Աննա Ֆրոյդ

Վիքիպեդիայից՝ ազատ հանրագիտարանից
Jump to navigation Jump to search
Աննա Ֆրոյդ
Anna Freud
Sigmund en Anna.jpg
Աննան հոր՝ Զիգմունդ Ֆրոյդի հետ
Ծնվել է դեկտեմբերի 3, 1895
Ծննդավայր Վիեննա
Մահացել է հոկտեմբերի 9, 1982 (86 տարեկան)
Մահվան վայր Լոնդոն, Միացյալ Թագավորություն[1]
Քաղաքացիություն Մեծ Բրիտանիա Մեծ Բրիտանիա
Ավստրիա Ավստրիա
Մասնագիտություն հոգեբույժ
Ծնողներ հայր՝ Զիգմունդ Ֆրոյդ, մայր՝ Մարտա Բերնայս
Պարգևներ և
մրցանակներ
Բրիտանական կայսրության շքանշանի կոմանդոր «Ավստրիայի Հանրապետությանը մատուցած ծառայությունների համար» մեծ ոսկե մեդալ և Պատվավոր դոկտոր[2]
Անդամություն Vienna Psychoanalytic Society, British Psychoanalytical Society և Արվեստների և գիտությունների ամերիկյան ակադեմիա
Anna Freud Վիքիպահեստում

Աննա Ֆրոյդ, Աննա Ֆրեյդ (գերմ.՝ Anna Freud; դեկտեմբերի 3, 1895, Վիեննա - հոկտեմբերի 9, 1982, Լոնդոն), ավստրիական ծագմամբ բրիտանացի հոգեբան և հոգեվերլուծաբան, հոգեվերլուծության հիմնադիր Զիգմունդ Ֆրոյդի կրտսեր դուստրը․ Մելանի Քլայնի հետ համարվում է մանկական հոգեվերլուծության հիմնադիրը։

Կենսագրություն[խմբագրել | խմբագրել կոդը]

Աննան Զիգմունդ Ֆրոյդի և Մարթայի կրտսեր դուստրը, ընտանիքի վերցերորդ երեխան։ Աննան սկզբում տարրական դպրոցի ուսուցչուհի էր։ Առաջին համաշխարհային պատերազմից հետո, թողնելով դասավանդելը, Աննան դառնում է հոր քարտուղարը և հիվանդապահը, սկսում զբաղվել հոգեվերլուծությամբ։ Շատ շուտով նա դառնում է Վիեննայի հոգեվերլուծական ընկերության անդամ, ներկայանում զեկույցներով։

1938 թվականին Ավստրիայի անշլյուսից հետո, Ֆրոյդների ընտանիքը ձերբակալվում է և Աննան հոր հետ ընդմիշտ հեռանում է Վիեննայից բնակվելով Լոնդոնում։ Մեծ Բրիտանիայում նա շարունակում է զբաղվել հոգեվերլուծությամբ՝ զարգացնելով հոր գաղափարները, հատկապես մանկության հոգեվերլուծության բնագավառում։ 1947 թվականին Աննա Ֆրոյդը Լոնդոնում հիմնում է Հեմպստեդյան կլինիկան, այն ժամանակվա խոշորագույն մանկական հոգեվերլուծական կենտրոններից մեկը։ Կյանքի վերջին տարիներին աշխատում է Յելսի համալսարանում և շարունակում զարգացնել իր գաղափարները մանկական հոգեվերլուծության ոլորտում։

Աննա Ֆրեյդը Մահանում է 1982 թվականի հոկտեմբերի 9-ին Լոնդոնում։ Նա չուներ սեփական երեխաներ և ամուսնացած չի եղել։

Գիտական հայացքներ[խմբագրել | խմբագրել կոդը]

Լինելով հոր գիտական հայացքների ժառանգորդը՝ Աննան առաջին հերթին զարգացրել է Եսի հոգեվերլուծական պատկերացումները՝ հոգեբանության մեջ հիմնելով նորֆերեյդական մի ուղղություն՝ էգո-հոգեբանություն։ Նրա գլխավոր գիտական գործունեությունը վերաբերում էր մարդու պաշտպանական մեխանիզմների տեսության ստեղծմանը, մեխանիզմներ, որոնց միջոցով Եսը հավասարվում էր Իդին։ Աննան հետազոտում է նաև ագրեսիան, Մելանի Քլայնի հետ հիմնում է մանկական հոգեվերլուծությունը և մանկական հոգեբանությունը։ Նա մշակում է երեխաների հետ աշխատանքի մեթոդներ (այդ թվում խաղային) վերանայում հոգեվերլուծության տեսության դրույթները։

Աննա Ֆրոյդի գիտական ուսումնասիրությունների կենտրոնում երեխաներն էին, մի անգամ նա նույնիսկ ասել է․

Aquote1.png Ես չեմ կարծում, որ իմ կենսագրությունը հետաքրքիր է։ Իմ ամբողջ կյանքը կարելի է նկարագրել մեկ նախադասությամբ՝ ես աշխատել եմ երեխաների հետ։ Aquote2.png

Կյանքի վերջում, ունենալով պատվավոր պրոֆեսորի տիտղոս աշխարհի շատ համալսարաններում, հետաքրքրվում է երեխաներին վերաբերող մեկ այլ ուղղությամբ՝ ընտանեկան իրավունքով, Յելսի համալսարանի իր աշխատակիցների հետ տպագրում երկու աշխատանք։

Ընտրյալ գիտական աշխատանքներ[խմբագրել | խմբագրել կոդը]

  • Հոգեվերլուծության ներածություն մանկավարժների համար (Einführung in die Psychoanalyse für Pädagogen, 1926)
  • Էգոն և պաշտպանության մեխանիզմները (Das Ich und die Abwehrmechanismen, 1936)
  • Երեխաների հոգեվերլուծական բուժումը (The Psychoanalytic Treatment of Children, 1946)
  • Նորման և պաթոլոգիան մանկության մեջ․ զարգացման գնահատումը (Normality and Pathology in Childhood։ Assessment of Development, 1965)
  • Երեխայի հետաքրքրություններից այն կողմ (1973) Ջ․ Գոլշտայնի և Ա․ Սոլնիտի համահեղինակությամբ
  • Երեխայի գլխավոր հետաքրքրություններին ընդառաջ (1979) Ջ․ Գոլշտայնի և Ա․ Սոլնիտի համահեղինակությամբ

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Fenichel, Otto (1946)։ The Psychoanalytic Theory of Neurosis։ London։ ISBN 0203981588 
  • Gay, Peter (1988)։ Freud: A Life for Our Time։ London: J. M. Dent & Sons։ ISBN 0-333-48638-2 
  • Phillips, Adam (1994)։ On Flirtation։ London: Harvard University Press։ ISBN 0674634403 
  • Young-Bruehl Elisabeth (2008)։ Anna Freud: A Biography։ London: Yale University Press։ ISBN 978-0-300-14023-1 

Արտաքին հղումներ[խմբագրել | խմբագրել կոդը]

Վիքիդարանի պատկերանիշը
Վիքիդարանում կան նյութեր այս թեմայով՝
Աննա Ֆրոյդ