ամենասիրելի մարդկանց մոտալուտ մահն ու հեռանում։
Կրեոնի սուրհանդակը բերում է Անտիգոնեի և Հեմոնի մահվան գույժը։ Անտիգոնեն դամբարանում կախվել է, և սիրելի հարսնացուի դիակի մոտ ինքնասպան է եղել նաև Հեմոնը…
Հեմոնի դիակը ձեռքերին՝ ծառաների հետ գալիս է Կրեոնը։ Նրան նոր հարված է սպասում. իմանալով որդու մահը՝ ինքնասպան է եղել նաև նրա կինը՝ Եվրիդիկեն։ Վշտից խենթացած Կրեոնը ողբում է իր ճակատագիրը[5]։
Ծանոթագրություններ[խմբագրել | խմբագրել կոդը]
- ↑ Sophocles Antigone — NYC, London: OUP, 1973. — P. xiv + 101. — ISBN 0-19-501741-2
- ↑ Sophocles Antigone — NYC, London: OUP, 1973. — P. 3. — ISBN 0-19-501741-2
- ↑ «Անտիգոնեն» Համազասպ Համբարձումյանի թարգմանությամբ
- ↑ Հին հունական ողբերգություններ /Թարգմ.՝ Հ. Համբարձումյան, Ս. Կրկյաշարյան; Թարգմ., կազմ., ծանոթագր. և առաջաբ.՝ Ա. Թոփչյան; Խմբ.՝ Ա. Գաբրիելյան, ԵՊՀ. Երևան Եր. համալս. հրատ., 1990
- ↑ Սոփոկլես «Անտիգոնե» համառոտ
 | Վիքիպահեստն ունի նյութեր, որոնք վերաբերում են «Անտիգոնե (ողբերգություն)» հոդվածին։ |
| ||||||||||||||||
