Անհայտ զինվորի հուշարձան (Բոտևգրադ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Անհայտ զինվորի հուշարձան (Բոտևգրադ)
Կոորդինատներ42°54′26.96″ հս․ լ. 23°47′24.08″ ավ. ե. / 42.9074889° հս․. լ. 23.7900222° ավ. ե. / 42.9074889; 23.7900222Կոորդինատներ: 42°54′26.96″ հս․ լ. 23°47′24.08″ ավ. ե. / 42.9074889° հս․. լ. 23.7900222° ավ. ե. / 42.9074889; 23.7900222

Անհայտ զինվորի հուշարձան (բուլղար․՝ Паметник на Незнайния войн), անցյալում` Հուշարձան հերոսներին (բուլղար․՝ Паметник на героите), Հայրենիքի համար զոհվածների հուշարձան (բուլղար․՝ Паметник на загиналите за Родината) և Ծննդավայրի համար զոհվածների հուշարձան (բուլղար․՝ Паметник на загиналите за Отечеството), բուլղարական հուշարձան, որը գտնվում է Բոտևգրադ քաղաքի Անհայտ զինվորի հրապարակում: Հուշարձանին պատկերված են Առաջին և Երկրորդ Բալկանյան պատերազմների և Առաջին համաշխարհային պատերազմի ռազմաճակատներում զոհված 39 սպաների և զինվորների անունները[1]:

Հուշարձանը կանգնեցվել է «Սուրսուվուլ» պահեստական ​​սպաների Օրխանիեի (Բոտևգրադ) ընկերության օգնությամբ, որին աջակցել են համայնքը և քաղաքացիները: Մեծ ազդեցություն է ունեցել 1928 թվականին ստեղծված Քաղաքի և նրա մերձակայքի տնտեսական և մշակութային զարգացման համաքաղաքային ​​կոմիտեն: 1929 թվականի հոկտեմբերի 20-ին հանդիսավոր բացվել է որպես «Հայրենիքի համար զոհվածների հուշարձան», արարողությանը ներկա էին Բոտևգրադի և հարակից գյուղերի 20 հազար բնակիչներ[1]:

Նկարագրություն[խմբագրել | խմբագրել կոդը]

Անհայտ զինվորի հուշարձանը Բոտևգրադում

Հուշարձանի հարավային կողմում նշվում են Բոտևգրադի 39 սպաների և զինվորների անունները, որոնք զոհվել են Բուլղարիայի մասնակցությամբ երեք պատերազմներում` Առաջին և Երկրորդ Բալկանյան պատերազմներում և Առաջին համաշխարհային պատերազմում: Առաջինը բանաստեղծ Ստամեն Պանչևի անունն է, որին հետմահու շնորհվեց պորուչիկի աստիճան: Զոհված զինվորների մեծամասնությունը պատկանում էր Ռոմանսկի և Ցագարսկի ընտանիքներին: Պատվանդանի արևելյան, արևմտյան և հյուսիսային կողմերում պատկերված են մարտ պատկերող տեսարաններ: Հուշարձանն իրենից ներկայացնում է զինվոր` ամբողջական զինվորական համազգեստով և հրացանով: Զինվորը նայում է դեպի հարավային և հարավ-արևմտյան կողմ, որտեղ բուլղարական պատկերացումներով Թրակիայի բուլղարական հողերն են և Մակեդոնիայի մի մասը: Զինվորի համար մոդել է ծառայել ենթապորուչիկ Յորդան Կյուրպանովը, որն այս պատերազմների մասնակից էր և հաշմանդամէր դարձել` մահանալով 1924 թվականին: Նմանատիպ հուշարձան է ստեղծվել Էտրոպոլիս քաղաքում, զինվորը նույնպես պատրաստվել է Յորդան Կյուրպանովի լուսանկարով: Ռազմական կերպարը պատրաստվել էր բրոնզից Հռոմում[1]

Հանդիսություններ[խմբագրել | խմբագրել կոդը]

Ավանդաբար հրապարակի հուշարձանի մոտ մայիսի 6-ին (Սուրբ Գեորգիի օր) անցկացվում են զորահանդեսներ, նոյեմբերի 1-ին և մայիսի 24-ին` տոնակատարություններ: 1944 թվականի սեպտեմբերի 9-ին Հայրենիքի ճակատի Ազգային կոմիտեի կազմակերպչական խումբը հաղորդեց պետական հեղաշրջման և գերմանական իշխանությունների տապալման մասին[1]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Влайкова Симеонка (2003)։ Ботевград през годините. Втора част։ էջեր 100 – 102