Անսան
| Անսան | ||
| կորեերեն՝ 안산시,安山市 | ||
 | ||
| Երկիր |  Հարավային Կորեա | |
|---|---|---|
| Ներքին բաժանում | Danwon-gu? և Sangnok-gu? | |
| Ղեկավար | Պակ Չուվոն | |
| Հիմնադրված է | 1986 թ. | |
| Մակերես | 149,39 կմ² | |
| ԲԾՄ | 139±1 մետր | |
| Բնակչություն | ▼652 800 մարդ (հոկտեմբերի 31, 2019)[1] | |
| Պաշտոնական կայք | ansan.iansan.net | |
| ||
Անսան (կորեերեն՝ 안산시,安山市,Ansan-si), հարավկորեական քաղաք, Գյոնգիի նահանգում։ Գտնվում է Սեուլից հարավ։ Սեուլի հետ հաղորդակցվում է Սեուլի մետրոյի չորրորդ գծի միջոցով[2]։
Պատմություն[խմբագրել | խմբագրել կոդը]
Քաղաքի պատմություն
Ի սկզբանե Անսանը կոչվում էր Չանհանգու, սակայն վան պետության Սիլլա Չինդուկը այն վերանվանել է Չանգու։ Ժամանակակից անվանումը քաղաքը ստացել է 10-րդ դարում։
Անսանը ռազմական կարևոր դեր է խաղացել Դեղին ծովի կորեական ամրակետում։ Այստեղ էր գտնվում մի հզոր ամրոց, որը նախատեսված էր Կորեայի ծովափնյա շրջաները թշնամիներից թաշտպանելու համար։ Կոջոնի 32 տարվա կառավարումից հետո (Չոսոն դինաստիա) Անսանը ընդգրկվել է Սիհըն գավառի կազմի մեջ[3]։
1976 թվականին Անսանի տեղում հիմնադրվել է Պանվոլ արդյունաբերական շրջանը, որը 1986 թվականին վերածվել էր Անսան քաղաքի[4]։
Նախկին անվանումներ
- Չանհանգու՝ Կոգուրյո թագավորության ժամանակ
- Չանկու՝ 757 թվականից
- Անսան՝ 940 թվականից
- Սիհն՝ 1914 թվականից
- Անսան՝ 1986 թվականի հունվարի 1-ից
Աշխարհագրություն[խմբագրել | խմբագրել կոդը]
Անսանը գտնվում է Դեղին ծովի ափին։ Դեղին ծովի մի քանի ոչ մեծ կղզիներ գտնվում են քաղաքի իրավասության տակ։ Ամենամեծը և ամենահայտնին Տեբուդոն է։ Քաղաքի հրապարակը 144 կմ² է։ Հյուսիսում Անսանը սահմանակից է Կունպհո քաղաքին, իսկ հարավից Հվասոն և Ըիվան քաղաքների հետ, արևելքից՝ Սիհըն քաղաքի հետ։ Արևմուտքում ողողվում է Դեղին ծովով։
Զբոսաշրջիկություն և տեսարժան վայրեր[խմբագրել | խմբագրել կոդը]
Հիմնական տեսարժան վայրերն են.
- Պյոլմակսոն ամրոց՝ այժմ գրեթե քանդված վիճակում է։ Վերակառուցված պատի երկարությունը կազմում է 225 մետր։
- Բուսաբանական այգի, որը ընդգրկում է 220 տեսակի բույսեր։
- Տեբուդո կղզի՝ ծովային առողջարան, հայտնի է յուրահատուկ ծովային խոհանաոցով։
- Սսանգեսի բուդդայական տաճար, առաջին անգամ հիշատակվել է 1689 թվականի հուշագրություններում։
- Պյոլմանոսի ամենամյա մշակութային փառատոն, անցկացվում է ամեն տար, սեպտեմբեր-հոգտեմբեր ամիսներին։
Բարձրագույն կրթություն[խմբագրել | խմբագրել կոդը]
Անսանում կան մի քանի բարձրագույն ուսումնական հաստատություններ.
- Անսանի քոլեջ։
- Անսանի տեխնոլոգիական քոլեջ։
- Սեուլի արվեստի ինստիտուտ։
- Հանյան համալսարանի մասնաճյուղ։
Խորհրդանիշներ[խմբագրել | խմբագրել կոդը]
Ինչպես երկրի մնացյալ քաղաքները, Անսանը ունի մի շարք խորհրդանիշներ
- Ծաղիկ՝ վարդ, խորհրդանշում է իմաստություն և բարեգթություն[5]
- Ծառ՝ գինգկո, խորհրդանշում է քաղաքացիների բարգավաճումն ու համախմբվածությունը։
- Թռչուն՝ աղավնի, խորհրդանշում է գեղեցկություն և քաղաքի մաքրությունը[6]։
- Մասքոթ՝ Techmy, խորհրդանշում է բարձրագույն տեխնոլոգիաներ, որը հանդիսանում է քաղաքի զարգացման գլխավոր ճյուղը[7]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ http://kosis.kr/statHtml/statHtml.do?orgId=101&tblId=DT_1B040A3&conn_path=I2
- ↑ «Исторя Ансана.» (անգլերեն)։ Արխիվացված է օրիգինալից 2012-02-09-ին։ Վերցված է 2010-01-15
- ↑ «География Ансана.» (անգլերեն)։ Արխիվացված է օրիգինալից 2012-02-09-ին։ Վերցված է 2010-01-15
- ↑ «Административное деление Ансана.» (կորեերեն)։ Արխիվացված օրիգինալից 2012-02-09-ին։ Վերցված է 2010-01-13
- ↑ «К. Пуликовский посетит Южную Корею.»։ Արխիվացված է օրիգինալից 2012-02-09-ին։ Վերցված է 2010-01-15
- ↑ «Символы Ансана.» (անգլերեն)։ Արխիվացված է օրիգինալից 2012-02-09-ին։ Վերցված է 2010-01-15
- ↑ «Технопарк Кёнгидо.» (անգլերեն)։ Արխիվացված օրիգինալից 2012-02-09-ին։ Վերցված է 2010-01-15
Արտաքին հղումներ[խմբագրել | խմբագրել կոդը]
- Քաղաքի պաշտոնական կայք Archived 2011-08-08 at the Wayback Machine.(անգլ.)
- Քաղաքի նկարագրություն Archived 2015-05-18 at the Wayback Machine.(անգլ.)
- Քաղաքի լուսանկարները(կոր.)
- Քաղաքի էջը Galbijim վիքի հանրագիտարանում (անգլ.)
| ||||||
