Աննա-Մայա Հենրիկսոն

Վիքիպեդիայից՝ ազատ հանրագիտարանից
Jump to navigation Jump to search
Աննա-Մայա Հենրիկսոն
Anna-Maja Henriksson-12 (cropped).jpg
 
Կուսակցություն՝ Շվեդիայի ժողովրդական կուսակցություն
Կրթություն՝ Հելսինկիի համալսարան
Մասնագիտություն՝ քաղաքական գործիչ
Ազգություն Ֆինլանդիայի շվեդախոս բնակչություն
Ծննդյան օր հունվարի 7, 1964(1964-01-07)[1][2] (58 տարեկան)
Ծննդավայր Պիետարսաարի, Օստրոբոտնիա (մարզ), Վաասա նահանգ, Ֆինլանդիա[1]
Քաղաքացիություն Flag of Finland.svg Ֆինլանդիա

Աննա-Մայա Քրիստինա Հենրիկսոն (շվեդերեն՝ Anna-Maja Kristina Henriksson, օրիորդական անունը` Ֆորսս (շվեդերեն՝ Forss), հունվարի 7, 1964(1964-01-07)[1][2], Պիետարսաարի, Օստրոբոտնիա (մարզ), Վաասա նահանգ, Ֆինլանդիա[1]), ֆինն պետական, քաղաքական գործիչ, իրավաբան։ Ֆինլանդիայի խորհրդարանի պատգամավոր, գործող Արդարադատության նախարար Ռինեի կաբինետում (2019 թվականի հունիսի 6-ից)[3]։ Արդարադատության նախարար է եղել նաև Կատաենենի և Ստուբբի կառավարություններում (2011-2015)[4][5][6]։ Կուսակցության պատմության մեջ Շվեդիայի ժողովրդական կուսակցության առաջին կին-նախագահն է (2016 թվականից)[7]։

Կենսագրություն[խմբագրել | խմբագրել կոդը]

Աննա-Մայա Հենրիկսոնը ծնվել է 1964 թվականի փետրվարի 7-ին, Ֆինլանդիայի Յակոբստադ քաղաքում։ Իրավագիտություն է ուսանել Հելսինկիի համալսարանում, 1987 թվականին ստացել է իրավագիտության մագիստրոսի կոչում։ 1997 թվականից Յակոբստադի քաղաքային խորհրդի անդամ է։ 2003-2004 թվականներին աշխատել է որպես Ֆինանսների նախարար Ուլլ-Մայ Ուիդերոսի հատուկ խորհրդական։ 2007 թվականի խորհրդարանական ընտրություններում Հենրիկսոնը ընտրվել է Էդուսկունտա Վասայի ընտրատարածքից՝ 4600 ձայնով։ 2011 թվականի խորհրդարանական ընտրություններում վերընտրվել է նույն ընտրատարածքից՝ հավաքելով 8392 ձայն։

2011 թվականի հունիսի 22-ին նշանակվել է Արդարադատության նախարար Կատայնենի կառավարության կաբինետում։ 2012 թվականի ապրիլին հայտարաել է Շվեդիայի Ժողովրդական կուսակցության նախագահի պաշտոնում առաջադրվելու մտադրության մասին, բայց Կոկկոլայում 2012 թվականի հունիսի 9-10-ը անցկացվող կուսակցական ֆորումում զիջել է Կառլ Հագլունդին, որն ընտրվել է կուսակցության նոր ղեկավար։

2013 թվականին Հելսինկիի ժողովրդական դատարանում անցկացված ներգերատեսչական հետաքննության արդյունքներով բացահայտվեցին դատավորների կողմից ռասիստական արտահայտությունների օգտագործման դեպքեր (մասնավորապես՝ «Ռյուսսյա») և նա խիստ քննադատեց գոյություն ունեցող երևույթը։ 2014 թվականի հունիսի 24-ին պահպանել է արդարադատության նախարարի պաշտոնը նոր կառավարությունում։ 2015 թվականի մայիսի 29-ին ամբողջ կաբինետի հետ հրաժարական է տվել։ 2016 թվականի մարտի 31-ին Հենրիկսոնը հայտարարել է Շվեդիայի Ժողովրդական կուսակցության նախագահ ընտրելու իր մտադրության մասին և, հաղթելով հունիսի 12-ին անցկացված կուսակցության համագումարում, դարձել կուսակցության պատմության մեջ առաջին կին նախագահը։ 2018 թվականի մայիսի 27-ին Օուլուում անցկացված կուսակցության համագումարում վերընտրվել է նույն պաշտոնում։

Ընտանիք[խմբագրել | խմբագրել կոդը]

  • Ամուսին (1991 թվականից)՝ Յաննե Յոհաննես Հենրիկսոն (շվեդերեն՝ Janne Johannes Henriksson):

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 https://www.eduskunta.fi/FI/kansanedustajat/Sivut/941.aspx
  2. 2,0 2,1 ČSFD (չեխերեն) — 2001.
  3. «Government of Prime Minister Antti Rinne»։ Finnish Government։ Արխիվացված է օրիգինալից 2019-06-06-ին։ Վերցված է 2019-06-09 
  4. «Council of State - Ministers of Justice»։ Valtioneuvosto.fi։ Վերցված է դեկտեմբերի 27, 2017 
  5. «Wallinista ja Henrikssonista uudet ministerit»։ RKP։ հունիսի 18, 2011։ Արխիվացված է օրիգինալից 2011-07-21-ին։ Վերցված է 2011-06-18 
  6. «Anna-Maja Henriksson RKP:n eduskuntaryhmän johtoon»։ Iltalehti։ մայիսի 26, 2015։ Վերցված է հունիսի 14, 2016 
  7. «Anna-Maja Henriksson valittiin Rkp:n puheenjohtajaksi – "Me teimme sen. Me rikoimme lasikaton!"»։ Helsingin sanomat։ հունիսի 12, 2016։ Արխիվացված է օրիգինալից 2016-06-13-ին։ Վերցված է հունիսի 12, 2016